Əl-Kəşşaf (ərəb. الكشّاف) — Zəmaxşərinin Quran təfsiri.
| Əl-Kəşşaf | |
|---|---|
| ərəb. الكشاف ərəb. الكشاف عن حقائق غوامض التنزيل وعيون الأقاويل في وجوه التأويل | |
| Müəllif | Zəmaxşəri |
| Janr | təfsir |
| Orijinalın dili | ərəb dili |
Əsərin tam adı "əl-Kəşşaf ən həqaiqi-qəvamizit-tənzil və uyunil-əqavil fi vücuhit-təvil"dir. Zəmaxşəri "əl-Kəşşaf"ı əsasən dirayət (məntiq, analiz və dərk etmə) metodu ilə qələmə almışdır. Əsərdə yer-yer rəvayət metodundan da istifadə edilmişdir. Zəmaxşəri əsərini hazırlayarkən ondan əvvəl yazılmış əsas təfsir, qiraət və bəlağət kitablarına müraciət etmişdir. Şəmsəddin əl-İsfahani isə "əl-Kəşşaf"ın əsas mənbəyinin Zəccaca məxsus "Məanil-Quran" adlı əsər olduğunu bildirmişdir.[1]
Əsərə müxtəlif haşiyələr yazılmışdır. Qütbəddini-Şirazi, Əhməd ibn Həsən Carbərdi, Camaləddin Aksarayi, Təftəzani və Seyyid Şerif əl-Cövzcani "əl-Kəşşaf"ə haşiyə yazan alimlərdən bəziləridir.[2]
"Əl-Kəşşaf" müxtəlif nəşrləri reallaşdırılmışdır (Bulaq: hicri 1281, Qahirə: 1977, Beyrut: 2003 və s.).[3]
- ↑ Çələbi, Katib. Kəşfüz-Zünun (ərəb). II. İstanbul. 1941–1943. 1482.
- ↑ Özek, Ali. "el-Keşşaf". TDV İslâm Ansiklopedisi. 2022. 4 fevral 2026 tarixində arxivləşdirilib. İstifadə tarixi: 4 fevral 2026.
- ↑ Öztürk, Mustafa; Mertoğlu, M. Suat. "Zemahşeri". TDV İslâm Ansiklopedisi. 2013. 4 fevral 2026 tarixində arxivləşdirilib. İstifadə tarixi: 4 fevral 2026.