Əliyev Ələkbər Əli Ağa oğlu (6 dekabr 1958) — Azərbaycan alimi, texnika elmlər doktoru, professor, əməkdar müəllim, BDU-nun Tətbiqi riyaziyyat və kibernetika fakültəsinin dekanı[1] və İnformasiya texnologiyaları & proqramlaşdırma fakültəsinin professoru & müdiri[2]. Azərbaycan Respublikası Elmi Tədqiqatların Əlaqələndirilməsi Şurasının katibi (2024-cü ildən).
| Ələkbər Əliyev | |
|---|---|
Vəzifədədir | |
| 27 dekabr 2024-cü ildən | |
| Şəxsi məlumatlar | |
| Doğum tarixi | |
| Təhsili | Moskva Dövlət Universiteti |
| Elmi fəaliyyəti | |
| Elmi dərəcələri | Texnika elmlər doktoru və Əməkdar müəllim |
| Elmi adları | Alim, professor |
| İş yeri | Bakı Dövlət Universiteti, Azərbaycan Respublikası Elm və Təhsil Nazirliyi |
|
|
|
| Təltifləri |
 |
Əliyev Ələkbər Əliağa oğlu — informatika, paylanmış sistemlər, kompüter şəbəkələri və bulud texnologiyaları sahəsində mütəxəssisdir. 1966–1976-cı illərdə Nəsimi rayonu 44 saylı orta məktəbdə təhsil almış və qızıl medalla bitirmişdir.[3]
1976-cı ildə Azərbaycan Dövlət Universitetinin Mexanika-riyaziyyat fakültəsinə daxil olmuş, 1979-cu ildə M. V. Lomonosov adına Moskva Dövlət Universitetinə (MDU) keçmiş və 1982-ci ildə təhsilini bitirmişdir. 1985–1988-ci illərdə Ukrayna EA-nın V. M. Qluşkov adına Kibernetika İnstitutunun aspirantı olmuş, 1989-cu ildə namizədlik, 1996-cı ildə isə doktorluq dissertasiyalarını müdafiə etmişdir.[4] 2004-cü ildə ona professor elmi adı verilmişdir.[5]
Əliyev 1982–1985-ci illərdə Hesablama Mərkəzində mühəndis vəzifələrində çalışmış, daha sonra Bakı Dövlət Universitetində müxtəlif elmi vəzifələrdə işləyərək 1998-ci ildən "İnformasiya texnologiyaları və proqramlaşdırma" kafedrasının müdiridir.
O, həmçinin Bakı Dövlət Universitetinin Tətbiqi riyaziyyat və kibernetika fakültəsinin dekanıdır.[6] 2024-cü ildə Elmi Tədqiqatların Əlaqələndirilməsi Şurasının katibi seçilmişdir.[7] Ələkbər Əliyevə Azərbaycan Respublikası Prezidentinin 30 oktyabr 2009-cu il tarixli sərəncamı ilə "Əməkdar müəllim" fəxri adı verilmişdir.[8]
2024-cü ildən Azərbaycan Respublikası Elmi Tədqiqatların Əlaqələndirilməsi Şurasının katibi vəzifəsində çalışır.[9]
Əliyev 130-dan çox elmi əsərin, 1 monoqrafiyanın, 6 dərs vəsaitinin, 4 metodik vəsaitin, 2 lüğətin və 1 ensiklopediya əsərinin müəllifidir. Onun rəhbərliyi ilə 9 fəlsəfə doktoru və 1 elmlər doktoru dissertasiyası müdafiə olunmuşdur.[10]
- Синхронизация прикладных процессов в распределенных системах обработки данных (1995)
- Распределенные системы обработки информации (2003)
- İngiliscə-rusca-azərbaycanca informatika, telekommunikasiya, radioelektronika üzrə lüğət (2004)
- Kompüterin arxitekturası və əməliyyat sistemləri (2007)
- İnformatikanın əsasları (2008)
- C və Pascal dillərində proqramlaşdırma (2008)
- İnformatika üzrə ensiklopediya (2008)
- Cəbrin tətbiqiləri: kodlar nəzəriyyəsi və kriptologiya (2015)
- İnformatika (2015)
- Alqoritmik dillər (2016)
- Alqoritmin analizi və hazırlanması üsulları (2017)
- ↑ "BDU-da Respublika elmi konfransı: "Tətbiqi riyaziyyatın müasir problemləri"". bsu.edu.az. Bakı Dövlət Universiteti. 14 may 2025. İstifadə tarixi: 8 dekabr 2025.
- ↑ "BDU-da SABAH magistratura proqramı çərçivəsində tələbələrlə görüş keçirilib". bsu.edu.az. Bakı Dövlət Universiteti. 6 aprel 2022. İstifadə tarixi: 8 dekabr 2025.
- ↑ "Qısa bioqrafik məlumat: Əliyev Ələkbər". cs.bsu.edu.az. Bakı Dövlət Universiteti. İstifadə tarixi: 8 dekabr 2025.
- ↑ "Qısa bioqrafik məlumat: Əliyev Ələkbər". cs.bsu.edu.az. Bakı Dövlət Universiteti. İstifadə tarixi: 8 dekabr 2025.
- ↑ "Azərbaycan Respublikası — Əliyev Ələkbər (bioqrafiya)". IMM.az. IMM.az. 6 dekabr 2025. İstifadə tarixi: 8 dekabr 2025.
- ↑ "Azərbaycanda professor yeni vəzifə verildi". Modern.az. Modern.az. 27 dekabr 2024. İstifadə tarixi: 8 dekabr 2025.
- ↑ "Professora yeni vəzifə verildi". Qaynarinfo.az. Qaynarinfo. 27 dekabr 2024. İstifadə tarixi: 8 dekabr 2025.
- ↑ "AZƏRBAYCAN RESPUBLİKASI PREZİDENTİNİN SƏRƏNCAMI". e.qanun. e-qanun.az. 6 dekabr 2025. İstifadə tarixi: 8 dekabr 2025.
- ↑ "Elmi Tədqiqatların Əlaqələndirilməsi Şurasının növbəti iclası keçirilib". Aztehsil.com. Aztehsil. İstifadə tarixi: 8 dekabr 2025.
- ↑ "Azərbaycan Respublikası — Əliyev Ələkbər (bioqrafiya)". IMM.az. IMM.az. 6 dekabr 2025. İstifadə tarixi: 8 dekabr 2025.