Əbu Züra Əbdürrəhman ibn Əmr ibn Abdillah əd-Dəməşqi (ərəb. أبو زرعة الدمشقي; v. 895[1] və ya 894, Dəməşq) — hədis hafizi.
| Əbu Züra əd-Dəməşqi | |
|---|---|
| ərəb. عبد الرحمٰن بن عمرو بن عبد الله بن صفوان بن عمرو النصري | |
 | |
| Vəfat tarixi | 895[1] və ya 894 |
| Vəfat yeri | |
| Elm sahəsi | hədis elmi |
| Tanınmış yetirmələri | Əbu Davud, Əbu Cəfər ət-Tahavi, Təbərani |
Hicri 200-cü (815) ildən əvvəl dünyaya gəlib. Nisbəsi "Nəsri"dir.
O, kiçik yaşlarından Şam bölgəsindəki alimlərin hədis məclislərində iştirak edib. O, hədisdəki məharətinə görə müəllimləri — Əbu Müshir ilə Əhməd ibn Əbül-Həvari tərəfindən təriflənib. Daha sonra Şam, İraq və Hicaz bölgələrini gəzərək Əbu Nuaym Fəzl ibn Dükeyn, Əffan ibn Müslüm, Səid ibn Mənsur, Yəhya ibn Məin, Əhməd ibn Hənbəl kimi alimlərdən hədis təhsili alıb. Ondan da Əbu Davud, Yaqub əl-Fəsəvi, İbn Əbu Davud, Tahavi və Təbərani kimi alimlər hədis rəvayət ediblər. İbn Əbu Xətim onu etibarlı,[2] Əbu Xətim ər-Razi isə "saduq" adlandırıb.
Əbu Züra əd-Dəməşqi hicri 281-ci (894) ildə Dəməşqdə vəfat edib. Onun hicri 280 (893) və ya 282-ci (895) illərdə öldüyü də deyilib.
Əbu Züra əd-Dəməşqi, "ət-Tarix", "əl-Əhadis vəl-hekayət vəl-iləl vəs-sualət" və başqa əsərlərin müəllifidir.[3]
- 1 2 OpenITI corpus. OpenITI.
- ↑ İbn Əbu Xətim, Əbdürrəhman. Əl-Cərh vət-tədil (ərəb). V. Heydərabad (Hindistan). 1952–1953. 267.
- ↑ Kandemir, M. Yaşar. "Ebu Züra ed-Dımaşki". TDV İslâm Ansiklopedisi. 1994. 9 fevral 2026 tarixində arxivləşdirilib. İstifadə tarixi: 9 fevral 2026.