Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinƏhməd Ünal Çeviköz (1952, İstanbul) — türk diplomatı və siyasətçi, Türkiyənin Azərbaycanda (12.11 2001–31.10 2004),[1] İraqda (16.11 2004–1.01 2007)[2] və Böyük Britaniyada (15.07.2010–28.06.2014)[3] fövqaladə və səlahiyyətli səfiri.
| Ünal Çeviköz | |
|---|---|
| türk. Ahmet Ünal Çeviköz | |
.png) | |
 .svg){kind=small} | |
| Şəxsi məlumatlar | |
| Doğum tarixi | 1952 (72–73 yaş) |
| Doğum yeri | |
| Partiya | |
| Təhsili |
|
| Fəaliyyəti | diplomat, siyasətçi |
 Vikianbarda əlaqəli mediafayllar | |
Ünal Çeviköz 6 noyabr 1952-ci ildə İstanbulda anadan olub. Orta təhsilini Kadıköy Maarif kolecində aldıqdan sonra 1974-cü ildə Boğaziçi Universitetinin İngilis dili və ədəbiyyat, 1978-ci ildə isə Siyasi elmlər fakültəsini bitirib. 1993-cü ildə Brüssel Universitetində Beynəlxalq Münasibətlər üzrə magistr dərəcəsi alıb.[4] İngilis, fransız, rus, alman və italyan dillərini bilir. Evlidir, iki övladı var.
Ünal Çeviköz 1978-ci ildə Türkiyə Xarici İşlər Nazirliyində işə başlayıb. Moskva səfirliyində ikinci katib, Bregenz baş konsulluqda baş konsul vəzifələrində çalışıb.[5]
1986-cı ildə XİN Şərqi Avropa Departamentinin şöbə müdiri, daha sonra Sofiyadakı səfirliyə müşavir təyin edilib.
1989-cu ildə NATO-da əvvəlcə İqtisadiyyat idarəsində, sonra isə Siyasi idarədə işə başlayıb.
1994-cü ildə Çeviköz Moskvada NATO-nun İnformasiya idarəsini yaradıb.
1997-ci ildə NATO-Rusiya Qurucu Aktının layihəsini hazırlayır və Xarici İşlər Nazirliyinə qayıdır.[5] Burada Balkanlar Departamentinin rəhbəri və Qafqaz və Orta Asiya üzrə baş direktorun müavini vəzifələrində çalışır.
Ünal Çeviköz 2001-ci ildə Azərbaycana səfir təyin olunub və 2004-cü ilə qədər bu vəzifədə işləyib.[6] O, Azərbaycanda səfir olarkan Türkiyə — Azərbaycan münasibətlərində ümummilli lider Heydər Əliyevin və Prezident İlham Əliyevin səmərəli fəaliyyətini yüksək qiymətləndirirdi, iki ölkə arasında dil, din və mədəni bağlılığa diqqət çəkərək Heydər Əliyevin "Bir millət, iki dövlət" ifadəsini vurğulayırdı.[7]
2004-cü ildə Türkiyənin Bağdada səfiri təyin edilib və 2007-ci ilə qədər bu vəzifədə calışıb.[2]
2007–2010-cu illərdə Ankarada Xarici İşlər Nazirinin ikitərəfli siyasi məsələlər üzrə müavini vəzifəsində çalışıb.
2010-cu ildə Türkiyənin Birləşmiş Krallığa səfiri təyin edilib. Bu vəzifəni 2014-cü ilin yayında tamamlayıb və Ankaraya qayıdıb.
2013–2015-ci illərdə Ünal Çeviköz Beynəlxalq Dəniz Təşkilatının Baş Assambleyasının sədri seçilib.[8]
2014-cü ildə diplomatik xidmətdən təqaüdə çıxan Çeviköz məsləhətçi, bir sıra beyin mərkəzlərinin üzvü və Türkiyənin müxtəlif qəzetlərində xarici siyasət üzrə yazarı olub. Çeviköz 2018-ci ildə Cümhuriyyət Xalq Partiyasına (CHP) üzv olub və İstanbuldan millət vəkili seçilib.[9] 2023-cü ildə Türkiyədə keçirilən seçkilərdən sonra aktiv siyasətdən uzaqlaqşıb.[10]
- ↑ TÜRKİYE CUMHURİYETİ BAKÜ BÜYÜKELÇİLİĞİ
- ↑ 1 2 "REPUBLIC OF TÜRKİYE EMBASSY OF THE REPUBLIC OF TÜRKİYE IN BAGHDAD". 27 noyabr 2024 tarixində arxivləşdirilib. İstifadə tarixi: 6 avqust 2025.
- ↑ "REPUBLIC OF TÜRKİYE TURKISH EMBASSY IN LONDON". 18 iyun 2024 tarixində arxivləşdirilib. İstifadə tarixi: 6 avqust 2025.
- ↑ Ünal Çeviköz
- ↑ 1 2 "AHMET ÜNAL ÇEVİKÖZ Özgeçmişi". 30 may 2023 tarixində arxivləşdirilib. İstifadə tarixi: 6 avqust 2025.
- ↑ AZƏRBAYCAN PREZİDENTİ HEYDƏR ƏLİYEV TÜRKİYƏNİN BAKIDAKI SƏFİRİNİ QƏBUL ETMİŞDİR
- ↑ TÜRKİYƏNİN AZƏRBAYCANDAKI SƏFİRİ ƏHMƏD ÜNAL ÇEVİKÖZ BƏRDƏ VƏ AĞCABƏDİ RAYONLARINDA KÖÇKÜNLƏRLƏ GÖRÜŞMÜŞDÜR
- ↑ Türkiye Imo'da Yeniden Konsey Üyesi
- ↑ "Ünal Çeviköz". 17 iyul 2025 tarixində arxivləşdirilib. İstifadə tarixi: 6 avqust 2025.
- ↑ "Ünal Çeviköz is a retired Turkish Ambassador". 9 avqust 2025 tarixində arxivləşdirilib. İstifadə tarixi: 6 avqust 2025.
- Ünal Çeviköz — Twitter səhifəsi
- Ünal Çeviköz — Facebook səhifəsi