Bacanaqlar

Bir-birilə bacanaq olan Qismət və Taleh "Şıdırğı" adlı redaksiyada jurnalist kimi çalışırlar və sosial cəhətdən zəifdirlər. Elə bu səbəbdən də, ilk 100 seriyada onlar 5 kirayə ev dəyişirlər (Kürdəxanıda cücə kolxozunda, Sovetskidə həyət evində, Sahil qəsəbəsi Zığ, və Kubinkada bina evlərində). Lakin onlar təkcə bacanaq deyillər, həm də Talehlə Qismətin ailələri bir-birilərinin kəndçiləridir, yerlidirlər. Məsələn, seriyada Yuxarı Çəngəlli, Aşağı Çəngəlli, Çatanaqoyanlar kimi həqiqətdə Azərbaycanda mövcud olmayan kənd/qəsəbə adları səslənir. Şərhçilərin fikrincə, danışdıqları ləhcələri və ailədaxili adət-ənənələri onların təxminən Xankəndi-Tərtər bölgəsindən olduğuna eyham verir. Onlar Bakıya köçməzdən əvvəl (daha doğrusu əvvəl Qismət ailəsiylə, sonra Yediyarın ailəsi və onunla birgə yaşayan Talehgil) eyni kənddə yaşamışdırlar, Qismət əvvəllər məktəbdə əmək-idman müəllimi olub və qohum-əqraba arasında ən savadlı insan məhz odur. Həmçinin, Bəsti də həmən məktəbdə ədəbiyyat müəlliməsi olub, hətta Namiq Qaraçuxurlu onun tələbəsiymiş. Son serialarda evin kiçik kürəkəni Talehin etdiyi fırıldaqçılıqlardan peşman olaraq xarici ölkəyə getməsi, mehriban ailə üzvlərinin evi bir-bir tərk etməyi və həmin redaksiyanın da müflisləşərək bağlanması görüntülənir.

Layihə rəhbəri: Elməddin Cəfərov

Quruluşçu rejissor: Orxan Ali

Baş redaktor: Ənvər Abbasov

Ssenari müəllifləri: Elnur Hüseynov, Tərlan Nur-Yaşar, Samid Ağayev, Fuad Rəsulzadə

Rejissor assistenti: Elçin İbrahimov

Montaj: Səbuhi Əhmədov, Zahid Canatov

Qrim: Aybəniz Hüseynova

Operatorlar: Rövşən Əkbərli, Nurani İsgəndərov, Elvin Zeynalov

Səs rejissoru: Vüsal Həsənli

Sürücülər: Niyaməddin, Rövşən

Kastinq: Elnur Orucov

Koordinatorlar: Yadigar Yusifoğlu, Əli Mürşüdov, Kənan Piriyev

İcraçı prodüser: Mənsur İbrahimov

Baş prodüser: Elməddin Cəfərov

Qeyd: Yuxarıdakı siyahıda 48 nəfər aktyor üzrə 54 rol qeydə alınmışdır. İki mövsümdə də tez-tez bəzi adlar çəkilir ki, bu şəxslərin heç-biri seriya ərzində iştirak etmirlər: Ceyranın həyat yoldaşı Yediyar (yaxud Yadigar), Talehin babası Şıxəli, Talehin borclu olduğu Çingiz və Dursun müəllim, Ceyranın kiçik bacısı Maral, Vəfanın işlədiyi trenajor zalının müdirəsi Tofiqə, Ceyran və Zərnişanın adaş anaları Fəridə, Xansuvarın yeganə bacısı Simuzər, lakin tez-tez Talehin borcu olduğu başqa şəxslər kadrlarda görünür. Eləcə də, bir-çox tanınmış müğənni və televiziya xadimləri də epizodik rollarda (məsələn, Xoşqədəm Hidayətqızı, Elçin Cəfərov, Röya Ayxan, Elariz Məmmədoğlu, Zaur Baxşəliyev və s.) iştirak etmişdirlər. Həmçinin, serialdan bu məlum olur ki, Bəstinin adı çəkilməyən və tez-tez həbsə düşən ikinci qızı evin dördüncü qızını belə qətlə yetirmişdir.

Qeyd: Bu mövsümdə 48 nəfər aktyor üzrə 52 əsas və köməkçi rollar qeydə alınmışdır, həmçinin epizodik və adı çəkilsə belə özləri görünməyən çoxlu rollar da vardır. Mövsümlər ərzində əksər hallarda kafeyə və dükana gələn işçilər və məşhur şəxslər görünür. 132-ci seriyada Qismət və Vəfanın ikinci övladı Bahadur, Taleh və Arzunun qızı Hamayıl dünyaya gəlir. Eləcə də, bir çox tanınmış müğənnilər də (məsələn, Elçin Cəfərov, Elçin Hüseynov, Elşad Qarayev) epizodik rollarda iştirak etmişdirlər. Evin zalındaysa Talehin babası "zaftalı" Şıxəli ağanı (seriyaların birində Elməddin Cəfərov onu canlandırıb), Arzunun atası Yediyarın və Qismətin babası Orduxanın (Elnur Hüseynov bir-neçə seriyada onu canlandırıb və sonda Orduxan eyvandan yıxılaraq ölür) iri şəkilləri divardan asılmışdır. Bəzi seriyalarda polis Gülənvərqulunun kiçik qardaşı aşpaz Abbas "Şıdırğı" kafesində müğənni kimi fəaliyyət göstərdiyi görünür, həmçinin 175-ci seriyada məşhur rejissor Aqil M. Quliyevlə birlikdə kliplər də çəkdirir. Ən həlledici seriyalardan biri 192-cidir çünki Orduxanın vəfatıyla onun Surqutdakı sahəsində neft fontanı axır və onun varisi Qismət bir andaca varlanır, bunun fonunda məhkəmənin qərarıyla Talehlə Arzu ayrılırlar amma bu əksəriyyətin ürəyincə olur. Ən maraqlı məsələlərdən biriysə bu mövsümdə artıq Qismət xanımı Vəfadan qorxmur, hər şey əksinə cərəyan edir.

Qeyd: Bu mövsümdə keçən mövsümdəki hadisələrin üstündən 5 il keçdiyi vurğulanır. Arzu övladlarıyla birgə Qismətin yeni aldığı bina evində yaşayır, eləcə də, Ceyran da oradadır. Talehin katibəsi olmadığı üçün Xansuvar həm də Sevinc adıyla müştərilərin yanında telefondan ona səslənir. Onlar nə qədər barışmağa çalışsalar da, bir-çox fərqli və məzəli səbəblərdən dolayı heç-vaxt alınmır. Baxmayaraq ki, Məhəbbət də Sevdadan ayrılmaq istəyir amma Bəsti xala onun şəxsiyyət və xarici vəsiqəsini vermək istəmir. Həmçinin, Məhəbbət ayrılmasın deyə Sevdanın hamilə olduğunu deyirlər lakin bu bir yalandır. Xansuvar da xanımından boşanmışdır. Sonaysa motoskleti Teymurun faytonuyla toqquşduğu üçün araları dəymişdir. Seriyada tez-tez klinika və kafeyə gələn müştərilər də görünür. Fikrət müəllim kimi adı çəkilən lakin heç-zaman görsənməyən şəxslər də mövcuddur.

Qeyd: VI mövsümdən etibarən təkcə seriallara deyil, həm də mövsümlərə adların verilməsi ənənəsi başladıldı. VI mövsüm Köhnə Bacanaqlar, VII mövsüm isə Eks-Bacanaqlar adlanır. V mövsümdə ilk dəfə olaraq Talehin oğlu və Qismətin qızı efirdə görünmürlər çünki onlar təhsillərini xaricdə davam etdirirlər, onlarla birlikdə yaşayan və Qismətdən boşanmış Vəfa da. Burada maraqlı bir məntiq də vardır ki, əvvəllər Talehlə Qismət bacanaq idisə, indi qayın-kürəkən sayılırlar, Arzu Mətanətin qardaşı arvadının bacısı idisə, hal-hazırda onlar günüdürlər. Talehlə Mətanətin analarıyla Sevda da onlarla birlikdə yeni evdə yaşayırlar. Günlərin birindəysə Taleh özü qədər məşhur olan nazik bığını taraş edir. Qismət də bir müddət subay qalır lakin sonra ikinci xanımını evə gətirir. Mövsümlərdə bir-çox məşhur incəsənət adamları da (məsələn, Elçin Cəfərov, Sevda Yəhyayeva, Əli Mirəliyev, Səməd Səmədov, Elçin Hüseynov, rəqqasə Oksana Rəsulova və Aytən Əliyeva və s.) iştirak ediblər, həmçinin Qismətin ailə qurmaq üçün tanış olduğu və müəyyən bir səbəblə ayrıldığı xanımlar da….. Bəsti isə hər gördüyü subay qızı Talehə almaq və Mətanətdən boşandırmaq üçün fürsət axtarmaqdadır. "Hamilə" olan Sevdanın güya əkiz oğul övladları Cahandar və Cahandur dünyaya gəlir halbuki onlar Məhəbbətin ayrılmamasına səbə olan oyuncaq bəbələrdir. Sonrakı seriyalarda Taleh Xəyalə adlı sarışın bir xanımla ailə qurur və ona şəhərkənarı bir ev alır, tez-tez yanına baş çəkir lakin bundan anası Bəstidən savayı birinci xanımı Arzu və ikinci xanımı Mətanət başda olmaqla nəsil-kökdə heç-kimin qətiyən xəbəri filan olmur. Bəstinin kiçik bacısı Şamama isə Talehi gah öz qızı Nabatla, gah da kənddən tanıyıb-bildiyi qızlarla ailə qurmağına çalışır.