İdris Xəlil oğlu Qədimov (15 sentyabr 1920, Morul, Gəncə qəzası – 20 avqust 1996, Klaypeda) — sovet-Azərbaycan hərbçisi, tibb xidməti polkovnik-leytenantı. 9 may faşizm üzərində qələbə qazanılmasında böyük rolu olan azərbaycanlı.
| İdris Qədimov | |
|---|---|
| İdris Xəlil oğlu Qədimov | |
| Şəxsi məlumatlar | |
| Doğum tarixi | 15 sentyabr 1920 |
| Doğum yeri | |
| Vəfat tarixi | 20 avqust 1996 (75 yaşında) |
| Vəfat yeri | |
| Vətəndaşlığı | |
| Milliyyəti | azərbaycanlı |
| Həyat yoldaşı | Yevgeniya Qədimova |
| Uşaqları | Tamara Qədimova, Elvira Qədimova |
| Atası | Xəlil ağa Qədimov |
| Anası | Zinyət Hüseynova |
| Təhsili | |
| Hərbi fəaliyyəti | |
| Xidmət illəri | 23.06.1943 − 09.05.1945 |
| Rütbəsi | Tibb xidməti polkovnik-leytenantı |
| Təltifləri |
     |
İdris Qədimov Şəmkirin tanınmış Qədimovlar (Bədirbəylilər) (əvvəlki adla Bədirbəylilər) nəslindəndir.
- Atası Xəlil ağa Qədimov (1897–1943) Azərbaycanda Sovet işğalına qarşı üsyanlar (1920-22), Şəmkir üsyanı sonrası sürgünə göndərilmiş mülkədarlar sırasında idi.
- Əmisi Zeynal ağa Qədimov daşnaklara qarşı xalq üsyanının rəhbərlərindən olub.
- Dayısı oğlu tanınmış filologiya üzrə elmlər doktoru Firudin Hüseynovdur.
Orta təhslini müvəfəqiyyətlə bitirən İdris Qədimov ali təhslini 1942-ci ilin avqustunda infeksion xəstəliklər ixtisası üzrə Azərbaycan Dövlət Tibb Universitetində tamamlamışdır.
İdris Qədimov, sanitar-tibb bölümündə kiçik həkim vəzifəsində çalışaraq, döyüş şəraitində, mərdliklə və cəsarətlə yaralı əsgər və zabitlərə yüksəkixtisaslı tibbi yardım göstərirmişdir.
İdris Qədimov 23.06.1943-cü ildən 08.08.1943-cü ilədək Qərb Cəbhəsində alayın kiçik həkimi; 08.08.1943-cü ildən 01.10.1944-cü ilədək 3-cü Belorus cəbhəsində alayın kiçik həkimi; 01.10.1944-cü ildən 09.05.1945-ci ilədək Qərb Cəbhəsi, Xüsusi Hərbi rayonda alayın kiçik həkimi vəzifələrində çalışmışdır.
07.04.1945-ci ildən 10.04.1945-ci ilədək Koeniqsberq şəhəri uğrunda gedən son döyüşlərdə İdris Qadimov 200-dən çox insana tibbi yardım göstərmişdir. O, 21 qan və qan əvəzedicisi, 8 vagosimpatik blokada, 25 anesteziya sındırmalarından ibarət 2 tibbi köçürmə əməliyyatı etmişdir. Bunlar ağır yaralar üçün cərrahi tədbirlər sırasına daxildir.
Müharibədən sonra İdris Qədimov Klaypeda (Litva SSR) şəhərində yerləşən Hərbi Hospitalda həkim kimi çalışmışdır.
Azərbaycan Qəzeti, 08.05.2025, s.13 |https://www.azerbaijan-news.az/storage/documents/pdf/1-16pdf_1746656470.pdf