Anadolu Qəniyev və ya digər adı ilə: Anatollu Qəniyev (10 fevral 1931, Neftçala rayonu – 1 oktyabr 1985, Bakı) — Azərbaycan muğənnisi (bariton). 60-cı illərin əvvələrindən etibarən Azərbaycan Dövlət Filarmoniyasının solisti olmuşdur.
| Anatollu Qəniyev | |
|---|---|
 | |
| Ümumi məlumatlar | |
| Doğum tarixi | 10 fevral 1931 |
| Doğum yeri | |
| Vəfat tarixi | 1 oktyabr 1985 (54 yaşında) |
| Vəfat yeri | |
| Vəfat səbəbi | ürək çatışmazlığı |
| Musiqiçi məlumatları | |
| Fəaliyyəti | müğənni |
 Vikianbarda əlaqəli mediafayllar | |
Anatollu Qəniyev 1931-ci ildə Neftçala rayonu, Züd-Ost Qoltuq kəndində doğulmuşdur. Uşaqlıqdan musiqiyə həvəsi olmuşdur. Hərbi xidmətdən sonra Asəf Zeynallı adına musiqi məktəbində təhsil alıb. Müəllimi F.Mehdiyev olmuşdur. Bitirdikdən sonra Azərbaycan Dövlət Radio Televiziyasının solisti olmuşdur (1959). Sonradan T.Əhmədovun rəhbərlik etdiyi estrada orkestrinin solisti olmuşdur. "Çıx yaşıl düzə", "Reyhan", "Teymurun mahnısı", "Dəyişmərəm", "Bakının ulduzları", "Şəlalə", "Ay qız", "Qonşular" (E. Rəhimova ilə duet), "Yaşa könül", "İlk görüşdən gəlirəm", "Səni haylaram", "Bu dərə uzun dərə" və s. kimi ifa etdiyi mahnılarla şöhrət qazanmışdır.
Azərbaycan Mədəniyyətinin 10 günlüyündə Moskvada çıxış etmişdir (1959).
Anatollu Qəniyev Kuba, Almaniya, Polşa, Çexoslovakiya, Ərəb ölkələrində və s. qastrol səfərlərində olmuşdur. Badamlı, Nuş olsun, Naz-naz və s. dillər əzbəri olmuş mahnıları ifa etmişdir. Koroğlu, Ulduzlar sönmür, Möcüzələr adası, Mehman, Alma-almaya bənzər kimi kinofilmlərdə mahnıları səslənmişdir.[1]
İfa etdiyi mahnılar:
Bana - bana gəl
Naz-naz
Məni gördü güldü yar
Ağacda leylək
Çıx yaşıl düzə
Gözəllik nəğməsi
Qalxın dostlar
Aybəniz
Dəyişmərəm
Görmədim
Kamilin mahnısı
Gəlmədin sən
Gənclik mahnısı
Cıdır düzü
Qızıl ətəkli bahar
Yurdumun
Mən milisəm
Cənnətim Qarabağ
Ay qaşı-gözü qara qız
Qurban olduğum
Yaşa könül
Lənkəranın çay dərən qızları
Etibarlı oğlanam
Könlüm
Getmə dayan
Evləri var xana-xana
Səni haylaram
Pəncərəmə qondu çiçək
Çoban Qara
İlk görüşdən gəlirəm
Reyhan
Ata nəsihəti
Svetafor
Bu dərə uzun dərə
Nargilə
Görürəm səni
Geriyə dön
Yaşa Özbəkistan
Poçtalyon
Gülüm nə yaman gözəlləşmisən
Şanlı qəhrəman
Üəyimdəsən
Gəl mənim Leylam
- Möcüzələr adası (film, 1963) - lirik mahnı ,,Pəncərəmə qondu çiçək". Bəstəkar T.Quliyev.
- Ulduzlar sönmür (film, 1971) - mahnı ifa edən
- Azərbaycan elləri (film, 1976) - mahnı ifa edən
- Alma almaya bənzər (film, 1975) - mahnı ifa edən
- Yenilməz batalyon( film, 1965) Teymurun mahnısı (Teymur - aktyor Ceyhun Mirzəyev)
- Görüş (film,1965) Kamilin mahnısı.( Kamil - aktyor Arif Mirzəquliyev )
İctimai televiziyada istehsal edilmiş Anatollu Qəniyev adlı qısametrajlı sənədli televiziya filmi həsr olunmuşdur.
- ↑ "Anatollu Qəniyev". 31 iyul 2010 tarixində orijinalından arxivləşdirilib. İstifadə tarixi: 6 oktyabr 2010.