İdarəçilik elmi, menecment elmi və ya idarəetmə elmi — müəssisə, şirkət və oxşar təşkilatların ən düzgün şəkildə idarə olunması, mövcud resurslardan səmərəli formada istifadə və fəaliyyət nəticəsində əldə edilən məhsuldarlığın maksimuma çatdırılması ilə məşğul olan fənlərarası elm sahəsi. İdarəetmə elmi menecment, menecment məsləhətçiliyi, iqtisadiyyat, sosiologiya, psixologiya, hüquq, mühəndislik və biznes sahələri ilə sıx əlaqəlidir.
Bu elmin əsas məqsədi təşkilatın effektivliyini və məhsuldarlığını artırmaq, resurslardan optimal şəkildə istifadəni təmin etmək və təşkilatı nailiyyətə çatdırmaqdır.
İdarəetmə elminin müstəqil bir elm sahəsi kimi formalaşması nisbətən yaxın dövrə təsadüf edir. Bu sahənin inkişafına ən böyük töhfə vermiş şəxs Frederik Vinslou Teylor hesab olunur. Onun müasiri hesab olunan Anri Fayol isə idarəetmənin əsas prinsiplərini müəyyənləşdirərək idarəetmə elminin formalaşmasına mühüm töhfələr vermişdir.[1]
İdarəetmə düşüncəsi tarixən təbii inkişaf yolu ilə formalaşmışdır. Bu inkişaf iqtisadi, sosial, texnoloji, mədəni və ya siyasi mühitə əsaslanan problemlərə cavab axtarışı prosesində baş vermişdir. Əmək fəaliyyəti zamanı yaranan sualların cavabları tədricən müəyyən edilmiş prinsiplər və metodlar şəklini almış, zaman keçdikcə elmi xarakter qazanaraq idarəetmə elminin əsasını təşkil etmişdir. Bu elmin inkişafında həlledici rol oynayan əsas amil isə Sənaye inqilabı olmuşdur.[2]
- ↑ "Henri Fayol ve Yönetim". 18 sentyabr 2014. 10 yanvar 2025 tarixində arxivləşdirilib. İstifadə tarixi: 10 yanvar 2025.
- ↑ "Yönetim Biliminin Doğuşu ve İlk Temsilcileri Hakkında Bir Tartışma". M U Iktisadi ve Idari Bilimler Dergisi: 431–452. 26 yanvar 2018. doi:10.14780/muiibd.384135. ISSN 1300-7262.
- Kenneth R. Baker, Dean H. Kropp (1985). Management Science: An Introduction to the Use of Decision Models
- David Charles Heinze (1982). Management Science: Introductory Concepts and Applications
- Lee J. Krajewski, Howard E. Thompson (1981). "Management Science: Quantitative Methods in Context"
- Thomas W. Knowles (1989). Management science: Building and Using Models
- Kamlesh Mathur, Daniel Solow (1994). Management Science: The Art of Decision Making
- Laurence J. Moore, Sang M. Lee, Bernard W. Taylor (1993). Management Science
- William Thomas Morris (1968). Management Science: A Bayesian Introduction.
- William E. Pinney, Donald B. McWilliams (1987). Management Science: An Introduction to Quantitative Analysis for Management
- Gerald E. Thompson (1982). Management Science: An Introduction to Modern Quantitative Analysis and Decision Making. New York : McGraw-Hill Publishing Co.