Əqidətüs-Sənusi əl-vüstə (ərəb. العقيدة السنوسية الوسطى) — Məhəmməd ibn Yusif əs-Sənusinin əqidə ilə bağlı əsəri.[1]
| Əqidətüs-Sənusi əl-vüstə | |
|---|---|
| ərəb. العقيدة الوسطى | |
| Müəllif | Məhəmməd ibn Yusif əs-Sənusi |
| Orijinalın dili | ərəb dili |
Bu əsər "Əqidətüs-Sənusi" adlanan məcmuənin dörd kitabından biridir. Əsərin digər adları "əl-Cüməl", "əl-Mürşidə", "əs-Sənusiyyətül-vüstə" və "əl-Əqidətül-vüstə"dir. Əsər əqli hökmlərin təhlil edildiyi bir müqəddimə ilə səkkiz babdan (bölmədən) ibarətdir. Birinci babda aləmin qədim olmadığı, ikincidə Allahın varlığının dəlillərindən bəhs edilir. Üçüncü babdan yeddinci baba qədər olan bablarda ilahi sifətlərdən söz açılır. Yeddinci babda Allah haqqında icazəli olan məqamlardan və röyətullahdan bəhs edilir. Səkkizinci bab isə özündə Məhəmmədin peyğəmbərliyi və bununla əlaqəli olan səmiyyat (bəs, sirət, mizən, şəfaət, cənnət və cəhənnəm) mövzularını ehtiva edir.[2] Aləmin hüdusu (sonradan yaranması) mövzusunun orginal tərzdə ələ alındığı on vərəq miqdarındakı (Süleymaniyyə kitabxanası, Tırnovalı, № 1125/2) risalədə səmiyyat mövzularına az çox yer verilmiş və bütün məsələlər əqli dəlillər ilə izah olunmağa çalışmışdır. Məhəmməd ibn Yusif əs-Sənusi əqidə ilə bağlı olan əsərlərində olduğu kimi bu risaləyə də şərh yazmışdır (Süleymaniyyə kitabxanası, Hacı Bəşir Ağa, № 662). Məhəmməd ibn Yusif əs-Sənusinin "Umdətü əhlit-tədqiq vət-təsdiq" adlı bu şərhinə Əbdülqəni ən-Nablusi (Nurul-ifadə), Səid əl-Qafit (əl-Lazım vəl-məxlum) və Mahmud əl-Məqdisi tərəfindən haşiyələr yazılmışdır.[3]
- ↑ Aruçi, Muhammed. "Senusi, Muhammed b. Yusuf". TDV İslâm Ansiklopedisi. 2009. 22 yanvar 2026 tarixində arxivləşdirilib. İstifadə tarixi: 22 yanvar 2026.
- ↑ Əs-Sənusi, Məhəmməd ibn Yusif. Ədiqətül-vüstə (ərəb).
- ↑ Yavuz, Yusuf Ş. "Akaidüs-Senusi". TDV İslâm Ansiklopedisi. 1989. 22 yanvar 2026 tarixində arxivləşdirilib. İstifadə tarixi: 22 yanvar 2026.