Azəriqaz ("Azəriqaz" Qapalı Səhmdar Cəmiyyəti və ya "Azəriqaz" İstehsalat Birliyi) — Azərbaycan Respublikası ərazisində təbii qazı təchizat nöqtələrindən qəbul edərək, paylanması və satışını həyata keçirən qurum.[1]
| Azəriqaz | |
|---|---|
 | |
| Ümumi məlumatlar | |
| Ölkə | |
| Yaradılma tarixi | 1923 |
| Baş qərargah | |
1923-cü ildə "Azneft" İstehsalat Birliyinin Əmtəə İdarəsinin nəzdində qazın hasilatı və işlənilməsi üzrə köməkçi şöbə yaradılmışdır. Bununla da, Azərbaycanda qaz təsərrüfatının təməli qoyulmuşdur. 1936-cı ildə "AzQaz" tresti, 1958-ci ilin fevral ayında Azərbaycan SSR Kommunal təsərrüfatı Nazirliyi nəzdində "Başqaz" İdarəsi, bu İdarənin strukturu təkmilləşdirilərək ulu öndərimiz Heydər Əliyev dövlət başçısı seçildikdən iki ay sonra 1969-cu ilin avqust ayında Hökumət yanında "Başqaz" İdarəsinə çevrilmişdir. 1983-cü ildə "Başqaz" İdarəsinin bazasında Dövlət Qazlaşdırma Komitəsi yaranmışdır. Bu Komitə 1989-cu ildə Azərbaycan Dövlət Yanacaq Komitəsinə birləşdirilmişdir. SSRİ-nin sükutundan sonra 1992-ci ildə Azərbaycan Dövlət Yanacaq Komitəsi, "Azəriqaznəql" İstehsalat Birliyi və Azərbaysan Elmi-Tədqiqat Layihə İnstitutu bazasında "Azəriqaz" Dövlət Şirkəti, 1996-cı ildə "Azəriqaz" Qapalı Səhmdar Cəmiyyəti yaradılmış, 2009-cu ilin iyul ayında Azərbaycan Respublikası Prezidentinin neft və qaz sənayesinin idarəetmə mexanizmlərinin təkmilləşdirilməsi haqqında Sərəncamı ilə "Azəriqaz" Qapalı Səhmdar Cəmiyyəti yenidən təşkil olunaraq ARDNŞ-nin tərkibinə verilmiş və hal-hazırda SOCAR-ın tərkibində öz fəaliyyətini "Azəriqaz" İstehsalat Birliyi kimi davam etdirir.