Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edin
Ömər Cavadov — azərbaycanlı ağır atlet. Yeniyetmələr və gənclər arasında keçirilən bir sıra beynəlxalq yarışlarda uğurla çıxış edərək Azərbaycanı təmsil etmişdir. O, Avropa və dünya birinciliklərinin mükafatçısıdır.
| Ömər Cavadov | |
|---|---|
| Şəxsi məlumatlar | |
| Tam adı | Ömər Cavadov |
| Vətəndaşlığı |
 Azərbaycan |
| Doğum yeri | Ağdaş |
Ömər Cavadov ağır atletikaya erkən yaşlarında başlamış və qısa müddət ərzində beynəlxalq yarışlara vəsiqə qazanaraq Azərbaycan milli komandasının əsas üzvlərindən biri olmuşdur.
2018-ci ildə İtaliyanın Milan şəhərində keçirilən 15 və 17 yaşa qədər yeniyetmələr arasında ağır atletika üzrə Avropa birinciliyində iştirak etmişdir. Bu yarış, həmçinin Argentinanın paytaxtı Buenos-Ayresdə baş tutacaq Yeniyetmələrin 3-cü Olimpiya Oyunlarına lisenziya xarakteri daşıyırdı.[1]
2019-cu ildə ABŞ-ın Las-Veqas şəhərində keçirilən Yeniyetmələr arasında Dünya Birinciliyində 55 kq çəki dərəcəsində birdən qaldırma hərəkətində 96 kq nəticə göstərərək bürünc medal qazanmışdır. Bu nəticə ilə Ömər Cavadov Azərbaycan yeniyetmələrinin 7 illik fasilədən sonra dünya birinciliyində medal qazanan ilk idmançısı kimi tarixə düşmüşdür.[2] 2022-ci ildə Albaniyada təşkil olunan Gənclər arasında Avropa birinciliyində 67 kq çəki dərəcəsində iştirak edən Cavadov birdən qaldırmada 140 kq, toplamda isə 305 kq nəticə göstərərək iki gümüş medal qazanmışdır. Bu uğuru onun Avropa arenasında sabit və güclü çıxış edən idmançı kimi tanınmasına səbəb olmuşdur.[3]
2023-cü ildə Səudiyyə Ərəbistanının paytaxtı Ər-Riyadda keçirilən ağır atletika üzrə kişilər və qadınlar arasında dünya çempionat 73 kq çəki dərəcəsində yarışmışdır. Lakin birdən qaldırma hərəkətində 145 kq-ın öhdəsindən gələ bilməmiş və yarışı nəticəsiz başa vurmuşdur.[4]
2023-cü ildə Rumıniyanın paytaxtı Buxarestdə keçirilən Gənclər arasında Avropa Birinciliyində isə Ömər Cavadov 73 kq çəki dərəcəsində birdən qaldırma hərəkətində 152 kq nəticə göstərərək qızıl medal qazanmış, toplamda isə 317 kq nəticə ilə ümumi sıralamada 4-cü yeri tutmuşdur. Elə həmin il Tunis şəhərində keçirilən Afrika Çempionatında 73 kq çəki dərəcəsində birdən qaldırmada 143 kq nəticə ilə ikinci, təkanla qaldırmada isə 167 kq nəticə ilə beşinci olmuş və toplam 310 kq ilə ümumi sıralamada 4-cü yerə layiq görülmüşdür. Bu yarış həm də 2024-cü il Paris Yay Olimpiya Oyunlarına lisenziya xarakteri daşımışdır.[5][6]
- ↑ "Ömər Cavadov Avropa birinciliyinin qalibidir -". estafet.az (ingilis). 23 iyul 2018. İstifadə tarixi: 28 may 2025.
- ↑ "Ağır atlet Ömər Cavadov dünya birinciliyində bürünc medal qazanıb". Report İnformasiya Agentliyi (az.). 21 iyun 2020. 21 sentyabr 2021 tarixində arxivləşdirilib. İstifadə tarixi: 28 may 2025.
- ↑ "Ömər Cavadov Avropa birinciliyində iki gümüş medal qazandı! - FOTO". 1news.az (az.). 18 aprel 2024 tarixində arxivləşdirilib. İstifadə tarixi: 28 may 2025.
- ↑ "Ömər Cavadov DÇ-də medalsız qaldı". www.rekord.az (az.). İstifadə tarixi: 28 may 2025.
- ↑ "Ömər Cavadov Avropa birinciliyində qızıl medal qazanıb". Report İnformasiya Agentliyi (az.). 29 iyul 2023. 1 avqust 2023 tarixində arxivləşdirilib. İstifadə tarixi: 28 may 2025.
- ↑ "Azərbaycanın daha bir ağırlıqqaldıranı Afrika çempionatında medal qazanıb". Report İnformasiya Agentliyi (az.). 16 may 2023. 10 dekabr 2024 tarixində arxivləşdirilib. İstifadə tarixi: 28 may 2025.