Açıq dünya (ing. Open World) — videooyunlarda oyunçunun virtual dünyanı sərbəst araşdırmasına və burada öz məqsədlərinə sərbəst şəkildə çatmasına imkan verən oyun mühiti. Adətən bu anlayış daha xətti geympleyi olan oyunlarla müqayisədə işlədilir.[1][2] 1980-ci illərdən etibarən videooyunlarda açıq dünya elementləri istifadə olunmasına baxmayaraq, bu konsepsiyanın standart nümunəsi 2001-ci ildə satışa çıxarılmış "Grand Theft Auto III" oyununda tətbiq edilmişdir.[3]
Açıq dünyalı oyunlarda geymdizayn adətən səviyyələrin yüklənməsini və xətti səviyyə dizaynında rast gəlinən “görünməz divarlar” kimi məhdudiyyətləri aradan qaldırır. Bununla belə, açıq dünyalı oyunlar texniki məhdudiyyətlər və ya oyunun ümumi xətti strukturundan irəli gələn digər məhdudiyyətlər səbəbindən müəyyən çərçivələrlə hələ də məhdudlaşa bilər.[4][5]
Yüksək səviyyədə avtonomiyanın nümunələri videooyunlarda kütləvi çoxnəfərli onlayn rol oyunlarına (MMORPG) və ya "Fallout" seriyasına bənzər açıq dünya konsepsiyasına malik birnəfərli oyunlarda müşahidə olunur. Açıq dünya oyunlarının əsas xüsusiyyəti ondan ibarətdir ki, belə oyunlar reallığın simulyasiyasını yaradır və oyunçuya xarakteri və onun davranışını öz seçdiyi istiqamətdə inkişaf etdirməyə imkan verir. Bu halda oyunda adətən əvvəlcədən müəyyən olunmuş məqsəd və ya onu tamamlamaq üçün konkret yol mövcud olmur.
- ↑ Logan Booker. "Pandemic Working On New 'Open World / Sandbox' IP". Kotaku (ingilis). 14 iyul 2008. 12 iyun 2018 tarixində arxivləşdirilib. İstifadə tarixi: 7 aprel 2019.
- ↑ PC Zone Staff. "The complete history of open-world games (part 2)". Computer and Videogames (ingilis). 25 may 2008. 26 may 2008 tarixində orijinalından arxivləşdirilib. İstifadə tarixi: 7 aprel 2019.
- ↑ Julie Muncy. "Open-World Games Are Changing the Way We Play". Wired (ingilis). 12 mart 2015. 8 noyabr 2020 tarixində arxivləşdirilib. İstifadə tarixi: 7 aprel 2019.
- ↑ John Harris. "Game Design Essentials: 20 Open World Games". Gamasutra (ingilis). 26 sentyabr 2007. 11 noyabr 2020 tarixində arxivləşdirilib. İstifadə tarixi: 7 aprel 2019.
- ↑ Chris Kohler. "Assassin's Creed And The Future Of Sandbox Games". Wired (ingilis). 4 yanvar 2008. 22 iyun 2018 tarixində arxivləşdirilib. İstifadə tarixi: 7 aprel 2019.