Əl-İrşad fi üsulid-din (ərəb. الإرشاد إلى قواطع الأدلة في أصول الاعتقاد) — kəlam sahəsinə aid əsər.
| Əl-İrşad fi üsulid-din | |
|---|---|
| ərəb. الإرشاد إلى قواطع الأدلة في أصول الاعتقاد | |
| Müəllif | əl-Cüveyni |
| Orijinalın dili | ərəb dili |
| Ölkə | |
Əsərin tam adı "Kitabül-İrşad ilə qəvati-il-ədillə fi üsulil-etiqad"dır. Əsərin adı mənbələrdə "əl-İrşad fi üsulil-etiqad" və ya "əl-İrşad fi üsulid-din" şəklində qeyd edilmişdir. Kəlam tarixi mənbələrində əsərin Cüveyninin digər bir əsəri "əş-Şamil"in müxtəsəri olduğu qeyd edilsə də, bu mövzuda müəllifin hər hansı bir açıqlaması olmadığı kimi, əsər tam bir ixtisar da deyildir. Amma əsərin "əş-Şamil"in yazıldığı minvalda qələmə alınması ehtimalı böyükdür.[1]
"Əl-İrşad" qısa bir müqəddimədən və 30 bölmədən (babdan) ibarətdir. Əsərin ilk bölməsində "nəzər", ikincidə "elm", sonrakı bölmələr isə üluhiyyət, qəza, qədər, nübuvvət, əcəl, ruzi, əmir bil-məruf nəhiy ənil-münkər, cəza mükafat, ölülərin dirildilməsi, iman-əməl, imamın artıb-azalmaması və tövbə mövzularına həsr edilmişdir. Əsərin son dörd bölməsi imamət məsələlərinə həsr edilmişdir.[2]
Əsərin müxtəlif kitabxanalarda əlyazma nüsxələri mövcuddur.[3]
Əsər müxtəlif tarix (1930, 1950 və s.) və yerlərdə (Paris, Qahirə və s.) nəşr edilmişdir.[4]
- ↑ İbn Əbdüllətif, Əhməd. Mənhəcü İmamil-Hərəmeyn (ərəb). Ər-Riyad. 1993. 66.
- ↑ Cüveyni, İmamül-Hərəmeyn. Cüveynî, əl-İrşad ilə qəvati-il-ədillə fi üsulil-etiqad (ərəb). Qahirə. 1950.
- ↑ Bədəvi, Əbdürrəhman. Məzahibül-İslamiyyin (ərəb). I. Beyrut. 1983. 691.
- ↑ Üzüm, İlyas. "El-İrşad". TDV İslâm Ansiklopedisi. 2020. 21 yanvar 2026 tarixində arxivləşdirilib. İstifadə tarixi: 21 yanvar 2026.