Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Bayılda torpaq sürüşməsi — Azərbaycanda 2000-ci il martın 6-7-də Bakı şəhəri Səbail rayonunun Bayıl yamacında baş vemriş böyük ərazini əhatə edən sahədə iri miqyaslı torpaq sürüşməsi.
2000-ci il martın 6-7-də Bakı şəhəri Səbail rayonunun Bayıl yamacında böyük ərazini əhatə edən sahədə iri miqyaslı torpaq sürüşməsi baş vermişdir. Sürüşmə nəticəsində həmin ərazidə yerləşən bir sıra sənaye və mülki binalar, o cümlədən fərdi yaşayış evləri dağılmış, mühəndis xətləri və avtomobil yolları ciddi zədə almışdır.[1]
Hadisə baş verən ilk andan vaxtında görülmüş tədbirlər nəticəsində bu rayondan keçən elektrik, qaz, su və digər xətlər qabaqcadan bağlanmış, təhlükəli ərazidə yaşayan əhali köçürülmüş, bununla da insan tələfatının qarşısı alınmışdır.[1]
Təbii fəlakətin nəticələrinin aradan qaldırılması və gələcəkdə belə hadisələrin vaxtında qarşısının alınmasını təmin etmək məqsədilə Azərbaycan Respublikasının Prezidenti Heydər Əliyevin Sərəncamı ilə Azərbaycan Respublikasının Baş nazirinin rəhbərlik etdiyi hökumət komissiyası yaradılmışdır. Təbii fəlakətin nəticələrinin aradan qaldırılması üzrə işlərin maliyyələşdirilməsi və əhaliyə dəyən zərərin ödənilməsi üçün Azərbaycan Respublikasının 2000-ci il Dövlət Büdcəsinin ehtiyat fondundan 5,0 milyard manat məbləğində vəsait ayrılmışdır.[1]
- ↑ 1 2 3 Azərbaycan Respublikasının Ədliyyə Nazirliyi Hüquqi aktların vahid elektron bazası. "Bakı şəhərinin Səbail rayonunda baş vermiş torpaq sürüşməsinin nəticələrinin aradan qaldırılması tədbirləri haqqında Prezident Sərəncamı". e-qanun.az (az.). İstifadə tarixi: 9 sentyabr 2025.