Aleksandr Nevski kafedralı və ya Aleksandr Nevski Yeniyarmarka kafedralı (rus. Александро-Невский Новоярмарочный собор) — Nijni Novqorod şəhərində yerləşən Pravoslav kilsə. Rus Pravoslav Kilsəsinə aid olan kafedral keçmiş Nijni Novqorod Yarmarkası ərazisində yerləşir. Kremlinin Dmitrovskaya qülləsi, Çkalov pilləkəni və yarmaka ilə birlikdə Nijni Novqorodun qeyri-rəsmi simvollarından biridir. Kafedralın əsas tikintisi 18 avqust 1868-ci ildə başlamış və 13 il davam etmişdir. Daxili işlər isə 1881-ci ilə qədər davam etmişdir. 20 iyul 1881-ci ildə kafedral, İmperator III Aleksandr, onun həyat yoldaşı Mariya Fyodorovna və şahzadə Nikolayın iştirakı ilə təntənəli şəkildə təqdis edilmişdir. Kafedralın hündürlüyü 87 metrdir (3425,2 düym).[1]
| Aleksandr Nevski kafedralı | |
|---|---|
_-_3.jpg) | |
| Ölkə | |
| Yerləşir | Nijni Novqorod |
| Tikilmə tarixi | 1881 |
| Üslubu | yeni rus memarlığı[d] |
| Rəsmi sayt | nevskiy-nne.ru |
| 56°20′01″ şm. e. 43°58′16″ ş. u. | |
 |
|
 Vikianbarda əlaqəli mediafayllar | |
1856-cı ildə tacirlər İmperator II Aleksandrın yarmakaya səfərini xatırlamaq üçün yeni bir pravoslav kafedralı tikmək qərarına gəldilər. Onlar yeni kafedralın tikintisi üçün yepiskop Antoni və qubernator A.Muravyova müraciət etdilər. İanə toplamaq kampaniyası başladıldı. Tələb olunan məbləğ (454,667 rubl 28 qəpik) 10 il ərzində (1866-cı ilə qədər) toplandı. 18 noyabr 1865-ci ildə kafedralın layihəsi hökumət tərəfindən təsdiqləndi. 1866-cı ildə Lev Dahl xaricdən Nijni Novqoroda qayıtdı və layihəni yekunlaşdırdı.[2] Kafedralın əsas tikintisi 18 avqust 1868-ci ildə başladı və 13 il davam etdi. Daxili işlər isə 1881-ci ilə qədər davam etdi. Kafedral təməli olmadan inşa edilmişdir.[3]
1929-cu ildə kafedral bağlandı və dəyərli əşyalar müsadirə edildi. 1930-cu ilin qışında Volga Donanmasının rəhbərliyinin qərarı ilə kafedralın ikonaları və bütün taxta bəzək elementləri şəhərdəki evləri istiləşdirmək üçün odun kimi istifadə edildi. Lakin camaat bir neçə ikonanı qoruyub saxladı. 1920-ci illərin sonlarında yarmaka ərazisinin yenidən qurulması üçün bir layihə hazırlandı. Kafedralın sökülməsi və onun yerində Vladimir Leninə həsr olunmuş bir mayak və abidə tikilməsi planlaşdırılırdı. Bu layihə həyata keçirilmədi, lakin 1930-cu illərin sonunda kafedralın damındakı çadırlar söküldü. Daha sonra kafedral binası anbar və yaşayış məkanı kimi istifadə edildi. Kafedrala çoxsaylı köməkçi otaqlar və müxtəlif ofislər əlavə edildi. 1940-cı illərdə baş verən yanğın binanın daxili hissəsini məhv etdi. Bundan sonra daxili suvağın qalıqları tamamilə təmizləndi.[4]
-
-
-
Aleksandr Nevski kafedralı küçəsi -
-
Qurbangah -
-
Gecə vaxtı
- ↑ "Cathedral in honor of St. Alexander Nevsky". Parishes in Nizhny Novgorod. Nizhny Novgorod eparchy. 25 fevral 2012 tarixində orijinalından arxivləşdirilib. İstifadə tarixi: 17 aprel 2017.
- ↑ "Нижний Новгород|Кафедральный собор Александра Невского ("Новоярмарочный")". sobory.ru (rus). İstifadə tarixi: 25 may 2017.
- ↑ "Собор Александра Невского". Monuments historiques. Ministry of Culture.
- ↑ Лисовский В. Г.. Архитектура России XVIII - начала XX века. Поиски национального стиля. Москва: Белый город. 2009. 259–260. ISBN 978-5-7793-1629-3.
- Собор святого благоверного князя Александра Невского "на сайте Нижегородской епархии". 12 avqust 2009 tarixində orijinalından arxivləşdirilib.