Bu səhifədə iş davam etməkdədir. |
Azərbaycan Respublikasının Birləşmiş Ərəb Əmirliklərindəki səfirliyi — Azərbaycanın BƏƏ-də diplomatik nümayəndəliyi. Səfirlik Azərbaycan Respublikasını Birləşmiş Ərəb Əmirliklərində təmsil edir və Azərbaycanın rəsmi nümayəndəliyi olaraq iki ölkə arasında diplomatik münasibətlərə aid bütün məsələləri əhatə edir. O, Azərbaycanın siyasi, iqtisadi, maliyyə və hüquqi məsələləri, eləcə də elm, təhsil, mədəniyyət və s. sahələrində maraqlarını BƏƏ-də təmsil edir.
| Azərbaycan Respublikasının Birləşmiş Ərəb Əmirliklərindəki səfirliyi | |
|---|---|
 | |
| Ünvan |  Əbu-Dabi, Al Tariş küç, Əl Nəhyan, villa 11 |
| Səfir | Elçin Bağırov |
| Sayt | Embassy of the Republic of Azerbaijan to the United Arab Emirates |
2012-ci ildə Azərbaycan Respublikasının Dubayda Baş Konsulluğu təsis edilib.[1]
2022-ci ildən Elçin Bağırov Azərbaycan Respublikasının Birləşmiş Ərəb Əmirliklərində fövqəladə və səlahiyyətli səfiridir.[2] Emil Qasımzadə Azərbaycanın BƏƏ-də konsuludur.[3]
Birləşmiş Ərəb Əmirlikləri 1991-ci il, 26 dekabr tarixində Azərbaycan Respublikasının müstəqilliyini tanımışdır.
Azərbaycan Respublikası ilə BƏƏ arasında diplomatik əlaqələr 1992-ci ilin 01 sentyabr tarixində qurulmuşdur.
1994-cü ildə Birləşmiş Ərəb Əmirlikləri Ankaradakı səfirini Azərbaycana akkreditə etmişdir.[4]
1997-ci ilin 11 aprel tarixində Azərbaycan Respublikası Milli Məclisinin "Azərbaycan Respublikasının Birləşmiş Ərəb Əmirliklərində Səfirliyinin təsis edilməsi" haqqında qərarı Azərbaycan Respublikasının Prezidenti Heydər Əliyev tərəfindən təsdiq edilmişdir.[5]
2001-ci ilin iyunun 16-dan etibarən Azərbaycan Respublikasının Səfirliyi BƏƏ-nin paytaxtı Əbu-Dabi şəhərində fəaliyyət göstərir.[5]
Azərbaycan Respublikasının Milli Məclisində Azərbaycan —BƏƏ Parlamentlərarası əlaqələri üzrə işçi qrupu təsis edilmişdir.[6]
Birləşmiş Ərəb Əmirliklərinin Federal Milli Şurasında BƏƏ — Asiya (Azərbaycan daxil) parlamentlərarası dostluq qrupu yaradılıb.[7]
Azərbaycanın Birləşmiş Ərəb Əmirliklərindəki səfiri Azərbaycan Respublikasını BƏƏ-də təmsil edən ən yüksək diplomatik vəzifəli şəxsdir.
| Səfir | Müddət başlanğıcı | Müddətin sonu |
|---|---|---|
| Eldar Səlimov 2001[8] | 2001 | |
| Elxan Qəhrəmanov [9] | 2009 | 2014 |
| Daşqın Şikarov[10] | 2016 | 2019 |
| Mahir Əliyev 2019-2022[11] | 2019 | 2022 |
| Elçin Bağırov[2] | 2022 |
Azərbaycan vətəndaşları Birləşmiş Ərəb Əmirliklərinə viza tələb olunmadan daxil ola bilirlər. Bu vizasız rejim çərçivəsində Azərbaycan vətəndaşı ölkəyə giriş zamanı hava limanında xarici pasportunu təqdim edir və 3 ay ərzində bu ölkədə qalmaq icazəsinı alır.[12][13]
- ↑ Birləşmiş Ərəb Əmirliklərinin Dubay şəhərində Azərbaycan Respublikasının Baş Konsulluğunun təsis edilməsi haqqında Azərbaycan Respublikası Prezidentinin Sərəncamı
- ↑ 1 2 E.T.Bağırovun Azərbaycan Respublikasının Birləşmiş Ərəb Əmirliklərində fövqəladə və səlahiyyətli səfiri təyin edilməsi haqqında Azərbaycan Respublikası Prezidentinin Sərəncamı
- ↑ Səfirlik heyəti
- ↑ İkitərəfli münasibətlər haqqında
- ↑ 1 2 İkitərəfli əlaqələri
- ↑ Azərbaycan-Birləşmiş Ərəb Əmirlikləri parlamentlərarası əlaqələr üzrə işçi qrupu
- ↑ Azərbaycan Respublikası və Birləşmiş Ərəb Əmirlikləri arasında ikitərəfli münasibətlər
- ↑ E. N. Səlimovun Azərbaycan Respublikasının Birləşmiş Ərəb Əmirliklərində Fövqəladə və Səlahiyyətli Səfiri təyin edilməsi haqqında AZƏRBAYCAN RESPUBLİKASI PREZİDENTİNİN FƏRMANI
- ↑ E.C.QƏHRƏMANOVUN AZƏRBAYCAN RESPUBLİKASININ BİRLƏŞMİŞ ƏRƏB ƏMİRLİKLƏRİNDƏ FÖVQƏLADƏ VƏ SƏLAHİYYƏTLİ SƏFİRİ TƏYİN EDİLMƏSİ HAQQINDA AZƏRBAYCAN RESPUBLİKASI PREZİDENTİNİN SƏRƏNCAMI
- ↑ D.M.Şikarovun Azərbaycan Respublikasının Birləşmiş Ərəb Əmirliklərində fövqəladə və səlahiyyətli səfiri təyin edilməsi haqqında Azərbaycan Respublikası Prezidentinin Sərəncamı
- ↑ M.M.Əliyevin Azərbaycan Respublikasının Birləşmiş Ərəb Əmirliklərində fövqəladə və səlahiyyətli səfiri vəzifəsindən geri çağırılması haqqında Azərbaycan Respublikası Prezidentinin Sərəncamı
- ↑ Azərbaycan və BƏƏ arasında viza rejimi ləğv edildi
- ↑ Dubay Səyahəti Üçün Viza Lazımdır?