Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinBu məqaləni vikiləşdirmək lazımdır. |
Anar Əlizadə — azərbaycanlı iş adamı-neft maqnatı[1], "Union Grand Energy" şirkətlər qrupunun sahibi və baş icraçı direktoru, "Baku Business Factory"nin təsisçisi, "Socar Trading"in təsisçisi (digər təsisçilər: SOCAR, Valeri Qolovuşkin) və keçmiş prezidenti.
| Anar Əlizadə | |
|---|---|
| Doğum tarixi | |
| Doğum yeri | Naxçıvan |
| Fəaliyyəti | İş adamı |
| www.anaralizade.com | |
Anar Nüsrət oğlu Əlizadə 1978-ci il sentyabrın 21-də Naxçıvan şəhərində anadan olmuşdur. Orta məktəbi bitirdikdən sonra 1996–2000-ci illərdə Naxçıvan Dövlət Universitetində İqtisadiyyat üzrə bakalavr təhsili almış, daha sonra Azərbaycan Respublikasının Prezidenti yanında Dövlət İdarəçilik Akademiyasında İqtisadi İdarəetmə ixtisası üzrə magistr diplomu almışdır.[2]
İlkin biznes fəaliyyətinə 90-cı illərin sonlarında Türkiyədən müxtəlif məhsulların gətirilib Naxçıvanda satılması ilə başlamış, daha sonra avtomobil idxalı və ailəsinin malik olduğu sərnişin daşımaları biznesləri ilə də məşğul olmuşdur.[3]
Anar Əlizadə 2000-ci illərin əvvəllərində Bakıya gələrək biznesini burada davam etdirir. O, burada Türkiyə ilə Naxçıvan arasında apardığı ticarət nəticəsində əldə etdiyi özünün və ailəsinin topladığı ilkin kapitalı Bakının daşınmaz əmlak bazarına yatırır. Bir neçə il sonra daşınmaz əmlakın kəskin bahalaşması ona böyük qazanc gətirir.
2000-ci illərin ortalarında Anar Əlizadə BƏƏ ilə ticarət əlaqələri qurmağa başlayır. Bu sahədə o, BƏƏ-də ilk Azərbaycan investisiyalı şirkətlərdən birini quraraq kompüter və elektronik avadanlıqların istehsalı və satışı ilə məşğul olmağa başlayır.[4]
Bir müddət sonra bütün mövcud şirkətlərini 2007-ci ildə Sinqapurda təsis etdiyi Union Grand Energy şirkətlər qrupu daxilində toplayır və onu Azərbaycanda bəyan edib burada nümayəndələyini açıb. BƏƏ-dəki iş fəaliyyətinə başladıqdan sonra Anar Əlizadə neft sektorunda da işlər görməyə başlayır. Bu vəsilə ilə o, "Grand MMC" adlı şirkəti təsis edərək neft avadanlıqlarının ticarətinə və yerli neft şirkətlərinə texniki xidmətlərin göstərilməsi işlərinə daxil olur. Bu sahədəki fəaliyyətlərinin ardınca ARDNŞ-nin tərəfdaşına çevirilir. Bu tərəfdaşlıq daha sonra Azərbaycan neftinin (Azeri Light) dünyada bazarında satışını həyata keçirən yerli şirkətin – SOCAR Trading SA-nın yaradılması ilə nəticələnir. SOCAR Trading SA-nın 25% səhmlərinə sahib olan Anar Əlizadə, eyni zamanda, 6 il müddətində şirkətin baş icraçı direktoru və Direktorlar Şurasının sədri vəzifələrini icra edir. O, 2012-ci ildə SOCAR Trading SA şirkətindəki səhmlərinin hamısını SOCAR-a satmışdır.[5][6][7]
Anar Əlizadə 2016-ci il mayın 1-də Men adasında “Gagnant Global Holding Limited” şirkətini yaradıb.[8] 4 gün sonra isə bu şirkətin vasitəsilə Londonda “Dessus Petroholding Limited” şirkətini təsis edib.[9] “Dessus Petroholding Limited” (DPL) qrupuna bir neçə şirkət daxildir.
Qrupdakı “Montee Energy Trading UK Limited” şirkəti Britaniya, Türkiyə, İspaniya, Baltik ölkələrində neft məhsulları və neft-kimya məhsullarının ticarəti ilə məşğul olur. DPL yaradıldığı gün DPL tərəfindən təsis edilən “Solein Energy UK Limited” şirkəti Britaniyada günəş enerjisi istehsal edən 3 şirkətin (“Solein Walmoor Ltd”, “Solein Harvest Ltd” və “Solein Rookery Ltd”) mülkiyyətçisidir.[10]
Dekabr, 2014 — "İlin Adamı: İşgüzar Nüfuz-2014"[11].
- ↑ "Neft maqnatı Anar Əlizadənin naməlum biznesi". Meydan TV (az.). 6 avqust 2021. İstifadə tarixi: 11 oktyabr 2025.
- ↑ "Anar Əlizadə - bio". www.azerbaijananonymousexplained.com.
- ↑ ""Anar Əliyev kimdir?" sualına qalmaqallı neft maqnatı özü cavab verir". Marja.az. (#archive_missing_date) tarixində arxivləşdirilib.
- ↑ "Neft maqnatı Anar Əlizadənin naməlum biznesi". Meydan.tv.
- ↑ "Anar Əlizadə Azərbaycanı tərk etdi". Konkret.az.
- ↑ "Tanınmış iş adamı Anar Əlizadə yeni layihəyə start verdi - FOTO". Report.az.
- ↑ "Tanınmış iş adamı Anar Əlizadə yeni layihəyə start verdi". Trend.az.
- ↑ opencorporates.com https://opencorporates.com/companies/im/012302V (#bare_url_missing_title). İstifadə tarixi: 11 oktyabr 2025.
- ↑ "DESSUS PETROHOLDING LIMITED persons with significant control - Find and update company information - GOV.UK". find-and-update.company-information.service.gov.uk (ingilis). İstifadə tarixi: 11 oktyabr 2025.
- ↑ "SOLEIN ENERGY UK LIMITED overview - Find and update company information - GOV.UK". find-and-update.company-information.service.gov.uk (ingilis). İstifadə tarixi: 11 oktyabr 2025.
- ↑ "Azərbaycanlı iş adamı "Business Time" jurnalı tərəfindən "İlin iş adamı: İşgüzar nüfuz-2014" mötəbər mükafatına layiq görülüb - FOTO". Apa.az. (#archive_missing_date) tarixində arxivləşdirilib.