İlqar Fəti oğlu Fəti-zadə (30 sentyabr 1956, Kirovabad – 14 aprel 2022, Bakı) — Azərbaycan iqtisadçısı, Azərbaycan Respublikası maliyyə nazirinin birinci müavini (1999–2022).
| İlqar Fəti-zadə | |
|---|---|
| 23 sentyabr 1999 – 14 aprel 2022 | |
| Nazir | Əvəz Ələkbərov Samir Şərifov |
| Əvvəlki | Səfər Hüseynov |
| 16 dekabr 1992 – 23 sentyabr 1999 | |
| Sədr | Əvəz Ələkbərov |
  | |
| aprel 1992 – 16 dekabr 1992 | |
| Nazir | Bədir Qarayev Saleh Məmmədov |
| Şəxsi məlumatlar | |
| Doğum tarixi | 30 sentyabr 1956 |
| Doğum yeri | |
| Vəfat tarixi | 14 aprel 2022 (65 yaşında) |
| Vəfat yeri | |
| Təhsili | |
| Fəaliyyəti | iqtisadçı |
İlqar Fəti oğlu Fəti-zadə 1956-cı il sentyabrın 30-da hazırkı Gəncə şəhərində anadan olmuşdur. 1978-ci ildə Azərbaycan Xalq Təsərrüfatı İnstitutunun Maliyyə-statistika fakültəsini bitirmişdir. 1978–1980-ci illərdə hərbi xidmətdə olmuşdur.[1]
İlqar Fəti-zadə əmək fəaliyyətinə 1978-ci ildə Azərbaycan SSR Maliyyə Nazirliyinin Ştat İdarəsində başlamışdır. 1980–1988-ci illərdə həmin idarədə böyük iqtisadçı, baş iqtisadçı, şöbə müdiri, 1988–1992-ci illərdə isə Maliyyə Nazirliyinin Dövlət Orqanları Aparatının Maliyyələşdirilməsi İdarəsinin rəisi vəzifələrində işləmişdir.[1]
1992-ci ilin aprel ayından maliyyə nazirinin müavini[2], 16 dekabr 1992-ci ildən isə Dövlət Sosial Müdafiə Fondu sədrinin birinci müavini olunmuşdur.[3] 23 sentyabr 1999-cu ildə maliyyə nazirinin birinci müavini təyin edilmişdir.[4]
İlqar Fəti-zadə 14 aprel 2022-ci ildə vəfat etmişdir.[5] "Qurd qapısı" qəbiristanlığında dəfn olunmuşdur.[6]
Ailəli idi. Bir övladı var.
- ↑ 1 2 Fətizadə İlqar Fəti oğlu // Azərbaycanda kim kimdir (Ensiklopedik sorğu kitabı). Bakı: "Çıraq" nəşriyyatı. 2010. S. 97. ISBN 978-9952-8024-3-6.
- ↑ "İlqar Fəti oğlu Fəti-zadə". 20 oktyabr 2020 tarixində arxivləşdirilib. İstifadə tarixi: 17 yanvar 2025.
- ↑ "İ. F. Fətizadə haqqında Azərbaycan Respublikası Prezidentinin Sərəncamı". 20 may 2017 tarixində arxivləşdirilib. İstifadə tarixi: 17 yanvar 2025.
- ↑ "İ. F. Fətizadənin Azərbaycan Respublikası maliyyə nazirinin birinci müavini təyin edilməsi haqqında Azərbaycan Respublikası Prezidentinin Sərəncamı". 29 mart 2023 tarixində arxivləşdirilib. İstifadə tarixi: 17 yanvar 2025.
- ↑ "Maliyyə nazirinin birinci müavini vəfat edib". Report İnformasiya Agentliyi. 15 aprel 2022. 25 aprel 2022 tarixində arxivləşdirilib. İstifadə tarixi: 17 yanvar 2025.
- ↑ "Maliyyə nazirinin birinci müavini dəfn edilib". Report İnformasiya Agentliyi. 15 aprel 2022. 18 aprel 2022 tarixində arxivləşdirilib. İstifadə tarixi: 17 yanvar 2025.