Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinBu məqalədəki məlumatların yoxlanıla bilməsi üçün əlavə mənbələrə ehtiyac var. |
İlyas Abbas oğlu İsmayılov (20 mart 1938, Tovuz – 17 fevral 2025[1], Bakı) — Azərbaycan dövlət və ictimai-siyasi xadimi. Azərbaycan SSR Prokuroru və Azərbaycan Respublikasının ədliyyə naziri. Hüquq elmləri doktoru, Professor. Eks-millət vəkili. Ədalət Partiyasının sədri (2001–2025).
| İlyas İsmayılov | |
|---|---|
.png) | |
| 2 iyul 2001 – 17 fevral 2025 | |
| Əvvəlki | vəzifə təsis edildi |
| Sonrakı | Mütəllim Rəhimli |
| 1993 – 30 mart 1996 | |
| Əvvəlki | vəzifə təsis edildi |
| Sonrakı | vəzifə ləğv edildi |
| 2006 – 2010 | |
| Seçki dairəsi | 2006 — 106 saylı Tovuz-Qazax-Ağstafa 2010 — 106 saylı Tovuz-Qazax-Ağstafa |
| Əvvəlki | vəzifə təsis edildi |
| Sonrakı | Ülviyyə Ağayeva |
Azərbaycan Demokrat Partiyasının həmsədri | |
| 25 aprel 1998 – Noyabr 2000 | |
| Həmsədr | Rəsul Quliyev |
| Əvvəlki | vəzifə təsis edildi |
| Sonrakı | vəzifə ləğv edildi |
| 30 mart 1996 – 25 aprel 1998 | |
| Əvvəlki | Sərdar Cəlaloğlu |
| Sonrakı | vəzifə ləğv edildi |
| 8 aprel 1992 – 13 yanvar 1995 | |
| Əvvəlki | Əlisaab Orucov |
| Sonrakı | Südabə Həsənova |
 .svg){kind=small} | |
| 1985 – 29 avqust 1990 | |
| Əvvəlki | Abbas Zamanov |
| Sonrakı | İsmət Qayıbov |
| |
| 1978 – 1985 | |
| Prokuror | Abbas Zamanov |
| Şəxsi məlumatlar | |
| Doğum adı | İlyas Abbas oğlu İsmayılov |
| Doğum tarixi | 20 mart 1938 |
| Doğum yeri | |
| Vəfat tarixi | 17 fevral 2025[1] (86 yaşında) |
| Vəfat yeri | |
| Partiya |
|
| Təhsili | |
| Fəaliyyəti | siyasətçi |
| Təltifləri |
 |
 Vikianbarda əlaqəli mediafayllar | |
İsmayılov İlyas Abbas oğlu 1938-ci il martın 20-də Tovuz rayonunda anadan olub.
1955-ci ildə A. S Puşkin adına Tovuz şəhər orta məktəbini bitirib.1962-ci ildə Azərbaycan Dövlət Universitetinin hüquq fakültəsini bitirib. 1963-cü ildə Leninqrad Dövlət Universitetinin cinayət-hüquq kafedrası üzrə aspiranturaya daxil olub, 1966-cı ildə orada hüquq elmləri namizədi alimlik dərəcəsi almaq üçün dissertasiya müdafiə edib.[2]
1966-cı ildən 1970-ci ilədək Azərbaycan Elmlər Akademiyasının fəlsəfə və Hüquq İnstitutunun kiçik və baş elmi əməkdaşı işləyib, sonra 2 il respublika prokurorunun köməkçisi olub.
1972-ci ildən 1978-ci ilədək Azərbaycan KP MK-nın inzibati orqanlar şöbəsinin təlimatçısı olub. 1978-ci ildən 1985-ci ilədək respublika prokurorunun müavini, həmin vaxtdan 1990-cı ilə kimi Azərbaycan SSR Prokuroru olmuşdur.
1990-cı ilin sentyabrından 1992-ci ilin yanvarınadək Moskova prokurorluğunda şöbə rəisi vəzifəsində çalışıb.[3]
Səkkiz monoqrafiya və kitabçanın, 200-dən artıq elmi və publisistik əsərin müəllifidir. 1992-ci ildən "Azərbaycan Respublikasında demokratik islahatlar uğrunda" ictimai hərəkata rəhbərlik edib.
2024-cü ilin sonlarında insult keçirib, reanimasiyaya yerləşdirilib.[4] 2025-ci ilin yanvarında komaya düşüb.[5]
2025-ci il fevralın 17-də vəfat edib. Nardaran qəbiristanlığında dəfn olunub.[6]
30 mart 1996-cı ildə sabiq ədliyyə naziri İlyas İsmayılovun rəhbərlik etdiyi Ədalət Partiyası və Azərbaycan Demokrat Partiyası III Növbədənkənar (Birləşdirici) və IV (Birləşdirici) Qurultayda birləşmişdir.[7] Birləşmiş partiyanın sədri İlyas İsmayılov seçilmişdir.[7][8]
1993–1996-cı illərdə Azərbaycan parlamentlərinə rəhbərlik etmiş, hakim Yeni Azərbaycan Partiyası üzvü Rəsul Quliyev 11 sentyabr 1996-cı ildə Milli Məclisin sədri postundan istefa verərək Amerika Birləşmiş Ştatlarına köçmüşdü.[9] 29 noyabr 1998-ci ildə keçirilən Azərbaycan Demokrat Partiyasının VI (Birləşdirici) Qurultay Səlahiyyətli Konfransında onun rəhbərlik etdiyi Beynəlxalq Demokratiya və Ekologiya Fondu və Aydın Quliyevin rəhbərlik etdiyi Demokratik Azərbaycan Partiyası Azərbaycan Demokrat Partiyasına birləşmişdir.[7][8] Birləşmədən sonra partiyada həmsədrlik postu təsis edilmiş, İlyas İsmayılov və Rəsul Quliyev partiyanın həmsədrləri seçilmişdir.[7]
5 noyabr 2000-ci il parlament seçkilərində həm majoritar, həm proporsional seçki sistemi üzrə seçkilərə qatılmış Azərbaycan Demokrat Partiyası uğur qazana bilmədi.[10] 1 gün sonra, yəni 6 noyabr 2000-ci ildə partiyanın həmsədri İlyas İsmayılov və tərəfdarları Azərbaycan Demokrat Partiyasından istefa verdi.[7] Onlar Ədalət Partiyasının bərpası üçün çalışmış və 2 iyul 2001-ci ildə bərpa qurultayı ilə partiyanı yenidən təsis etmişdirlər.[7]
2006-cı il mayın 13-də 106 saylı Tovuz-Qazax-Ağstafa seçki dairəsindən deputat seçilmişdir. Milli Məclisin İnsan hüquqları daimi komissiyasının üzvü olmuşdur. Azərbaycan-Almaniya Federativ Respublikası, Azərbaycan-Amerika Birləşmiş Ştatları, Azərbaycan-İtaliya, Azərbaycan-Latviya, Azərbaycan-Rusiya parlamentlərarası əlaqələr üzrə işçi qruplarınının və Avropa İttifaqı−Azərbaycan parlament əməkdaşlığı komitəsinin üzvü olmuşdur.
Professor Zəkiyyə İsmayılova ilə ailə həyatı qurub, 2 oğlu var. Böyük oğlu Etimad İsmayılov Leninqrad Dövlət Universitetinin hüquq fakültəsini, Mətin isə Moskva Dövlət Universitetinin hüquq fakültəsini, Nyu-York və Kolumbiya Universitetlərini bitirib. Etimad Azərbaycan və Türkiyədə, Mətin isə ABŞ-də Nyu-York şəhərində çalışır.[11]
"Xalqlar dostluğu" ordeni ilə təltif olunub.
- ↑ 1 2 İlyas İsmayılov vəfat etdi.
- ↑ "Sabahına da alnıaçıq gedən siyasətçi — İlyas İsmayılov". 13 avqust 2023 tarixində arxivləşdirilib. İstifadə tarixi: 13 avqust 2023.
- ↑ "İlyas İsmayılov müsahibə". 13 avqust 2023 tarixində arxivləşdirilib. İstifadə tarixi: 13 avqust 2023.
- ↑ "Azərbaycanda sabiq nazir reanimasiyaya yerləşdirilib: Vəziyyəti AĞIRDIR". Oxu.az (az.). 9 yanvar 2025 tarixində arxivləşdirilib. İstifadə tarixi: 9 yanvar 2025.
- ↑ "Sabiq ədliyyə naziri KOMAYA DÜŞDÜ". Oxu.az (az.). 21 yanvar 2025 tarixində arxivləşdirilib. İstifadə tarixi: 21 yanvar 2025.
- ↑ "İlyas İsmayılov dəfn olunub". 21 fevral 2025 tarixində arxivləşdirilib. İstifadə tarixi: 20 fevral 2025.
- ↑ 1 2 3 4 5 6 modern.az. "ADP-yə gəlib-getmiş tanınmışlar - Keçmiş nazir, eks-spiker, general, polis rəisi və digərləri - ARAŞDIRMA". modern.az (az.). 5 fevral 2024 tarixində arxivləşdirilib. İstifadə tarixi: 12 avqust 2024.
- ↑ 1 2 modern.az. "27 naxçıvanlı demokratın yaratdığı ADP- "PARTİYAMIZDIR"". modern.az (az.). 12 avqust 2024 tarixində arxivləşdirilib. İstifadə tarixi: 12 avqust 2024.
- ↑ Hüquqi Aktların Dövlət Reyestri. "Azərbaycan Respublikası Milli Məclisinin sədri R.Quliyevin istefası haqqında Milli Məclis Qərarı". e-qanun.az (az.). 3 sentyabr 2021 tarixində arxivləşdirilib. İstifadə tarixi: 12 avqust 2024.
- ↑ "2000-2001-ci illər parlament seçkiləri haqqında yekun hesabat" (PDF). 1 avqust 2021 tarixində arxivləşdirilib (PDF). İstifadə tarixi: 30 may 2022.
- ↑ İlyas İsmayılov: iki övlad və 3 nəvə