Birləşmiş Millətlər Təşkilatının pasportu — Birləşmiş Millətlər Təşkilatının imtiyazları haqqında 1946-cı il BMT-nin immunitet və imtiyazları haqqında Konvensiyasının[1] VII maddəsinin müddəalarına əsasən BMT tərəfindən buraxılmış diplomatik səyahət sənədi. Nyu-York və Cenevrədəki nümayəndəlikləri, habelə Beynəlxalq Əmək Təşkilatı tərəfindən verilir.[2]
| Birləşmiş Millətlər Təşkilatının pasportu | |
|---|---|
| United Nations laissez-passer | |
 Birləşmiş Millətlər Təşkilatının biometrik sənədinin üz qabığı |
|
| Tərəfindən verilib |
Birləşmiş Millətlər Təşkilatı Beynəlxalq Əmək Təşkilatı |
| Sənəd növü | Pasport |
| Uyğunluq tələbləri | BMT və bəzi digər beynəlxalq təşkilatların rəsmiləri |
| Birləşmiş Millətlər Təşkilatının diplomatik pasportu | |
|---|---|
| United Nations laissez-passer | |
 BMT Diplomatik Pasportunun üz qabığı |
|
| Tərəfindən verilib | Birləşmiş Millətlər Təşkilatı |
| Sənəd növü | Pasport |
| Uyğunluq tələbləri | BMT-ın diplomatik rəsmiləri və bəzi digər beynəlxalq təşkilatların direktorları |
Pasportdan BMT və BƏT, Ümumdünya Səhiyyə Təşkilatı, Atom Enerjisi üzrə Beynəlxalq Agentlik, Ümumdünya Turizm Təşkilatı, Hərtərəfli Nüvə Sınaqlarının Qadağası Müqaviləsi Təşkilatının Hazırlıq Komissiyası, Kimyəvi Silahların Qadağan edilməsi Təşkilatı, Ümumdünya Ticarət Təşkilatı, Beynəlxalq Valyuta Fondu, Ümumdünya Əqli Mülkiyyət Təşkilatı və Dünya Bankı qrupu kimi beynəlxalq təşkilatların əməkdaşları istifadə edir. Sənəd Birləşmiş Millətlər Təşkilatının işçi dilləri olan ingilis və fransız dillərində yazılıb.
Birləşmiş Millətlər Təşkilatının pasportu (BMTP) milli pasport kimi istifadə edilə bilən etibarlı səyahət sənədidir (yalnız rəsmi missiyalarda səyahətlə əlaqədar).
Əksər məmurlara hüquqi statusuna görə xidməti pasporta bənzəyən mavi rəngdə olan BMT pasportu (D-1 səviyyəsinə qədər), qırmızı rəngdə BMT pasportu isə yüksək vəzifəli şəxslərə verilir (D-2 və yuxarı). Bu diplomatik pasport sahibinin statusuna oxşar statusdur.
Məlumat səhifəsində pasport sahibinin fotoşəkili, haqqında məlumatlar, adi pasporta bənzər yaşayış icazələri var:
- Fotoşəkil
- Sənədin növü
- BMT təşkilatının kodu
- Nömrəsi
- Soyadı
- Adı
- Vəzifəsi
- Doğum tarixi
- Cinsi
- Rəsmi nümayəndə
- Buraxılış tarixi
- İstifadə müddəti
- Səlahiyyətli orqan
- İmza
Pasportun birinci sətrində səyahət sənədinin növünü göstərən hərf, ardınca adətən pasport sahibinin vətəndaşlığı üçün istifadə olunan kod var.[3]
Yeni "e-UNLP" proqramı Beynəlxalq Mülki Aviasiya Təşkilatı tərəfindən müəyyən edilmiş beynəlxalq standartlara tam uyğundur. Proqrama bioçip texnologiyasının istifadəsi, üzün tanınması və pasport sənədləri üçün ciddi foto standartların tətbiqi daxildir. Müqavilənin bitməsindən asılı olmayaraq beş illik müddətə verilir və himayəsində olan şəxsləri ehtiva etmir. Yeni e-UNLP proqramına görə etibarlılıq müddəti uzadılmır və əlavə viza səhifələri əlavə edilə bilməz.
Birləşmiş Millətlər Təşkilatında işləyən və ya ona bağlı olan bəzi kateqoriyalar, məsələn, xoşməramlı səfirlər, sülh elçiləri, BMT təşkilatları, fondları və proqramlarının məsləhətçiləri, BMT üzrə ekspertlər BMT Pasportu almaq hüququna malik deyillər. Bununla belə, BMT-nin immunitet və imtiyazları haqqında Konvensiyasının 22-ci bölməsinə uyğun olaraq, BMT-da ekspert kimi təyin edilmiş şəxslərə BMT sertifikatı verilə bilər ki, bu da hüquqi səyahət sənədi deyil, lakin onun sahibinin BMT və ya əlaqədar təşkilatın adından rəsmi işgüzar səfər etdiyini təsdiq etməyə xidmət edir.[5]
- ↑ "Convention on the privileges and immunities of the United Nations" (PDF). United Nations (ingilis və fransız). 13 fevral 1946. 13 oktyabr 2021 tarixində arxivləşdirilib (PDF). İstifadə tarixi: 10 mart 2022.
- ↑ Münch, Wolfgang; Tang, Guangting; Wynes, M. Deborah. "Review of the Management of the United Nations Laissez-passer" (PDF) (ingilis). Joint Inspection Unit, United Nations. 2005. 27 oktyabr 2020 tarixində arxivləşdirilib (PDF). İstifadə tarixi: 9 mart 2022.
- ↑ "Part 2 — Specifications for the Security of the Design, Manufacture and Issuance of MRTDs" (PDF). Doc 9303: Machine Readable Travel Documents (ingilis) (8th). International Civil Aviation Organization. 2021. ISBN 978-92-9265-319-4. LCCN 2008200406. 27 avqust 2021 tarixində arxivləşdirilib (PDF). İstifadə tarixi: 10 mart 2022.
- ↑ "Apply for an Electronic Travel Authorization (eTA)" (ingilis). Government of Canada. 9 mart 2022. 10 mart 2022 tarixində arxivləşdirilib. İstifadə tarixi: 9 mart 2022.
- ↑ "Guide to the Issuance of UN Travel Documents" (PDF). United Nations Development Programme (ingilis). Office of Central Support Services, Department of Management, United Nations. iyul 2012. 10 mart 2022 tarixində arxivləşdirilib (PDF). İstifadə tarixi: 9 mart 2022.