Ənvər Əliyev
Ənvər Abbas oğlu Əliyev (25 yanvar 1951, Pirhəsənli, Ağsu rayonu) — Azərbaycan Respublikası Mərkəzi Seçki Komissiyasının sabiq üzvü (2002–2006).
| Ənvər Əliyev | |
|---|---|
| 28 iyun 2002 – 7 fevral 2006 | |
| Təmsil etdiyi | Vətəndaş Həmrəyliyi Partiyası |
| Sonrakı | Almas Qəhrəmanlı |
| Şəxsi məlumatlar | |
| Doğum tarixi | 25 yanvar 1951 (74 yaş) |
| Doğum yeri | |
| Partiya |
|
| Təhsili | |
| Fəaliyyəti | siyasətçi |
Ənvər Abbas oğlu Əliyev 25 yanvar 1951-ci ildə Ağsu rayonunun Pirhəsənli kəndində doğulmuşdur. Azərbaycan Pedaqoji İnstitutunda təhsil almışdır.[1]
Aqrar elmlər üzrə fəlsəfə doktoru və dosentdir. O, hal-hazırda AMEA Coğrafiya İnstitutunda şöbə müdiri vəzifəsi daşımaqdadır.[1]
Meydan Hərəkatının fəallarından və təşkilatçılarından biri olmuşdur.[2][3]
Azərbaycanda sovet hakimiyyəti dövründə ilk olaraq nəşr edilən “samizdat” kiab “Vətən” olub. Bu kitab 1988-ci ilin fevral-iyul aylarında gizli olaraq “rotopirin” üsulla nəşr edilib. Kitabı nəşrə hazırlayan və yazıları müəlliflərdən yığıb toplayan, tərtib edən – 17 noyabr mitinqlərinin əsas təşkilatçısı Ənvər Əliyev olub.
1988-ci ilin noyabr ayının 17-də Bakıdakı çoxgünlük mitinqlərin təşkilatçısı kimi Azərb.SSR CM-nin 188-3 maddəsi ilə 1989-cu ilin fevral-iyun aylarında SSRİ Prokurorluğunun xüsusi işlər üzrə istintaq qrupu tərəfindən həbs edilib. 1992-ci ilin noyabrın 19-da həbsdən azad olunub.[4]
26 sentyabr 1992-ci ildə yaradılan Vətəndaş Həmrəyliyi Partiyasının təsisçilərindən və partiya Ali Məclisinin ilk üzvlərindən biri olmuşdur.[5]
2002-ci ildən MSK üzvü kimi fəaliyyət göstərdiyi üçün partiya sıralarından istefa vermişdir.[6]
2012-ci ildə özünün “Meydan sirləri” kitabını yazıb çap etdirmiş, burada Noyabr mitinqləri ilə bağlı faktlar açıqlamışdır.[7]
28 iyun 2002-ci ildə Vətəndaş Həmrəyliyi Partiyasının təqdimatı ilə Mərkəzi Seçki Komissiyası üzvlüyünə seçilmişdir.[8][9]
13 iyun 2003-cü ildə növbəti dəfə VHP-nin təqdimatı ilə MSK üzvlüyünə seçilmişdir.[10]
2005-ci ildə parlament seçkilərinin MSK tərəfindən hazırlanmış yekun nəticə protokoluna imza atmamışdır və komissiyanın 15 üzvündən sadəcə 13-nün imzasıyla (Azərbaycan Xalq Cəbhəsi Partiyasının təmsilçisi Mənsum Bayramov da imzalamamışdır) bu protokol Azərbaycan Respublikası Konstitusiya Məhkəməsinə təqdim olunmuşdur.[11]
7 fevral 2006-cı ilədək MSK-nın üzvü olmuş, həmin tarixdən MSK yeni tərkibdə təşkil olunarkən VHP tərəfindən namizəd göstərməmişdir.[12][13]
- ↑ 1 2 "Əliyev Ənvər Abbas oğlu". 3 fevral 2023 tarixində arxivləşdirilib. İstifadə tarixi: 3 fevral 2023.
- ↑ "Ənvər Əliyev: 'Nə o otağı görmüşəm, nə də ordan xəbərim olub'". 19 noyabr 2018 tarixində arxivləşdirilib. İstifadə tarixi: 3 fevral 2023.
- ↑ "'Nemət Pənahlı iki gün əlləşdi söz alsın, camaat qoymadı...'". 23 noyabr 2022 tarixində arxivləşdirilib. İstifadə tarixi: 3 fevral 2023.
- ↑ "Milli azadlıq hərəkatının başlanmasından sonra ilk yaranan mətbu orqanlar..." Azerinform.az (türk). İstifadə tarixi: 16 noyabr 2025.
- ↑ "VHP tarixi". 3 oktyabr 2022 tarixində arxivləşdirilib. İstifadə tarixi: 3 fevral 2023.
- ↑ "Ənvər Əliyev: "Rusiya və Çinin dünya siyasətində çəkisi artmalıdır"". 3 fevral 2023 tarixində arxivləşdirilib. İstifadə tarixi: 3 fevral 2023.
- ↑ "Ənvər Əliyev 'Meydan sirləri'ni açdı". www.azadliq.org. İstifadə tarixi: 16 noyabr 2025.
- ↑ "Ə.A. Əliyevin və X.H. Əhmədovun Azərbaycan Respublikası Mərkəzi Seçki Komissiyasının üzvləri təyin edilməsi haqqında". 3 fevral 2023 tarixində arxivləşdirilib. İstifadə tarixi: 3 fevral 2023.
- ↑ "Ə.A.Əliyevin və X.H.Əhmədovun Azərbaycan Respublikası Mərkəzi Seçki Komissiyasının üzvləri təyin edilməsi haqqında Azərbaycan Respublikası Milli Məclisinin qərarı". 3 fevral 2023 tarixində arxivləşdirilib. İstifadə tarixi: 3 fevral 2023.
- ↑ "Azərbaycan Respublikası Mərkəzi Seçki Komissiyasının üzvlərinin və əvəzedici üzvlərinin seçilməsi haqqında Azərbaycan Respublikası Milli Məclisinin qərarı". 2 avqust 2021 tarixində arxivləşdirilib. İstifadə tarixi: 3 fevral 2023.
- ↑ "Üçüncü çağırış Milli Məclisə seçkilər (2005). 5. Seçkilərin yekunu (dekabr 2005)". 3 sentyabr 2021 tarixində arxivləşdirilib. İstifadə tarixi: 3 fevral 2023.
- ↑ "15.12.2006 - tarixli iclasın stenoqramı — Stenoqram Üçüncü Çağırış Azərbaycan Respublikası Milli Məclisinin IV sessiyası iclasının protokolu № 34". 30 aprel 2021 tarixində arxivləşdirilib. İstifadə tarixi: 3 fevral 2023.
- ↑ "Vətəndaş Həmrəyliyi Partiyası Müsavatı qeyri-etik hərəkətlərə yol verməkdə ittiham edir". 3 fevral 2023 tarixində arxivləşdirilib. İstifadə tarixi: 3 fevral 2023.