Anadolu meydanı (türk. Anadolu Meydanı) — əvvəllər Tandoğan meydanı kimi tanınan, Ankaranın aşağı Bağçalıevler səmtində, Yeniməhəllə və Çankaya ilçələrinin kəsişməsində yerləşən bir şəhər meydanı. Meydanda Ankaray stansiyası yerləşir.
| Anadolu meydanı | |
|---|---|
| türk. Anadolu Meydanı | |
 Tandoğan meydanının görünüşü (2009) | |
| Ümumi məlumatlar | |
| Ölkə |
 Türkiyə |
| Şəhər | Ankara |
| Bölgə | Bağçalıevlər |
| Rayon | Yeniməhəllə |
| Elektrik qatarı | Ankaray stansiyası |
| Əvvəlki adı | Tandoğan meydanı |
| Şərəfinə adlandırılıb | Nevzat Tandoğan |
Meydan öncə Ankaranın o vaxtkıvalisi Nevzat Tandoğanın xatirəsinə "Nevzat Tandoğan meydanı" adlandırılmışdır. Uzun illər Ankara xalqı tərəfindən bu adla adlandrılan "Nevzat" adı 2012-ci ildə çıxarılaraq rəsmi olaraq "Tandoğan meydanı" adlandırıldı. 14 aprel 2015-ci ildə Ankara Böyükşəhər Bələdiyyə Şurasında keçirilən səsvermədən sonra, AKP üzvlərinin təzyiqi ilə meydanın adı tamamilə "Anadolu meydanı" olaraq dəyişdirildi.[1]
Bu ad dəyişikliyi yerli siyasətdə fərqli reaksiyalara səbəb verdi. Türkiyə Mühəndis və Memarlar Palataları İttifaqı Ankara Şöbəsinin o vaxtkı prezidenti Tezcan Qaraquş Candan, belə bir ad dəyişikliyinin ideoloji səbəblərdən qaynaqlandığını iddia edərək, şəhərin kimliyinin və vətəndaş yaddaşının qəsdən məhv edilməsi bağlı fikirlərini bəyan etdi.[2] CHP üzvü Mustafa Sarıgül də ad dəyişikliyinin şəxsi məsələ olduğunu bildirərək, Ankaranın simvolu olan bir meydanın bu şəkildə adlandırılmamalı olduğunu bildirdi. MHP-nin sədr müavini Ramazan Şimşək ad dəyişikliyinə qarşı olmadığını, lakin bunun Ankara xalqı ilə məsləhətləşdikdən və onların razılığını aldıqdan sonra edilməli olduğunu bildirdi.[3]
Meydanın adı dəyişildikdən sonra meydanda birləşən bütün marşrut nişanları "Anadolu meydanı" yazısı ilə yeniləndi, lakin ərazidə yerləşən kommersiya müəssisəsi və ya təşkilatı yeni addan istifadə etməyi seçmədi.[4] İctimai rəy sorğusu göstərdi ki, Ankara sakinlərinin böyük əksəriyyəti, ad dəyişikliyindən xəbərdar olsalar da, Tandoğan meydanı adından istifadə etməyə davam edir.[5]
- ↑ "Tandoğan Meydanı'nın adı değişti, Anadolu Meydanı oldu" (Türkçe). T24. 18 Kasım 2020 tarixində arxivləşdirilib. İstifadə tarixi: 1 Mayıs 2022.
- ↑ "Mimarlar Odası'ndan 'Tandoğan' tepkisi: Belleklerimizi sıfırlamaya çalışıyorlar". Diken. 14 Nisan 2015. 17 Nisan 2015 tarixində arxivləşdirilib. İstifadə tarixi: 1 Mayıs 2022.
- ↑ Koç, Mert Gökhan. "Tandoğan Meydanı'nın adı 'Anadolu' oldu" (Türkçe). Hürriyet. 16 Nisan 2015. 1 Mayıs 2022 tarixində arxivləşdirilib. İstifadə tarixi: 1 Mayıs 2022.
- ↑ Koç, Mert Gökhan. "Tabelada Anadolu dillerde Tandoğan" (Türkçe). Hürriyet (gazete). 11 Ağustos 2015. 1 Mayıs 2022 tarixində arxivləşdirilib. İstifadə tarixi: 1 Mayıs 2022.
- ↑ Selin Turan; Özge Yalçıner Ercoşkun. "Meydanlardaki İsim Değişikliklerinin Kent Belleğine Etkisi: Ankara Örneği" (Türkçe). Süleyman Demirel Üniversitesi. Kasım 2017. səh. 1. doi:10.30785/mbud.337234. ISSN 2548-0170. 1 Mayıs 2022 tarixində arxivləşdirilib. İstifadə tarixi: 1 Mayıs 2022.