İblis pişiyi[1][2] (ing. Demon Cat) – ABŞ-nin paytaxtı Vaşinqtonda yerləşən hökumət binalarında məskunlaşdığına inanılan kabus pişik. ABŞ Konqres Binasında və Ağ Evdə məskunlaşdığı iddia olunmuşdur.
İblis pişiyi haqqında hekayələr 1800-cü illərin ortalarına qədər uzanır. Həmin dövrdə ABŞ Konqres Binasının yeraltı tunellərinə siçan və siçovulları tutmaları üçün pişiklər gətirilirdi.[3][4] Əfsanəyə görə İblis pişiyi bu cür pişiklərdən biri olmuş, hətta öldükdən sonra belə buranı tərk etməmişdir.[5] Onun evinin Konqres binasının zirzəməsində yerləşən, Corc Vaşinqtonun dəfni üçün nəzərdə tutulmuş sərdabə olduğu iddia olunmuşdur.[6]
Əfsanəyə görə pişik prezident seçkilərindən və Vaşinqtondakı faciələrdən öncə görünür.[7][8] Ağ Evin mühafizəçilərinin Con Kennedi və Avraam Linkolnun qətlindən öncə bu pişiyi gördükləri iddia olunmuşdur.[9] İblis pişiyi qara və ya zolaqlı pişik kimi təsvir olunmuş,[8] ev pişiyinin ölçüsündə olduğu bildirilmişdir.[10] Lakin bəzi şahidlər pişiyin "nəhəng pələng"[1][2] və ya fil ölçüsünə qədər böyüyə bildiyini,[2][8] 3 metr uzunluğunda və 3 metr hündürlüyündə ola bildiyini bildirmişdirlər.[11] Pişik partlaya və ya şahidə hücum edə, qurbanını yaxlamazdan öncə yoxa çıxa bilərdi.[5]
1890-cı illərdə pişiyin gözlənilməz şəkildə yoxa çıxdığı bildirilmişdir: Konqres binası mühafizəçiləri ona atəş açmış, mühafizəçilərdən biri onu gördükdən sonra ürək tutmasından ölmüşdür.[12] İblis pişiyinin 1940-cı illərdə – İkinci Dünya müharibəsinin son və ya sonrakı günlərində göründüyü iddia olunmuşdur.[7]
ABŞ Kapitol Tarixi Cəmiyyətinin rəhbər tur bələdçisi Stiv Livenquda görə Kapitol Polisi Konqres üzvlərinin tələblərə cavab verməyən dostlarını və qohumlarını işə götürməkdə ad çıxarmışdı. Bu cür işə götürülmüş şəxslər keşik zamanı tez-tez içkili olurdular. Livenquda görə İblis pişiyi haqqında əfsanə mühafizəçilərdən birinin içkili vəziyyətdə uzanarkən Konqres binasındakı pişiklərdən biri tərəfindən yalanması və mühafizəçinin onu nəhəng pişik zənn etməsindən sonra ortaya çıxmışdır. Livenquda görə həmin mühafizəçi bu insidenti rəisinə bildirəndə mühafizəçi dincəlməsi üçün evə göndərilmişdir və digər mühafizəçilər evə göndərilmək üçün İblis pişiyini gördükləri barədə iddialar qaldırmağa başlamışdırlar.[4]
- ↑ 1 2 Edmundson, Sheila. "Halloween: Many things go bump in the still of night in D.C.". The Patriot Ledger. 30 oktyabr 1999.
- ↑ 1 2 3 Krepp, Tim. The Haunted Capitol Building. The Demon Cat // Capitol Hill Haunts (ingilis). Arcadia Publishing. 21 avqust 2012. ISBN 978-1-61423-656-6.
- ↑ Rosenwald, Michael S. "The 'feline spook of the Capitol': How a Demon Cat became Washington's best ghost story". The Washington Post. 31 oktyabr 2018. 17 mart 2020 tarixində arxivləşdirilib. İstifadə tarixi: 21 noyabr 2020.
- ↑ 1 2 Grundhauser, Eric. "Why the U.S. Capitol's 'Demon Cat' Legend Is So Persistent". Atlas Obscura (ingilis). 13 mart 2018. 1 may 2021 tarixində arxivləşdirilib. İstifadə tarixi: 21 noyabr 2020.
- ↑ 1 2 Davidson, Lee. "Plenty of spooks on Capitol Hill for Halloween". Deseret News. 27 oktyabr 1999.
- ↑ Terry Sue Shank. "Nation's capital can be a haunting place". The San Diego Union-Tribune. 1 noyabr 1992.
- ↑ 1 2 Catherine Avery. "Ghost Story ;There's a supernatural tale at most every corner in town". The Washington Times. 28 may 1993.
- ↑ 1 2 3 Shogan, Colleen. "Demon Cat - The Tale of a Wanderlust Feline Ghost". White House Historical Association. 29 sentyabr 2021. 29 sentyabr 2021 tarixində arxivləşdirilib. İstifadə tarixi: 1 noyabr 2021.
- ↑ Elizabeth Jordan. "Ghosts Wander The Hill". Roll Call. 13 iyul 2009. 20 iyul 2009 tarixində orijinalından arxivləşdirilib. İstifadə tarixi: 7 oktyabr 2010. (abunə tələb olunur)
- ↑ Jordy Yager. "Haunted House - and Senate". The Hill. 4 mart 2009. 2 dekabr 2024 tarixində arxivləşdirilib. İstifadə tarixi: 7 oktyabr 2010.
- ↑ Tom Kelly. "We live in a ghost town!". The Washington Times. 26 oktyabr 1989.
- ↑ Jim Abrams. "U.S. Capitol is not without its own ghostly tales;'Demon cat' is said to appear at times of national crisis, vanish suddenly". The Herald-Sun. 31 oktyabr 2003.