Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinAzərbaycanın gölləri — Azərbaycan Respublikasında mövcud olan göllər nəzərdə tutulur.
Azərbaycan ərazisində ümumi sahəsi 395 km² olan 450 göl var. Bunların əksəriyyəti kiçikdir. Azərbaycan göllərindən 10 gölün sahəsi 10 km²-dən böyükdür. Sarısu, Hacıqabul, Masazır, Candargöl və s. nisbətən böyük göllərdir. Sarısu gölü, Azərbaycan Respublikasının ən böyük gölüdür və Kür-Araz ovalığında yerləşir.[1] Onların bir çoxu turizm məkanlardan uzaq yaxud mühafizə olunan ərazilərdə yerləşdiyi üçün çox az sayda göl istirahət edənlər üçün əlçatandır. Bunların içərisində təbii olanlarla yanaşı süni göllər də mövcuddur.[2]
Mənşəyinə görə Azərbaycanda 7 tip göl müşahidə edilir:
- Buzlaq mənşəli göllər (Şahdağ, Bazardüzü, Murovdağ və s. zirvələr olan yüksəklik zonada yerləşirlər);
- Subasar mənşəli göllər (əsasən Kürün subasar hissəsində yerləşirlər – Sarısu, Hacıqabul, Mehman, Ağgöl və s.);
- Bənd mənşəli göllər (Kiçik Qafqazda müşahidə olunurlar – Göygöl, Maralgöl, Ağgöl, Qaragöl və s.);
- Laqun mənşəli göllər (Xəzər dənizinin sahilboyu zonasında yerləşirlər – Gümüşovan, Ağzıbirçala və s.);
- Karst mənşəli göllər (Qobustanda, Acınohurda, Ceyrançöldə yerləşirlər);
- Sürüşmə mənşəli göllər (Ataçay, Sumqayıtçay, Girdimançay və s. çayların hövzələrində yerləşirlər);
- Relikt mənşəli göllər (Abşeron yarımadasında yerləşirlər – Masazır, Böyükşor, Kürdəxanı, Qanlıgöl və s.).
- ↑ Azərbaycanın çayları, gölləri və su anbarları
- ↑ "Azərbaycanın əsrarəngiz gölləri - AZƏRTAC – Azərbaycan Dövlət İnformasiya Agentliyi". web.archive.org. 25 mart 2022. Archived from the original on 25 mart 2022. İstifadə tarixi: 3 oktyabr 2024.