Əbu Bəkr Əbdürrəzzaq ibn Həmmam ibn Nafi əs-Sənani əl-Himyəri (ərəb. عبد الرزّاق الصنعاني; 744[1][2][…] – 827[3]) — yəmənli mühəddis.
| Əbdürrəzzaq əs-Sənani | |
|---|---|
| ərəb. عبد الرزاق الصنعاني | |
 | |
| Doğum tarixi | 744[1][2][…] |
| Vəfat tarixi | 827[3] (82–83 yaşında) |
| Elm sahəsi | hədis |
| Tanınmış yetirmələri | İshaq ibn Rəhaveyh, Əli ibn Mədini |
Sənada doğulub. İbn Cüreyc ilə görüşüb və ondan hədis alıb. Hicaz, Şam və İraq kimi yerlərə elmi səfərlər edib. Buralarda Məmər ibn Rəşid, Süfyan əs-Səvri, Süfyan ibn Uyeynə, Malik ibn Ənəs və başqa şəxslərdən təhsil alıb. Bunlardan ən çox bəhrələndiyi Məmər ibn Rəşid olmuşdur. Fiqhi biliklərini Əvzai, Süfyan əs-Sövri və Əbu Hənifədən alıb. Yəhya ibn Məin, Əli ibn Mədini, İshaq ibn Rahuyə, Züheyr ibn Hərb, Əhməd ibn Hənbəl və başqa şəxslər ondan hədis rəvayət ediblər. Müəllimləri Süfyan ibn Uyeynə ilə Mötəmir ibn Süleyman ondan hərəsi 1, Buxari 110, Müslüm isə 409 hədis rəvayət etmişdir.[4]
Onun çoxsaylı əsər müəllifi olduğu deyilsə də, qələmə aldığı əsərlərdən dövrümüzə qədər gəlib çatanları bunlardır:
- əl-Müsənnəf fil-hədis. 1971–1975-ci illərdə Beyrutda on bir cilt halında nəşr olunmuşdur.
- ət-Təfsir. Əsərin bir nüxsəsi Misirdəki Darül-kütubil-Misriyyə kitabxanasında,[5] digər bir nüsxəsi isə Türkiyədəki Dil və Tarix-Coğrafiya Fakültəsi kitabxanasında (İsmayıl Saib Səncər, № 4216, 110 vərəq) saxlanılır.
- Kitabüs-Səlat. Məlum olan yeganə nüsxəsi Zahiriyyə kitabxanasında saxlanılır (Məcmuə, № 94, 11 vərəq).
- əl-Əmali fi əsaris-səhabə.
- əs-Səhifə.[4]
- ↑ 1 2 Library of Congress Library of Congress Name Authority File (ing.).
- ↑ 1 2 İsrail Milli Kitabxanası. 1892.
- ↑ 1 2 OpenITI corpus. OpenITI.
- ↑ 1 2 Akyüz, Ali. "Abdürrezzâk b. es-San'ânî". TDV İslâm Ansiklopedisi. 1988. 06.11.2025 tarixində arxivləşdirilib. İstifadə tarixi: 06.11.2025.
- ↑ Sezgin. GAS (alman). I. Leyden. 1967–2010. 99.