İstifadəçi:Əsədov İslam Nadir oğlu/Qum qutusu

Əsədov İslam Nadir oğlu uzun illər televiziya və kino sahəsində rejissor və kino tənqidçisi kimi fəaliyyət göstərmişdir.

2002–2006-cı illərdə Azərbaycan Dövlət Mədəniyyət və İncəsənət Universitetinin Sənətşünaslıq fakültəsində kinoşünaslıq ixtisası üzrə bakalavr təhsili almışdır. 2022–2024-cü illərdə həmin universitetin Kino və Televiziya fakültəsində ssenaristlik üzrə magistratura təhsili almışdır.

İslam Əsədov 2003–2012-ci illərdə Azad Azərbaycan Televiziya və Radio Yayım Şirkətində rejissor, efir rejissoru və efir direktoru vəzifələrində çalışmışdır. Sonrakı illərdə müxtəlif televiziya kanallarında və prodakşn şirkətlərində rejissor, direktor və baş direktorun müşaviri kimi fəaliyyət göstərmişdir. O, həmçinin Azərbaycan Dövlət Televiziyasında rejissor kimi çalışmışdır. Mədəniyyət və Sənətkarlıq üzrə Bakı Dövlət Peşə Təhsil Mərkəzində “Tədbirlərin planlaşdırılması və təşkili” ixtisası üzrə ixtisas fənn müəllimi kimi fəaliyyət göstərir.

Əsədov müxtəlif beynəlxalq elmi konfrans və simpoziumlarda Azərbaycan kinosu, tarixi filmlər, kino nəzəriyyəsi, eləcə də Avropa kino məktəbləri və onların estetik təsirləri mövzularında məruzələrlə çıxış etmişdir.^{[1] [2] [3] [4]}