Şorbulaq palçıq vulkanlar qrupu – Bakı şəhərindən 35 km qərbdə yerləşir. Onların yerləşmə sahəsində paleogen-miosen çöküntüləri Mərkəzi Qobustanın (Bayanata mikrobloku) Boransız-Cılğa antiklinalı və Qərbi Abşeronun Sarınca-Gülbəxt qırışığı arasında iri qırışıq əmələ gətirir.[1]
| Şorbulaq palçıq vulkanı | |
|---|---|
| Ümumi məlumatlar | |
| Növü | palçıq vulkanı |
| Yerləşməsi | |
| Ölkə |
 Azərbaycan |
Şorbulaq palçıq vulkanı şimal-qərb-cənub-şərq istiqamətli Şorbulaq qırışığı dik cənub və nisbətən azmeyilli şimal-şərq qanadlara malikdir. Qırışığın nüvəsində çokrak horisontu, diatom lay dəstəsi və pont mərtəbəsi çöküntülərini haşiyələndirən qovundağ mərtəbəsi (eosen) və maykop seriyası suxurları açılırlar. Məhsuldar qat qırışığın cənub-qərb qanadında enli zolaq şəklində izlənir. Qırışığın tağyanı hissəsi 350 m yerdəyişmə amplitudası uzununa qırılma ilə mürəkkəbləşib. Onun cənub qanadı boyunca 1500 m yerdəyişmə amplitudasına malik əks fay xarakterli iri pozulma keçir. Şərqi Şorbulaq vulkanı Gülbəxt palçıq vulkanından 1.7 km şimal-şərqdə yerləşir və 10 m nisbi hündürlüklə kiçik təpə əmələ gətirir.
- ↑ "Dünya palçıq vulkanlarının atlası (2015)". səh: 71. 13 mart 2024 tarixində arxivləşdirilib.