İdarə Heyəti sədrinin 1-ci müavini, İdarə Heyətinin üzvü (Baş Satış İnzibatçısı)
Gültekin Orhan Rifat oğlu 06 may 1970-ci ildə Türkiyənin Bursa şəhərində anadan olmuşdur.
1987–1991-ci illərdə Türkiyənin Hacettepe Universitetində "Menecment" ixtisası üzrə bakalavr təhsili almışdır.
Bank karyerasına 1993-cü il tarixindən Türkiyənin "Garanti" Bankında auditor olaraq başlamışdır. 1997–2001 tarixlərində "Koçbank"da baş auditor və filial müdiri vəzifələrində çalışmışdır. Sonra isə 2001–2012-ci illərdə "Yapı Kredi Bank — Türkiyə"də satış üzrə regional direktor və icraçı vitse-prezident vəzifələrində çalışmışdır.
2012–2015-ci illərdə "Yapı Kredi Bank – Azərbaycan"da Baş Direktor (satış üzrə), 2016–2017-ci illərdə Caspian Development Bankda "Satış və marketinq" departamentinin Direktoru, 2017–2018-ci illərdə "Atabank" ASC-də "Marketinq və Kommunikasiyalar" departamentinin Direktoru kimi fəaliyyət göstərmişdir.
2019-cu ildən 2022-ci ilədək "Rabitəbank" ASC-də İdarə Heyəti Sədrinin müavini (Satış üzrə) vəzifəsində çalışıb.
2022-ci ildən etibarən "Rabitəbank" ASC-də İdarə Heyəti Sədrinin 1-ci müavini vəzifəsində çalışır.
basov Rəşad Səməndər oğlu 19 oktyabr 1979-cu ildə Quba şəhərində anadan olub.
2000-ci ildə Azərbaycan Dövlət Neft Akademiyasının "Mühəndis iqtisadiyyatı və idarə etməsi" fakültəsi üzrə bakalavr, 2002-ci ildə isə həmin fakültə üzrə Magistr dərəcələrini "fərqlənmə" ilə bitirib. Həmçinin, 2006-cı ildə Azərbaycan Dövlət İqtisad Universitetində "Maliyyə və Kredit" ixtisası üzrə aldığı təhsili də "fərqlənmə" ilə başa vurmuşdur.
2002–2004-cü illərdə "BUS" Bankında müxtəlif vəzifələrdə çalışmışdır.
2004–2012-ci illərdə "Rabitəbank" ASC-nın "Daxili Audit" bölməsində müxtəlif vəzifələrdə çalışıb. 2012-ci ildən isə "Daxili audit" departamentinin direktoru vəzifəsinə təyin edilmişdir.
2018-ci ildən hal-hazıradək "Rabitəbank" ASC-də Audit Komitəsinin Sədri vəzifəsində çalışır.
2024-cü ilin may ayından etibarən, həmçinin bankın Müşahidə Şurasının üzvüdür.
Hüseynov Aydın Hüseyn oğlu 21 may 1979-cu ildə Ağsu rayonunda anadan olmuşdur. Orta təhsilini Bakı şəhərində yerləşən Fizika, Riyaziyyat və İnformatika Təmayüllü Respublika liseyində tamamlamışdır.
1996 – 2000-ci illərdə Türkiyə Cümhuriyyətnin Egey Universitetində Tətbiqi Riyaziyyat ixtisası üzrə Bakalavr, 2000 – 2002-ci illərdə Ankara Universitetində Tətbiqi Riyaziyyat ixtisası üzrə Magistr və 2002 – 2005-ci illərdə həmin Universitetdə Tətbiqi Riyaziyyat ixtisası üzrə Doktorantura təhsilini tamamlayaraq Riyaziyyat üzrə Fəlsəfə Doktoru elmi dərəcəsi almışdır. Fəlsəfə Doktoru elmi dərəcəsi Azərbaycan Respublikası Prezidenti yanında Ali Attestasiya Komissiyası tərəfindən nostrifikasiya olunmuşdur. 2014 – 2019-cu illərdə Bakı Dövlət Universitetinin Riyazi İqtisadiyyat Kafedrasında Elmlər Doktoru elmi dərəcəsi üçün təhsil almışdır. 2012-ci ildə Ali Attestasiya Komissiyası tərəfindən Dosent elmi adı verilmişdir.
Xarici və yerli jurnallarda çap olunmuş 19 ədəd elmi məqaləsi vardır.
Frankfurt School of Finance & Management məktəbində Kiçik və Orta Müəssisələrin Maliyyələşməsi və Institut de Formation Bancaire Luxembourg institunda Kapital Bazarları və Maliyyə Alətləri üzrə təhsil almış və Beynəlxalq Sertifikasiyalardan keçmişdir.
2007–2008-ci illərdə Yapı Kredi Bank-da Kreditlərin Təhlili Departamentində Mütəxəssis və 2008–2009-cu illərdə həmin bankda Fondların İdarə Edilməsi Departamentində Mütəxəssis kimi fəaliyyətini davam etdirmişdir. Paralel olaraq Yapı Kredi İnvest-də Qiymətli Kağızlar üzrə broker və diler kimi işləmişdir. 2009 – 2012-ci illərdə TuranBank-da Birja Əməliyyatları Şöbəsində müdir, 2012 – 2014-cü illərdə isə Risklərin İdarə Edilməsi Departamentində Direktor vəzifəsində çalışmışdır.
2014 – 2017-ci illər ərzində Rabitəbank-da ilk növbədə Risklərin İdarə Edilməsi və daha sonra isə Satışın İdarə Olunması üzrə İdarə Heyəti Sədrinin müavini kimi fəaliyyətini davam etdirmişdir. 2017 – 2019-cu illər ərzində isə müxtəlif zamanlarda AFB Bank-da Maliyyə, Xəzinədarlıq, Əməliyyat, İnsan Resursları, Risklərin İdarə Olunması, Daxili Nəzarət, Kredit, Anderraytinq, Satış və Marketinq sahələrində İdarə Heyəti Sədrinin I müavini və İdarə Heyətinin Sədri vəzifəsinin icraçısı işləmişdir.
2020-ci ilin İyul ayından Oktyabr ayınadək Azərsun Holdinq-də Müşahidə Şurası Sədrinin Bank və Sığorta məsələləri üzrə Müşaviri vəzifəsində çalışmışdır. Eyni zamanda bu müddət ərzində Azərbaycan Sənaye Bankı-nda Müşahidə Şurasının Üzvü olaraq fəaliyyət göstərmişdir.
2019-cu ildən etibarən Azərbaycan-dakı Amerika Ticarət Palatasının (AmCham) Bank, Maliyyə və Sığorta komitəsinin üzvü və 2018 – 2020-ci illərdə Azərbaycan Banklar Assosiasiyasının (ABA) Xəzinədarlıq və Fondların İdarə Olunması Ekspert qrupunun sədri olmuşdur.
Nuriyev Zakir Əlibala oğlu 02 oktyabr 1960-cı ildə Kürdəmir rayonunda anadan olmuşdur.
1981-ci ildə Azərbaycan Dövlət İqtisad Universitetinin "Mühasibat uçotu" fakültəsini bitirmişdir.
Əmək fəaliyyətini 1981-ci ildən Azərbaycan Respublikası Rabitə Nazirliyində, "Nəzarət-Təftiş" İdarəsində Aparıcı mühasib kimi başlamışdır. 1983–1989-cu illərdə Azərbaycan Respublikası Rabitə Nazirliyinin "Nəzarət-Təftiş" İdarəsində Mühasib-revizor, Baş təftişçi və Baş mühasibin müavini kimi fəaliyyət göstərmişdir.
1989-cu ildən AR Rabitə Nazirliyinin "Rayon Rabitəsi" İstehsalat Birliyinə "Nəzarət və Mühasibat Uçotu" şöbəsinin rəisi vəzifəsinə təyin edilmişdir.
1993-cü ildə "Rabitəbank" ASC-nın İdarə Heyətinin Sədri vəzifəsinə təyin edilmişdir və 1998-ci ilədək həmin vəzifədə çalışmışdır. 1998-ci ildən hal-hazıradək Bankın Müşahidə Şurasının Sədridir.
1996-cı ildə "Azərbaycan Banklar Assosiasiyası"nın Prezidenti vəzifəsinə seçilmiş və 2006-cı ilə qədər həmin vəzifədə çalışmışdır. 2006-cı ildən 2015-ci ilədək "Azərbaycan Banklar Assosiasiyası"nın Rəyasət Heyətinin üzvü olmuşdur. 2015-ci ildən yenidən "Azərbaycan Banklar Assosiasiyası"nın Prezidenti vəzifəsinə seçilmişdir.