Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinBu məqalədəki nümunələr və perspektivlər mövzuya dünya miqyasında baxışı əks etdirməyə bilər. |
Aktiv istehlakçı – elektrik enerjisini istehlak etməklə yanaşı, bərpa olunan enerji mənbələri hesabına 150 kVt-dək (150 kVt daxil olmaqla) elektrik enerjisi istehsal edən hüquqi və ya fiziki şəxslər[1][2][3][4]
İstehlakçılar elektrik enerjisi istehlakını tam və ya qismən təmin etmək üçün elektrik stansiyalarını quraşdıra və bu stansiyalar vasitəsilə istehsal edilmiş elektrik enerjisinin istehlakından artıq hissəsini daha sonra əvəzləşdirmək məqsədilə paylayıcı şəbəkəyə ötürə, habelə istehlak istehsaldan çox olduğu təqdirdə həmin şəbəkədən elektrik enerjisi qəbul edə bilərlər.[1]
Əvəzləşdirmə üçün müəyyənləşdirilmiş hesabat dövrü başa çatdıqdan sonra yaranmış qalıq elektrik enerjisinin dəyəri aşağıdakı şəkildə hesablanır:
- şəbəkədən alınmış elektrik enerjisi şəbəkəyə ötürülmüş elektrik enerjisindən çox olduqda aktiv istehlakçı qalıq elektrik enerjisinin dəyərini özünün aid olduğu istehlakçı qrupuna uyğun pərakəndə satış tarifi ilə elektrik enerjisinin təchizatçısına ödəyir;
- şəbəkədən alınmış elektrik enerjisi şəbəkəyə ötürülmüş elektrik enerjisindən az olduqda elektrik enerjisinin təchizatçısı qalıq elektrik enerjisinin dəyərini mövcud topdansatış tarifi ilə istehlakçıya ödəyir.
Aktiv istehlakçının dəstəklənməsi mexanizmindən istifadə edən istehlakçılar öz vəsaitləri hesabına elektrik şəbəkəsinə ötürülən və şəbəkədən alınan elektrik enerjisinin hesablanmasına imkan verən sayğac quraşdırmalı və elektrik şəbəkəsinə qoşulmalıdırlar. Bu mexanizmin tətbiqi qaydaları Nazirlər Kabinetinin 28 sentyabr 2023-cü il tarixli 346 nömrəli Qərarı[4] ilə müəyyən edilib.
- ↑ 1 2 Hüquqi Aktların Dövlət Reyestri. "Elektrik enerjisi istehsalında bərpa olunan enerji mənbələrindən istifadə haqqında" 31 may 2021-ci il tarixli 339-VIQ №-li Qanun". e-qanun.az (az.). İstifadə tarixi: 17 sentyabr 2025.
- ↑ Hüquqi Aktların Dövlət Reyestri. "Elektroenergetika haqqında" 11 aprel 2023-cü il tarixli 858-VIQ №-li Qanunu". e-qanun.az (az.). İstifadə tarixi: 17 sentyabr 2025.
- ↑ Hüquqi Aktların Dövlət Reyestri. ""Elektrik enerjisindən istifadə Qaydaları"nın təsdiq edilməsi haqqında" 2 fevral 2005-ci il tarixli 18 №-li NK Qərarı". e-qanun.az (az.). İstifadə tarixi: 17 sentyabr 2025.
- ↑ 1 2 Hüquqi Aktların Dövlət Reyestri. "Aktiv istehlakçının dəstəklənməsi mexanizminin tətbiqi Qaydaları"nın təsdiq edilməsi və aktiv istehlakçılar tərəfindən bərpa olunan enerji mənbələri hesabına istehsal edilən elektrik enerjisinin güc həddinin müəyyən edilməsi haqqında" 28 sentyabr 2023-cü il tarixli 346 №-li NK Qərarı". e-qanun.az (az.). İstifadə tarixi: 1 oktyabr 2025.