Ço (調?, hərf. "mal vergisi") — VII–X əsrlərdə Yaponiyanın ritsuryo sistemi dövründə tətbiq edilən əsas vergilərdən biri.
VII əsrdə vergi vahidi kimi ailə və onun torpaq sahələri müəyyən edilmişdir. VIII əsrdən etibarən vergi yalnız ailənin kişi üzvlərinə şamil edilmişdir.[1]
Vergi onun ödəyicilərinin mənsub olduqları bölgəyə xas yerli məhsullar şəklində toplanmışdır. Ənənəvi olaraq, vergi kimi ipək və ya pambıq sapları, dəmir, kotanlar və müxtəlif dəniz məhsulları təqdim edilmişdir. Vergi ödəyiciləri bu məhsulları paytaxt administrasiyasının nümayəndələrinə şəxsən təqdim etməyə borclu olmuşlar.[1]