Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinƏbu Bəkr Sifil (türk. Ebubekir Sifil; 1960, Sarıqamış, Qars ili) — türk akademik, ilahiyyatçı və yazıçı.
| Əbu Bəkr Sifil | |
|---|---|
| türk. Ebubekir Sifil | |
| Doğum tarixi | 1960 (64–65 yaş) |
| Doğum yeri | |
| Elm sahəsi | ilahiyyat |
| Elmi dərəcəsi | doktor |
| Elmi adı | |
| İş yeri | |
| ebubekirsifil.com | |
25 dekabr 1960-cı ildə Qarsın Sarıqamış ilçəsində dünyaya gəlib.[1] İbtidai və orta təhsilini Qars İmam Xətib liseyində alıb.[2] 1978-ci ildə Ərzurum Atatürk Universitetinin Kazım Qarabəkr Təhsil İnstitutuna daxil olub. 1980-ci ildə Ankara Qazi Universitetinin Mətbuat Yayım Ali Məktəbinə daxil olub. 1984–1985 tədris ilində bu təhsil ocağından məzun olub. Məzun olduqdan sonra bir müddət ərəb dili tərcüməçisi işləyib. 1986–1987-ci il tarixlərində hərbi xidmətdə olub. 1989–1993-cü il tarixlərində Türkiyə Diyanət Vəqfində nəşriyyat üzrə redaktor vəzifəsində çalışıb. 1993–1996-cı il tarixlərində Yüzüncü İl Universitetində (Van), 1998–1999-cu il tarixlərində isə Osmanqazi Universitetinin ilahiyyat fakültəsində (Əskişəhər) tədqiqatçı vəzifələrində çalışıb. 1999–2000-ci il tarixlərində "Yeni Mesaj" qəzetində, 2000–2013-cü il tarixlərində isə "Milli Qəzet"də gündəlik məqalələr qələmə alıb. 1996-cı ildə "Hədis Elmi Sahəsi" üzrə magistratura təhsilini (Konya Səlcuk Universiteti İlahiyyat Fakültəsi), 2006-cı ildə isə doktorantura təhsilini uğurla başa vurub. 2017-ci ildə dosent, 2021-ci ildə professor elmi adlarına yiyələnib. Hal-hazırda Yalova Universitetinin İslam Elmləri Fakültəsində müəllim vəzifəsində çalışır.[3] Ərəbcə və ingiliscə bilir.[2] Ailəlidir. 3 övladı var.[4] "Türkiyə Yazıçılar İttifaqı"nın üzvüdür.[1]
Əbu Bəkr Sifil, "TDV İslam Ansiklopedisi"ndə 20-yə yaxın məqalənin müəllifidir.[4][5] Qələmə aldığı əsərlərdən bəziləri də bunlardır: Modern İslam Düşüncəsinin Tənqidi (1997, 4-cü nəşri aprel 1999, 2019), İdrak və Təsdiq (2010), İhya və İnşa adlı (2014), Əhli-Sünnə Əqaidi — Müxtəsər Tahavi Əkidəsinın Şərhi (2018), İstanbul İclasları — 1 — Pəşavar Gecələrinə Rəddiyə (2018) və s.
- İxtilafdan Rəhmətə (1989; 2-ci nəşr 1997, "Məzhəp Məsələsi və Fiqhi İxtilaflar" adı ilə, 2012),
- Məqalətül-Kövsəri (iyul 2014),
- Məzhəp Məsələsi və Fiqhi İxtilaflar (Əbül-Fəth əl-Bəyanunidən, 2017).[1]
- ↑ 1 2 3 "Ebubekir Sifil". Biyografya. 14.10.2025 tarixində arxivləşdirilib. İstifadə tarixi: 14.10.2025.
- ↑ 1 2 "Ebubekir Sifil kimdir? Mesleği nedir?". Hürriyet. 2017. Archived from the original on 2018-12-20. İstifadə tarixi: 14.10.2025.
- ↑ "İslami İlimler Fakültesinde III.Geleneksel Hadis Ezberleme Yarışması Düzenlendi". Yalova Üniversitesi. 2017. 14.10.2025 tarixində arxivləşdirilib. İstifadə tarixi: 14.10.025.
- ↑ 1 2 "Özel ve Akademik Hayatı". Prof. Dr. Ebubekir Sifil. Archived from the original on 2025-05-19. İstifadə tarixi: 14.10.2025.
- ↑ "Ebubekir Sifil". TDV İslâm Ansiklopedisi. Archived from the original on 2025-08-03. İstifadə tarixi: 14.10.2025.