2010 Avroviziya Mahnı Müsabiqəsi

2009-cu ildən yalnız final mərhələsində müsabiqə iştirakçılarına səs vermək hüququ qazanan münsiflər heyəti, 2010-cu ildən etibarən yarımfinallarda da səs verə bilmişdirlər. Avroviziya 2010 müsabiqəsinin hər iki yarımfinal və bir final mərhələsində təyin olunmuş münsiflər heyəti 50 faiz səs vermə hüququna malik oldular. Bu qaydanın yarımfinal mərhələsinə də aid edilməsi tamaşaçıların və media mənsublarının AYİ-ya çoxsaylı müraciətləri səbəb olub.^[1]

Avropa Yayım İttifaqının (EBU) qərarına əsasən 2010-cu ildən artıq tamaşaçılar səs vermək üçün çıxışların başa çatmasını gözləmək məcburiyyətində qalmamışdırlar və müsabiqənin gedişində bəyəndikləri, dəstəklədikləri təmsilçilərin sms nömrəsinə səs göndərə bilmişdirlər.

Avroviziya müsabiqəsinin icraçı direktoru Svante Stokselius açıqlamasında yeni səsvermə qaydası daha məntiqli olduğunu bildirmişdir: "Düşünürük ki, ifanı dinləyə-dinləyə səs verə bilmək daha yaxşıdır. Bir çox milli seçimlərdə bu təcrübədən istifadə edilir və təcrübə göstərir ki, bu tip səsvermə daha uğurla həyata keçirilə bilər. Eyni zamanda yeni qayda səsvermə zamanı sistemin yüklənməsinin qarşısını alacaq".^[2]

Müsabiqə büdcəsi Norveçin NRK televiziyası tərəfindən aparılan hesablamalar nəticəsində ortaya çıxıb. NRK-nın direktorunun sözlərinə görə, bir müddət əvvəl aparılan ilkin hesablamalarda müsabiqəyə 17 milyon avro (150 milyon kroun) sərf olunacağı proqnozlaşdırılsa da, bu rəqəm sonradan xeyli artıb: "Biz bu büdcəni Helsinkidə keçirilən müsabiqə əsasında hesablamışıq. Müsabiqə ərəfəsində bu büdcənin artacağı da istisna olunmur. "Eurovision" müsabiqəsinin keçiriləcəyi tarixlər Norveçin dövlət bayramları günlərinə düşür. Bu səbəbdən də həmin günlər işə çıxan işçilərə əlavə maaşlar verilməlidir. Bu da büdcənin artmasına zəmin yaradacaq". Telekanalın hesablamalarına görə, 2010 Avroviziya Mahnı Müsabiqəsinə sahiblik edəcək Norveç müsabiqədən 75 milyon Norveç krounu – 9 milyon avro gəlir əldə edəcək. Bu gəlir bilet satışı və Avropa Yayım İttifaqı tərəfindən Norveçə ayrılacaq 3,5 milyon avroluq qrant hesabına əldə olunacaq.^[3][4]

7 fevral 2010-cu il tarixində Avroviziya 2009-da iştirak edəcək ölkələrin yarımfinallara bölünməsi üçün püşkatma mərasimi keçirilmişdir. Tədbirdən əvvəl də məlum idi ki, iştirakçı ölkələrdən beşi; Almaniya, Böyük Britaniya, Fransa, İspaniya və ev sahibi Norveç birbaşa finalda iştirak edəcək. Müsabiqənin səsvermə üzrə rəsmi sponsoru olan Digame-nin apardığı hesablamalar nəticəsində 2010-cu ilə kimi bir-birinə çox səs verən ölkələrin fərqli yarımfinallarda iştirak etməsi üçün ölkələr beş səbətə ayrılmışdır. Hər bir səbətdə fərqli səsvermə qruplaşmaları yer almışdır (Balkan ölkələri bir səbətdə, Keçmiş Sovet ölkələri bir səbətdə, Skandinaviya ölkələri bir səbətdə və s.). Həmin bu üsul yarımfinal püşkatması zamanı eyni səbətdə yer alan altı və ya yeddi ölkənin eyni yarımfinalda iştirak etməməsinə şərait yaradırdı.

39 ölkənin iştirak etdiyi Avroviziya 2010 otuz dörd ölkənin final uğrunda mübarizə apardığı iki yarımfinal mərhələsindən (hər yarımfinalda on yeddi ölkə) və iyirmi beş ölkənin qalibiyyət uğrunda mübarizə apardığı final mərhələsindən təşkil olunmuşdur. "Böyük dördlük" ölkələri (Almaniya, Böyük Britaniya, Fransa və İspaniya) və ev sahibi Norveç müsabiqənin finalında birbaşa iştirak etmək hüququ qazanmışdırlar.

1-ci yarımfinal

25 may tarixində baş tutan yarımfinal mərhələsində 17 ölkə iştirak etmişdir. Bu yarımfinalda iştirak edən bütün ölkələr və eyni zamanda Almaniya, Fransa və İspaniya səsvermədə iştirak etmişdir. 50% telesəsvermə, 50% münsif səslərinin tətbir olunduğu yeni səsvermə metodu ilə ən çox səs toplayan 10 ölkə müsabiqənin finalına vəsiqə qazanmışdır.

Cədvəldə işarələnmiş ölkələr müsabiqənin final mərhələsinə vəsiqə qazanmışdırlar.

№	Ölkə	Dil	Müğənni(lər)	Mahnı	Tərcümə	Yer	Xal
01	Moldova	İngiliscə	SunStroke Project və Olia Tira	"Run Away"	Uzaqlara qaç	10	52
02	Rusiya	İngiliscə	Pyotr Naliç və dostları	"Lost and Forgotten"	İtirilmiş və unudulmuş	7	85
03	Estoniya	İngiliscə	Malcolm Lincoln	"Siren"	Siqnalizasiya	14	39
04	Slovakiya	Slovakca	Kristina Pelakova	"Horehronie"	-	16	24
05	Finlandiya	Fincə	Kuunkuiskaajat	"Työlki ellää"	Çalışaraq da qazana bilərsən	11	49
06	Latviya	İngiliscə	Aişa	"What For?"	Nə üçün?	17	11
07	Serbiya	Serbcə	Milan Stankoviç	"Ovo je Balkan" (Oво je Балкан)	Bu Balkanlardır	5	106
08	Bosniya və Herseqovina	İngiliscə	Vukaşin Brayiç	"Thunder and Lightning"	İldırım və şimşək	8	80
09	Polşa	İngiliscə, Polyakca	Marçin Mrozinski	"Legenda"	Əfsanə	13	44
10	Belçika	İngiliscə	Tom Days	"Me and My Guitar"	Mən və mənim gitaram	1	167
11	Malta	İngiliscə	Tea Qarrett	"My Dream"	Mənim arzum	12	45
12	Albaniya	İngiliscə	Yuliana Paşa	"It's All About You"	Hər şey sənin haqqındadır	6	96
13	Yunanıstan	Yunanca	Qiorqos Alkayos və dostları	"OPA" (ΩΠΑ)	-	2	133
14	Portuqaliya	Portuqalca	Filipa Azevedo	"Há dias assim"	Belə günlər	4	115
15	Makedoniya	Makedonca	Qyoko Taneski və Billi Zver	"Jas ja imam silata" (Јас ја имам силата)	Mənim güclərim var	15	37
16	Belarus	İngiliscə	3+2 və Robert Uells	"Butterflies"	Kəpənəklər	9	59
17	İslandiya	İngiliscə, Fransızca	Hera Byork	"Je ne sais quoi"	Mən bilmirəm	3	123

2-ci yarımfinal

27 may tarixində baş tutan yarımfinal mərhələsində 17 ölkə iştirak etmişdir. Bu yarımfinalda iştirak edən bütün ölkələr və eyni zamanda Böyük Britaniya və ev sahibi Norveç səsvermədə iştirak etmişdir. 50% telesəsvermə, 50% münsif səslərinin tətbir olunduğu yeni səsvermə metodu ilə ən çox səs toplayan 10 ölkə müsabiqənin finalına vəsiqə qazanmışdır.

Cədvəldə işarələnmiş ölkələr müsabiqənin final mərhələsinə vəsiqə qazanmışdırlar.

№	Ölkə	Dil	Müğənni(lər)	Mahnı	Tərcümə	Yer	Xal
01	Litva	İngiliscə	InCulto	"Eastern European Funk"	Şərqi Avropa musiqisi	12	44
02	Ermənistan	İngiliscə	Eva Rivas	"Apricot Stone"	Qaysı dənəsi	6	83
03	İsrail	İvritcə	Harel Skaat	"Milim" (מילים)	Sözlər	8	71
04	Danimarka	İngiliscə	Şani və N'evergreen	"In a Moment Like This"	Belə bir anda	5	101
05	İsveçrə	Fransızca	Mixael fon der Heyde	"Il pleut de l'or"	Qızıl yağış yağır	17	2
06	İsveç	İngiliscə	Anna Bergendahl	"This Is My Life"	Bu mənim həyatımdır	11	62
07	Azərbaycan	İngiliscə	Safura Əlizadə	"Drip Drop"	Damcı düşməsi	2	113
08	Ukrayna	İngiliscə	Alyoşa	"Sweet People"	Şirin insanlar	7	77
09	Niderland	Niderlandca	Sieneke	"Ik ben verliefd (Sha-la-lie)"	Mən vurulmuşam	14	29
10	Rumıniya	İngiliscə	Paula Selinq və Ovi	"Playing with Fire"	Odla oyun	4	104
11	Sloveniya	Slovencə	Ansambel Žlindra və Kalamari	"Narodnozabavni rock"	Xalq Roku	16	6
12	İrlandiya	İngiliscə	Niv Kavana	"It's for You"	Bu sənin üçündür	9	67
13	Bolqarıstan	Bolqarca, İngiliscə	Miro	"Angel si ti" (Ангел си ти)	Sən mələksən	15	19
14	Kipr	İngiliscə	Con Liliqrin və The Islanders	"Life Looks Better in Spring"	Həyat yazda daha yaxşı görünür	10	67
15	Xorvatiya	Xorvatca	Feminnem	"Lako je sve"	Hər şey asandır	13	33
16	Gürcüstan	İngiliscə	Sofo Nijaradze	"Shine"	Parla	3	106
17	Türkiyə	İngiliscə	MaNga	"We Could Be The Same"	Eyni ola bilərdik	1	118

Final

Finalçılar:

• "Böyük dördlük" ölkələri (Almaniya, Böyük Britaniya, Fransa və İspaniya);
• Ev sahibi ölkə (Norveç);
• Birinci yarımfinal mərhələsində ilk onluğa daxil olan ölkələr;
• İkinci yarımfinal mərhələsində ilk onluğa daxil olan ölkələr.

29 may tarixində baş tutan yarımfinal mərhələsində 25 ölkə iştirak etmişdir. Müsabiqədə iştirak edən bütün ölkələr səsvermədə iştirak etmişdir və Almaniya təmsilçisi ən çox səs toplayaraq müsabiqənin qalibi elan edilmişdir.

№	Ölkə	Dil	Müğənni(lər)	Mahnı	Tərcümə	Yer	Xal
01	Azərbaycan	İngiliscə	Safura Əlizadə	"Drip Drop"	Damcı düşməsi	5	145
02	İspaniya	İspanca	Daniel Dixes	"Algo Pequeñito"	Balaca bir şey	15	68
03	Norveç (ev sahibi-ölkə)	İngiliscə	Didrik Solli-Tangen	"My Heart Is Yours"	Mənim Ürəyim Sizindir	20	35
04	Moldova	İngiliscə	SunStroke Project və Olia Tira	"Run Away"	Uzaqlara qaç	22	27
05	Kipr	İngiliscə	Con Liliqrin və The Islanders	"Life Looks Better in Spring"	Həyat yazda daha yaxşı görünür	21	27
06	Bosniya və Herseqovina	İngiliscə	Vukaşin Brayiç	"Thunder and Lightning"	İldırım və şimşək	17	51
07	Belçika	İngiliscə	Tom Days	"Me and My Guitar"	Mən və mənim gitaram	6	143
08	Serbiya	Serbcə	Milan Stankoviç	"Ovo je Balkan" (Oво je Балкан)	Bu Balkanlardır	13	72
09	Belarus	İngiliscə	3+2 və Robert Uells	"Butterflies"	Kəpənəklər	24	18
10	İrlandiya	İngiliscə	Niv Kavana	"It's for You"	Bu sənin üçündür	23	25
11	Yunanıstan	Yunanca	Qiorqos Alkayos və dostları	"OPA" (ΩΠΑ)	-	8	140
12	Böyük Britaniya	İngiliscə	Coş Dubovi	"That Sounds Good to Me"	Bu səs mənə yaxşı gəlir	25	10
13	Gürcüstan	İngiliscə	Sofo Nijaradze	"Shine"	Parla	9	136
14	Türkiyə	İngiliscə	MaNga	"We Could Be The Same"	Eyni ola bilərdik	2	170
15	Albaniya	İngiliscə	Yuliana Paşa	"It's All About You"	Hər şey sənin haqqındadır	16	62
16	İslandiya	İngiliscə, Fransızca	Hera Byork	"Je ne sais quoi"	Mən bilmirəm	19	41
17	Ukrayna	İngiliscə	Alyoşa	"Sweet People"	Şirin insanlar	10	108
18	Fransa	Fransızca	Jessy Matador	"Allez! Ola! Olé"	-	12	82
19	Rumıniya	İngiliscə	Paula Selinq və Ovi	"Playing with Fire"	Odla oyun	3	162
20	Rusiya	İngiliscə	Pyotr Naliç və dostları	"Lost and Forgotten"	İtirilmiş və unudulmuş	11	90
21	Ermənistan	İngiliscə	Eva Rivas	"Apricot Stone"	Qaysı dənəsi	7	141
22	Almaniya	İngiliscə	Lena Meyer-Landrut	"Satellite"	Peyk	1	246
23	Portuqaliya	Portuqalca	Filipa Azevedo	"Há dias assim"	Belə günlər	18	43
24	İsrail	İvritcə	Harel Skaat	"Milim" (מילים)	Sözlər	14	71
25	Danimarka	İngiliscə	Şani və N'evergreen	"In a Moment Like This"	Belə bir anda	4	149

• Eurovision.tv

• 2010 Avroviziya Uşaq Mahnı Müsabiqəsi