Əl-Burhan fi ülumil-Quran (ərəb. البرهان في علوم القرآن) — Zərkəşinin Quran elmləri haqqında əsəri.[1]
| Əl-Burhan fi ülumil-Quran | |
|---|---|
| ərəb. البرهان في علوم القرآن | |
| Müəllif | Zərkəşi |
| Janr | Quran elmləri |
| Orijinalın dili | ərəb dili |
Əsərin girişindəki məlumata görə, müəllifi bu əsəri onun dövründə quran elmləri haqqında əhatəli bir əsərin olmamasın ötrü qələmə almışdır. Əsərin anlaçılmasını asanlaşdırmaq üçün müəllif kitabı qırx yeddi hissəyə bölmüşdür. Zərkəşi əsərin ilk qırx beş hissəsini Quranın nazili, tərtibatı, cəmlənməsi, yazılması, qiraəti, təfsiri, icazı, nəsih və mənsuhu kimi Quran elmlərinin müxtəlif sahələri haqqındakı tarixi məlumatlara, yerdə qalan üç hissəni isə Quranın mətni və üslubu konteksində Ərəb dili və bəlağatı ilə əlaqəli məlumatlara həsr etmişdir.
Əsərin qələmə alınmasında 300-dab çox kitabdan (nəhiv, bəlağat, hədis və s.) bəhrələnilmişdir. Əsərin özünəməxsus təsnifi, zəngin mötəviyyatı və adlandırma tərtibatı olsa da, sistematiklik nöqtəyi-nəzərindən dağınıqdır. Əsərdə müəllif əvvəlcə toxunduğu mövzudakı məvhumları və daha sonra isə mövzuları ayələr, mərfu hədislər, səhabə və tabiin görüşləri çərçivəsində izah etməyə çalışmışdır.[2]
Əsər müxtəlif tarix (2006, 2012 və s.) və yerlərdə (ər-Riyad, Qahirə və s.) nəşr edilmişdir.[3]
- ↑ "كتاب البرهان في علوم القرآن". المكتبة الشاملة. 16 yanvar 2026 tarixində arxivləşdirilib. İstifadə tarixi: 16 yanvar 2026.
- ↑ Zərkəşi, Bədrəddin. əl-Burhan fi Ülumil-Quran (ərəb). I–IV. Beyrut. 1990.
- ↑ Demirci, Muhsin. "el-Burhan fi ulumil-Kuran". TDV İslâm Ansiklopedisi. 2012. 16 yanvar 2026 tarixində arxivləşdirilib. İstifadə tarixi: 16 yanvar 2026.