Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinTəhlükəsizlik Şurası (Azərbaycan)
Azərbaycan Respublikasının Təhlükəsizlik Şurası — 1991-ci il mayın 14-də Azərbaycanın 1-ci Prezidenti Ayaz Mütəllibov tərəfindən Azərbaycan Respublikasının Prezidenti yanında Milli Təhlükəsizlik Şurası adı ilə yaradılıb.[1]
| Təhlükəsizlik Şurası | |
|---|---|
 Şuranın 2017-ci il fevralın 21-də baş tutan iclası | |
| Ümumi məlumatlar | |
| Ölkə | |
| Yaradılma tarixi | 14 may 1991 |
Azərbaycan Respublikasının Təhlükəsizlik Şurası milli təhlükəsizlik məsələləri üzrə Azərbaycan Respublikası Konstitusiyasının 109-cu maddəsinin 27-ci bəndinə əsasən yaradılan məşvərətçi orqandır.
Təhlükəsizlik Şurası milli təhlükəsizliyin təmin edilməsi sahəsində dövlət siyasətinin formalaşdırılması və həyata keçirilməsi, dövlətin xarici və daxili təhlükəsizliyinin əsas istiqamətlərinin müəyyənləşdirilməsi ilə bağlı təkliflər verir, milli təhlükəsizliyin təmin edilməsi, habelə dövlətin konstitusiya quruluşunun, suverenliyinin, müstəqilliyinin və ərazi bütövlüyünün qorunması, ölkədə daxili təhlükəsizliyin və ictimai-siyasi sabitliyin vəziyyəti ilə bağlı məsələlərə baxır və səlahiyyətlərinə aid edilmiş digər funksiyaları yerinə yetirir.
Azərbaycan Respublikasının Prezidenti Təhlükəsizlik Şurasının sədridir.
Təhlükəsizlik Şurasının üzvlərini, Azərbaycan Respublikası Konstitusiyasının 109-cu maddəsinin 27-ci bəndinə əsasən, Azərbaycan Respublikasının Prezidenti təyin və azad edir.
Təhlükəsizlik Şurası öz işini iclaslar vasitəsilə həyata keçirir.
Təhlükəsizlik Şurasının iclaslarının gündəliyini Təhlükəsizlik Şurasının sədri müəyyən edir.
Təhlükəsizlik Şurasının iclaslarının təşkilini Təhlükəsizlik Şurasının katibi təmin edir.
Təhlükəsizlik Şurasının katibi Təhlükəsizlik Şurasının funksiyalarının həyata keçirilməsini təmin edən vəzifəli şəxsdir.
Təhlükəsizlik Şurasının katibi Azərbaycan Respublikasının Prezidenti tərəfindən vəzifəyə təyin edilir və vəzifədən azad edilir.
| Vəzifə | Vəzifəni icra edən |
|---|---|
| Şuranın sədri / Azərbaycan Prezidenti | İlham Əliyev |
| Birinci vitse-prezident | Mehriban Əliyeva |
| Şuranın katibi | Ramil Usubov |
| Şura katibinin müavini | Mədət Quliyev |
| Baş nazir | Əli Əsədov |
| Milli Məclisin sədri | Sahibə Qafarova |
| Prezident Administrasiyasının rəhbəri | Samir Nuriyev |
| Prezidentin köməkçisi | Fuad Ələsgərov |
| Baş prokuror | Kamran Əliyev |
| Daxili işlər naziri | Vilayət Eyvazov |
| Müdafiə naziri | Zakir Həsənov |
| Xarici işlər naziri | Ceyhun Bayramov |
| Dövlət Sərhəd Xidmətinin rəisi | Elçin Quliyev |
| Dövlət Təhlükəsizliyi Xidmətinin rəisi | Əli Nağıyev |
| Xarici Kəşfiyyat Xidmətinin rəisi | Orxan Sultanov |
- ↑ ""Azərbaycan Respublikasının Prezidenti yanında Milli Təhlükəsizlik Şurasının yaradılması haqqında" 1991-ci il 14 may tarixli 208 nömrəli fərman". 12 iyul 2023 tarixində arxivləşdirilib. İstifadə tarixi: 12 iyul 2023.