Əhməd Mahmud Ünlü və ya Cübbəli Əhməd Xoca (türk. Ahmet Mahmut Ünlü; 27 fevral 1965, Fatih, İstanbul ili) — türk vaiz, yazıçı və hafiz. Təriqət şeyxi Mahmud Ustaosman oğlunun ən tanınmış tələbələrindən biridir.[1]
| Əhməd Mahmud Ünlü | |
|---|---|
| türk. Ahmet Mahmut Ünlü | |
 | |
| Doğum tarixi | 27 fevral 1965 (60 yaş) |
| Doğum yeri | |
| Atası | Yusif Ünlü |
| Fəaliyyəti | yazıçı |
| Tanınır | Cübbəli Əhməd Xoca |
| cubbeliahmethoca.com.tr | |
Atasının bildirdiyinə görə, Əhməd 27 fevral 1965-ci ildə dünyaya gəlib.[2] İlk təhsilini Yavuz Səlim ibditai məktəbində alıb və Quranı öyrənib. Sonra Fateh kollecinə daxil olub. Buradakı təhsilini dayandıraraq Quran elmlərinə yönəlib. Dini təhsilini davam etdirmək üçün Rizəyə gedib. İcazətini aldıqdan sonra İstanbula qayıdıb və Quranı əzbərləyərək hafiz olub. 1983-cü ildə həcc ziyarətinə gedib.[3] Həcc ziyarətindən qayıtdıqdan sonra həm dərs deyib, həm də özü təhsil almağa davam edib. Verdiyi moizələr ölkəyə yayılıb və ona müxtəlif yerlərdən dəvətlər gəlib. O, "Fateh Haqq və Xidmət Vəqfi"nin banisidir.[2][4] 1999-cu ildə baş verən Gölcük zəlzələsi ilə bağlı söylədiyi sözlərə görə həbs edilib. 13 ay həbsdə qalıb. Evlidir. 8 övladı var.[3]
Əhməd Mahmud Ünlü, dini mövzularda qələmə alınmış onlarla risalənin[2] müəllifidir.[5]
- ↑ "Mahmut Ustaosmanoğlu: İsmailağa Cemaati lideri 93 yaşında hayatını kaybetti". BBC. 2022. Archived from the original on 2023-07-13. İstifadə tarixi: 12.10.2025.
- ↑ 1 2 3 "Cübbeli Ahmet Hoca kimdir, kaç yaşında, nereli?". Hürriyet. 2024. 10.10.2025 tarixində arxivləşdirilib. İstifadə tarixi: 10.10.2025.
- ↑ 1 2 "Cübbeli Ahmet kimdir?". Cumhuriyet. 2022. 10.10.2025 tarixində arxivləşdirilib. İstifadə tarixi: 10.10.2025.
- ↑ "Hakkında". Cübbeli Ahmet Hoca. Archived from the original on 2025-01-15. İstifadə tarixi: 10.10.25.
- ↑ "Eserler". Cübbeli Ahmet Hoca. 10.10.2025 tarixində arxivləşdirilib. İstifadə tarixi: 10.10.2025.