Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinƏbu Bəkr əl-Humeydi
Əbu Bəkr Abdullah ibn Zübeyr ibn İsa əl-Qureyşi (ərəb. أبو بكر الحميدي; v. 834[1], Məkkə[2]) — hədis hafizi və fəqih.
| Əbu Bəkr əl-Humeydi | |
|---|---|
| ərəb. عبد الله بن الزبير بن عيسى بن عبيد الله القرشي الأسدي الحميدي | |
 | |
| Vəfat tarixi | 834[1] |
| Vəfat yeri | |
| Elm sahələri | hədis elmi[d], teologiya |
| Tanınmış yetirmələri | Buxari |
Nəsli Qusay vasitəsilə Məhəmməd peyğəmbərə birləşir. Nisbəsi "Məkki"dir. Fudeyl ibn İyad, Dəravərdi, Vəlid ibn Müslüm, Vəki ibn Cərrah, Süfyan ibn Uyeynə kimi alimlərdən hədis, Şafiidən fiqh öyrənmişdir. Ondan Buxari, Zöhli, Əbu Züra ər-Razi, Hənbəl ibn İshaq, Fəsəvi, Əbu Xətim Məhəmməd ibn İdris ər-Razi kimi alimlər hədis rəvayət ediblər. O, Süfyan ibn Uyeynədən on doqquz il boyunca hədis rəvayət etmişdir. Bunu nəzərə alan İbn Xəyr əl-İşbili, Humeydinin "əl-Müsnəd"ini "Müsnədül-Humeydi ən Süfyan ibn Uyeynə" şəklində adlandırmışdır.[3] Məkkə və Misirdə Şafii ilə uzun müddət birlikdə olan Humeydi Şafiinin vəfatından sonra Misirdən Məkkəyə qayıtdı və burada 15 il fətva verib hədis dərsləri verdi. Humeydi Rəbiüləvvəl hicri 219-cu (Mart 834) ildə Məkkədə vəfat etdi.
O, İshaq ibn Rəhuyə, Əhməd ibn Hənbəl və Buxari tərəfindən "imam" adlandırmış, rəvayətlərinə "Kütübi-Sittə"də (İbn Macənin "əs-Sünən"i istisna olmaqla) yer verilmişdir.[4]
- əl-Müsnəd. Məkkədə qələmə alınmış ilk müsnədlərdəndir. Özündə 1327 hədis ehtiva edir.
- Üsulüs-sünnə. Bu risalə müstəqil bir əsər olmayıb, "əl-Müsnəd"in sonudur. Abdullah ibn Süleyman əl-Qufeyli (Mədinə 1995) və Abdullah ibn Yusif əl-Cüdey tərəfindən müstəqil olaraq nəşr olunmuşdur.[4]
- ↑ 1 2 OpenITI corpus. OpenITI.
- ↑ 1 2 الزركلي خ. ا. الأعلام (ərəb.): قاموس تراجم لأشهر الرجال والنساء من العرب والمستعربين والمستشرقين. 15 بيروت: دار العلم للملايين, 2002. C. 4. S. 87.
- ↑ İbn Xeyr. Fəhrəsə (ərəb). Qahirə. 1963. 144.
- ↑ 1 2 Yücel, Ahmed. "HUMEYDÎ, Abdullah b. Zübeyr", TDV İslâm Ansiklopedisi (türk). XVIII. TDV İslâm Araştırmaları Merkezi. 1998. 350.