Anna Alisiya (ing. Ana Alicia Ortiz Torres; 12 dekabr 1956[1], Mexiko) — ABŞ — Meksika aktrisası.
| Anna Alisiya | |
|---|---|
| isp. Ana Alicia Ortíz Torres | |
 | |
| Doğum tarixi | 12 dekabr 1956[1] (68 yaş) |
| Doğum yeri | |
| Fəaliyyəti | aktrisa, televiziya aktrisası, kino aktrisası |
| Fəaliyyət illəri | 1977-ci ildən |
| Təhsili |
|
| IMDb | ID0019578 |
 Vikianbarda əlaqəli mediafayllar | |
Anna Alisiya atası və anasının geyim fabrikində işlədiyi Mexiko şəhərində anadan olub.[2] O, dörd uşaqdan üçüncüsü idi. Atası Karlos Kelestino Ortiz vəfat etdikdən sonra o, ailəsi ilə birlikdə Texas ştatının El Paso şəhərinə köçdü. Burada anası, nənəsi, əmisi və üç qardaşı ilə birlikdə böyüdü.[2]
Orta məktəbi başa vurduqdan sonra o, nüfuzlu Vellesley Kollecində təhsil almaq üçün tam təqaüd qazandı. Lakin daha sonra Texas Universitetinin El Paso kampusunda (UTEP) dram üzrə bakalavr dərəcəsi aldı. Universitet illərində o, teatr sahəsinə böyük maraq göstərir və müxtəlif səhnə tamaşalarında iştirak edirdi.[3]
Təhsilini başa vurduqdan sonra Anna Alisiya aktyorluq karyerasına başlamaq üçün Los-Ancelesə köçdü. İlk böyük rolu 1977-ci ildə "Ryan’s Hope" adlı serialda Alisiya Nieves obrazı oldu. Daha sonra o, bir çox televiziya şoularında və filmlərdə rol aldı.[4]
1981-ci ildə "Halloween II" filmində Janet Marşall obrazını canlandıraraq karyerasında yeni mərhələyə qədəm qoydu. Lakin onun ən məşhur rolu, 1982-1988-ci illərdə yayımlanan "Falcon Crest" adlı primetime serialında Melissa Agretti obrazı oldu. Burada o, zəngin və hiyləgər bir üzüm bağı varisinin həyatını canlandırdı və tamaşaçılar tərəfindən böyük rəğbət qazandı. Anna Alisia həmçinin "Battlestar Galactica", "Galactica 1980" kimi televiziya seriallarında qonaq aktyor kimi çıxış etmişdir. 1989-cu ildə "Romero" filmində Arista Zelada rolunu canlandırmış, 1990-cı ildə isə "Miracle Landing" adlı televiziya filmində Mişell Honda obrazını oynamışdır.[3][5]
- ↑ 1 2 Ana Alicia // Česko-Slovenská filmová databáze (çeş.). 2001.
- ↑ 1 2 "Famous Birthdays on December 12 - On This Day". 1 sentyabr 2022 tarixində orijinalından arxivləşdirilib. İstifadə tarixi: 1 sentyabr 2022.
- ↑ 1 2 "Ana Alicia - Celebrities photos and facts". 4 dekabr 2013 tarixində orijinalından arxivləşdirilib.
- ↑ "Ana Alicia - Biography and facts". 8 avqust 2014 tarixində orijinalından arxivləşdirilib. İstifadə tarixi: 22 iyul 2014.
- ↑ Ortiz, Ana Alicia. "Ana Alicia Ortiz". Ana Alicia Ortiz. 11 oktyabr 2015. 26 fevral 2022 tarixində arxivləşdirilib. İstifadə tarixi: 28 may 2018.
- Anna Alisiya — IMDb səhifəsi
- Anna Alisiya — Facebook səhifəsi
- Anna Alisiya — Twitter səhifəsi
- Anna Alisiya — Instagram səhifəsi