Abbasqulu ağa Bakıxanovun Ev-Muzeyi — 7 iyul 1999-cu il tarixində Amsar kəndində istifadəyə verilən Abbasqulu ağa Bakıxanovun Ev Muzeyi Azərbaycanın görkəmli, tarixi şəxsiyyəti A. A. Bakıxanovun XVIII əsrdə yaşadığı ərazidə yaradılmışdır. Ekspozisiyada A. A. Bakıxanovun dövrünü və onun həyatını əks etdirən tarixi eksponatlar nümayiş olunur[1].
| Abbasqulu ağa Bakıxanovun Ev-Muzeyi | |
|---|---|
| Açılış tarixi | 1999 |
| Mövzu | Muzey |
| Yerləşir | Quba rayonu, Amsar kəndi |
| Kolleksiyası | 300 eksponat |
| Direktor | İradə Əlməmmədova |
| Telefon | (+994 23) 335-36-75 |
| İş rejimi | (I – V) 09:00 – 18:00 |
Qubada, Amsar kəndi XIX əsrə aid binada – vaxtilə Bakıxanovların yaşadıqları evdə A. Bakıxanovun ev-muzeyi yaradılıb.[2].
Abbasqulu Ağa Bakıxanovun bir sıra şəxsi əşyaları burada qorunub saxlanılır. Muzeydə Abbasqulu Ağa Bakıxanovun "Gülüstan" elmi-ədəbi məclisinin eksponatlar, müəllifinin əsərlərindən ibarət kitablar toplusu, xalçalar, əlyazmalar və möhürü qorunur. Ümumilikdə isə muzeyin fondunda 300-dək eksponant saxlanılır. Muzeydə A. A. Bakıxanovun bəzi əlyazmaları, əsərlərindən ibarət kitablar toplusu və xalçalar mühafizə olunur. Ziyarətçilər burada görkəmli yazıçının şəxsi möhürünü də görə bilərlər. Bu möhür şəxsi əşyalar arasında ziyarətçilərin ən çox diqqətini çəkən eksponatdır[3].
Muzeydə "Gülüstan" adlı elmi-ədəbi məclisin fəaliyyətini əks etdirən bəzi sənədlər də qorunub saxlanılır[4].
- ↑ "Xan nəvəsinin Qubadakı ev muzeyi". 26 oktyabr 2020 tarixində arxivləşdirilib. İstifadə tarixi: 22 oktyabr 2020.
- ↑ "Abbasqulu ağa Bakıxanovun xatirə muzeyi". 24 oktyabr 2020 tarixində arxivləşdirilib. İstifadə tarixi: 22 oktyabr 2020.
- ↑ "Abbasqulu Ağa Bakıxanovun Ev-Muzeyi". 24 oktyabr 2020 tarixində arxivləşdirilib. İstifadə tarixi: 22 oktyabr 2020.
- ↑ "Abbasqulu ağa Bakıxanovun Ev-Muzeyi". 27 fevral 2021 tarixində arxivləşdirilib. İstifadə tarixi: 22 oktyabr 2020.