Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinSəttarova Ülkər Eldar qızı (23 may 1986, Bakı) — Texnika elmləri doktoru (2019) və Kompüter elmləri ixtisası üzrə dosent (2016), Azərbaycan Respublikası Elm və Ali Təhsil üzrə Dövlət Agentliyinin direktoru (2023)[1]
| Ülkər Səttarova | |
|---|---|
| Ülkər Eldar qızı Səttarova | |
| Şəxsi məlumatlar | |
| Doğum tarixi | 23 may 1986 (39 yaş) |
| Doğum yeri | |
| Təhsili | |
| Həyat yoldaşı | |
| Elmi fəaliyyəti | |
| Elm sahəsi | Dosent |
| Elmi dərəcəsi | Texnika elmləri doktoru |
Ülkər Səttarova 1986-cı ildə Bakı şəhərində müəllim ailəsində anadan olub.
Ülkər Səttarova 2008-ci ildə Bakı Dövlət Universitetində tətbiqi riyaziyyat ixtisası üzrə bakalavr, 2010-cu ildə isə Azərbaycan Memarlıq və İnşaat Universitetində informasiya texnologiyaları və sistemləri ixtisası üzrə magistr təhsili alıb və hər iki təhsil pilləsini fərqlənmə diplomu ilə bitirib. 2014-cü ildə "Texnika üzrə fəlsəfə doktoru" elmi dərəcəsinə və 2016-cı ildə Kompüter elmləri ixtisası üzrə dosent elmi adına layiq görülüb.[2]
AMEA-da və Fransada aparılan elmi araşdırmanın nəticəsi olaraq 2019-cu ildə Ali Attestasiya Komissiyası tərəfindən Texnika elmləri doktoru elmi dərəcəsi alıb. Ülkər Səttarova 2004–2009-cu illərdə AMEA Kibernetika İnstitutunda və 2010–2018-ci illərdə Azərbaycan Memarlıq və İnşaat Universitetində müvafiq vəzifələrdə, 2018-ci ildən isə həmin universitetdə Strateji inkişaf üzrə prorektor vəzifəsində çalışıb. Texnika sahəsi üzrə AAK-sının ekspert şurasının üzvüdür.[3]
Evlidir. Həyat yoldaşı Azərbaycan Respublikası Audiovizual Şurasının sədri İsmət Səttarovdur.
100-dən çox elmi əsərin, 5 monoqrafiya və 3 patentin müəllifidir. 50-dən çox məqaləsi ingilis dilində xarici jurnallarda və impakt faktorlu jurnallarda dərc olunmuşdur.
- Ülkər Səttarova Memarlıq və İnşaat Universitetinin prorektoru olub. Başqa sözlə Azərbaycanın ən gənc xanım prorektoru adını daşıyıb.[4]
- Ülkər Səttarova Təhsil Nazirliyində nazirin müşaviri kimi çalışıb.
- Təhsildə Keyfiyyət Təminatı Agentliyinin İdarə Heyətinin sədri vəzifəsinə təyin edilib.
- Ülkər Səttarova Mərkəzi və Şərqi Avropa Ölkələrinin Ali Təhsildə Keyfiyyət Təminatı Agentlikləri Şəbəkəsinin ilk azərbaycanlı üzvüdür.
- Elm və Ali Təhsil üzrə Dövlət Agentliyinin direktorudur.
- 2013-cü ildə Azərbaycan Memarlıq və İnşaat Universiteti, "İlin müəllimi" mükafatına layiq görülmüşdür.
- 2013-cü ildə Rabitə və İnformasiya Texnologiyaları Nazirliyinin təşkilatçılığı ilə keçirilən İKT sahəsində ən yaxşı işlərə görə mükafata layiq görülmüşdür.
- 2016-cı ildə Azərbaycan Memarlıq və İnşaat Universitetinin 40 illik yubileyi münasibətilə Məhsuldar fəaliyyətinə görə Azərbaycan Respublikası Təhsil Nazirliyi tərəfindən fəxri diplomla təltif olunmuşdur.
- Digər yerli və beynəlxalq sertifikatlara layiq görülmüşdür.
- ↑ Elm və Ali Təhsil üzrə Dövlət Agentliyinə direktor təyin olunub
- ↑ "Ülkər Səttarovanın təhsil həyatı". 5 oktyabr 2023 tarixində arxivləşdirilib. İstifadə tarixi: 3 oktyabr 2023.
- ↑ "Ülkər Səttarovanın təhsil və elmi fəaliyyəti haqqında" (PDF). 3 mart 2022 tarixində arxivləşdirilib (PDF). İstifadə tarixi: 3 oktyabr 2023.
- ↑ "Azərbaycanın ən gənc xanım prorektoru". 5 oktyabr 2023 tarixində arxivləşdirilib. İstifadə tarixi: 3 oktyabr 2023.