Meherrem alizade

Əliyev Cəmaləddin Məhərrəm oğlu 1962-cil iyul ayının 22-i Masallı rayonu Həsənli kəndində dünyaya göz açmışdır. 1969-1979-cu illər Masallı rayon Həsənli kənd orta məktəbində təhsil alıb.1980-1982-ci illərdə hərbi xidmətdə olmuşdur. 1983-1988-ci illərdə Mirzəağa Əliyev adına İncəsənət İnstutunda ali təhsilini almışdır. 1985-ci ildən Masallı rayon Mədəniyyət evində Xalq Teatrının baş rejissoru vəzifəsində işləyir. Cəmaləddin Əliyev yazıçı Nurəddin Ədiloğlunun yazdığı "Şəhidlər anası" pyesini 1994-2002- ci illərdə 100 dəfədən artıq xalq teatrı səhnəsində tamaşasının rejissorluğunu etmiş və nümayiş etdirmişdir. Şair Qəni Bəxtəvərin ulu öndər - Heydər ƏLİYEVƏ həsr etdiyi "Möhtəşəm qala" pyesinin tamaşasını respublikanın cənub bölgəsində ictimaiyyət qarşısında göstərmişdir. Respublika Xalq Teatrı festivalında yazıçı İbadulla Hüseynzadənin "Xocalıdan gələn səslər" pyesinin tamaşasına görə "Qızıl İlahə" mükafatını almışdır. Son tamaşalarından biri Azərbaycan Respublikasının Milli qəhrəmanı Mübariz İbrahimovun anadan olmasının 25 illiyi ilə əlaqədar yazıçı İbadulla Hüseynzadənin "Ölümümə inanma" pyesinin tamaşasını hazırlayıb ictimaiyyət qarşısında göstərmişdir. Cəbhə bölgəsində vətənpərvərlik ruhunda hazırladığı tamaşalara görə "Qələbə fondu"nun mükafatını almışdır. Cəmaləddin Əliyevin əldə etdiyi mükafatlardan bəziləri : 1-I Respublika Xalq Teatrı Festivalı 3-cülüyü,  2-Ümumittifaq Festival Laureatı, 3-Respublika Xalq Yaradıcılığı Festivalı Laureatı  və bir neçə diplom və sertifikatlarla təltif olunmuşdur.

Ailəlidir.İki övladı,dörd nəvəsi var.