Amatike körfəzi (isp. Bahía de Amatique) — Karib dənizinin iri körfəzlərindən biri. Qvatemalanın şərq sahili boyunca və Beliz ərazisində yerləşir.
| Amatike körfəzi | |
|---|---|
| | |
| Yerləşməsi | |
| 15°55′ şm. e. 88°45′ q. u. | |
| Ölkə | |
Körfəz Honduras körfəzi akvatoriyasında yerləşir, cənubda Qvatemaladakı Santo-Tomas-de-Kastilyadan başlayaraq şimalda Belizdəki Punta-Qordaya qədər uzanır və burada Karib dənizinə açılır.[1] Körfəzin cənub-şərq sərhədləri Punta-de-Manabik adlı kiçik yarımada ilə müəyyən edilir.
Körfəz ərazisinin böyük hissəsi Qvatemalaya, şimal-qərb hissəsi isə Belizə məxsusdur. Körfəzə üç əsas çay tökülür: Belizdə yerləşən Moxo çayı, Belizlə Qvatemala arasında sərhəd təşkil edən Sarstun çayı və Qvatemaladakı Rio-Dulse çayı. Körfəzdəki əsas limanlar — Qvatemala tərəfində Puerto-Barrios, Santo-Tomas-de-Kastiliya və Livinqston, Beliz tərəfində isə Punta-Qordadır.
- ↑ "Amatique Bay". Google Maps. Google. 25 sentyabr 2021 tarixində arxivləşdirilib. İstifadə tarixi: 19 yanvar 2019.
- Perez, Arlenie; Chuang Chin-Ta; Farok Afero. "Belize-Guatemala territorial dispute and its implications for conservation" (PDF). Tropical Conservation Science. 2 (1). 2009: 11–24. doi:10.1177/194008290900200104.
- Perlack, Robert D.; J. Timothy Ensminger; Romeo Martinez. "Guatemala strives for environmental and economic sustainability in the Rio Dulce region". Natural Resources Forum. 25 (3). 2001: 235–244. doi:10.1111/j.1477-8947.2001.tb00765.x.