Bu səhifədə iş davam etməkdədir. |
Azad Zeynalov (tam adı: Azad Əsəd oğlu Zeynalov; 3 fevral 1957, Bakı) — arxeoloq, qədim daş dövrü üzrə mütəxəssis, tarix üzrə fəlsəfə doktoru, dosent. AMEA Arxeologiya və Antropologiya İnstitutunun "Arxeoloji texnologiya və ölçü-layihə" şöbəsinin aparıcı elmi işçisi.[1][2]
| Azad Zeynalov | |
|---|---|
| Azad Əsəd oğlu Zeynalov | |
| Doğum tarixi | |
| Doğum yeri | Bakı şəhəri |
| Vətəndaşlığı |
 SSRİ Azərbaycan |
| Milliyyəti | azərbaycanlı |
| Uşağı | 2 |
| Elm sahəsi | arxeologiya |
| Elmi dərəcəsi | tarix üzrə fəlsəfə doktoru |
| Elmi adı | dosent |
| İş yerləri | AMEA Arxeologiya və Antropologiya İnstitutu |
| Alma-mater | Azərbaycan Dövlət Universiteti |
| Təhsili | Bakı Dövlət Universiteti |
| Elmi rəhbərləri |
Məmmədəli Hüseynov Anatoliy Panteleyeviç Derevyanko |
| Tanınır | arxeoloq |
| Mühüm layihələri |
Qazma orta paleolit mağara düşərgəsinin əsaslı öyrənilməsi Azərbaycanda bir sıra erkən və orta paleolit dövrünə aid paleolit düşərgələrin aşkarlanması (Qaraca paleolit düşərgəsi) |
| Üzvlüyü | |
Azad Zeynalov 3 fevral 1957-ci ildə Bakı şəhərində anadan olub. 1964-cü ildə Səbail rayonu 3 nömrəli məktəbə gedən Azad Zeynalov, sonradan təhsilini 189 nömrəli məktəbdə davam etdirib, 1976-cı ildə isə təhsil peşə məktəbini bitirib. 1979-1984-cü illərdə Azərbaycan Dövlət Universitetində (indiki "Bakı Dövlət Universiteti") ali təhsil alıb. 1976–1978-ci illərdə isə Sovet ordusu sıralarında hərbi xidmətdə olmuşdur.
Azad Zeynalov evlidir və iki övladı var.
Azad Zeynalov 1984-1990-cı illərdə Azərb SSR EA Tarix İnstitutu, Arxeologiya və Etnoqrafiya sektorunun "Daş dövrü" şöbəsində baş laborant, 1990-1994-cü illərdə kiçik elmi işçi, 1994-2001-ci illərdə AMEA Arxeologiya və Etnoqrafiya İnstitutu, "Daş dövrü" şöbəsində elmi işçi, 2013-2015-ci illərdə "Arxeoloji xidmət" şöbəsində elmi işçi, 2015-2017-ci illərdə böyük elmi işçi vəzifələrində çalışmışdır. 2017-ci ildən AMEA Arxeologiya və Antropologiya İnstitutunun "Arxeoloji texnologiya və ölçü-layihə" şöbəsinin aparıcı elmi işçisidir.
Azad Zeynalov 1980-ci ildən bəri Azıx, Tağlar, Qazma, Buzeyir və digər paleolit dövrü abidələrində, eləcə də sonrakı dövrlərə aid abidələrdə arxeoloji qazıntılarda iştirak edib. Uzun illər Naxçıvan ərazisində yerləşən Qazma mağara paleolit düşərgəsində aparılan arxeoloji qazıntılarda iştirak edib və rəhbərlik edib. 2014-cü ildə "Naxçıvanın paleoliti" adlı dissertasiya işini müdafiə edən Azad müəllim tarix üzrə fəlsəfə doktoru elmi dərəcəsini alıb,[3] 2018-ci ildə isə Ali Attestasiya Komissiyası tərəfindən dosent elmi adına layiq görülmüşdür. 2016-cı ildə bu mağaraya həsr olunmuş "Neandertalın son sığınacağı" adlı monoqrafiyası çap olunmuşdu.
Google Scholar profilində 162 sitat gətirilmə, 6 h-indeksi və 53 nəşri olan Zeynalov, Qafqazda daş dövrünün öyrənilməsinə mühüm töhfələr vermişdir.[1]
- ↑ 1 2 "Azad Zeynalov" (az.). https://iremb.anas.az. 25 noyabr 2025 tarixində arxivləşdirilib. İstifadə tarixi: 25 noyabr 2025.
- ↑ "Zeynalov Azad Əsəd oğlu" (az.). https://science.gov.az. 25 noyabr 2025 tarixində arxivləşdirilib. İstifadə tarixi: 25 noyabr 2025.
- ↑ Zeynalov, Azad. NAXÇIVAN PALEOLİTİ (PDF) (Tezis). 2014. İstifadə tarixi: 25 noyabr 2025.
- "Azıx mağarasını kim kəşf edib və onun sakinləri kimlər olub" (az.). https://azertag.az. 13 aprel 2021. İstifadə tarixi: 26 noyabr 2025.