İsmət Qayıbov adına stadion və ya İsmət Qayıbov adına Bakıxanov qəsəbə stadionu — Bakıda, Sabunçu rayonu, Bakıxanov qəsəbəsində SOCAR-ın balansında olan Neftçi PFK-ya aid 2016-cı ilə qədər mövcud olmuş stadion. Stadionun yaşıl ot örtüyü üç tərəfdən üstüörtülü tribunalarla əhatələnib. Tribunalarda 5 minədək plastik oturacaq quraşdırılıb.
| İsmət Qayıbov adına stadion | |
|---|---|
.jpg) | |
 |
|
| Yeri | Bakıxanov |
| Tamaşaçı tutumu | 5.000 |
| Ev sahibi komanda | Neftçi Peşəkar Futbol Klubu |
 Vikianbarda əlaqəli mediafayllar | |
İlk dəfə 2001-ci ildə UEFA tərəfindən lisenziya alan bu stadionda 21 yaşlılardan ibarət Azərbaycan milli komandası Almaniya və İngiltərə komandaları ilə Avropa çempionatının seçmə oyunlarını keçirib. Regional kubok turnirinin qrup mərhələsinin oyunları da bu arenada keçirilir. Stadionun meydançasında avtomatik suvarma sistemi, drenaj, olimpiya təyinatlı arenada qaçış zolaqları, habelə, idman zalları var. Burada uşaq və gənclər güləş, sambo, karate, taekvondo, ağır atletika və voleybolla məşğul olurlar.[1]
Neftçi və Qaradağ Lökbatan klubları da bir müddət ev oyunlarını bu stadionda keçiriblər.
2015-ci ilin sonu 2016-cı ilin əvvəlində sökülüb.[2] Sonradan yerində Neftçi PFK-nın futbol mərkəzi üçün yeni, daha az tamaşaçı tutumu olan stadion tikilib.[3]
- ↑ "ARAŞDIRMA: "AZƏRBAYCANDAKI 100-DƏK FUTBOL ARENASININ ƏKSƏRİYYƏTİ YENİDƏN QURULMALIDIR"". 4 sentyabr 2019 tarixində orijinalından arxivləşdirilib. İstifadə tarixi: 15 mart 2020.
- ↑ "İsmət Qayıbov adına stadion söküldü- FOTO". fanat.az. İstifadə tarixi: 21 noyabr 2025.
- ↑ "Azərbaycanda daha bir stadionun projektorları sıradan çıxdı – EKSKLÜZİV | prosport.az". http://prosport.az/ (ingilis). İstifadə tarixi: 21 noyabr 2025.