Bordo kafedralı, rəsmi olaraq Bordo Müqəddəs Andrey Primatial Kafedralı (fransızca: Cathédrale-Primatiale Saint-André de Bordeaux) — Müqəddəs Andreyə həsr olunmuş və Fransanın Bordo şəhərində yerləşən Katolik kilsəsidir. Bordo Arxiyepiskopunun yeridir. 1998-ci ildə UNESCO, Fransadakı Santyaqo de Kompostela Yollarını, Bordo'nun üç əsas kilsəsi olan Müqəddəs Severinus bazilikası, Müqəddəs Maykl bazilikası və Müqəddəs Andrey kafedralını da daxil edərək Ümumdünya İrsi Siyahısına daxil etdi.
| katolisizm | |
| Bordo kafedralı | |
|---|---|
| cathédrale Saint-André | |
 | |
 | |
| Həsr olunub | Həvari Andrey |
| Ölkə | |
| Üslubu | qotika |
| cathedrale-bordeaux.fr | |
 Vikianbarda əlaqəli mediafayllar | |
Müqəddəs Andrey kilsəsi haqqında ilk dəfə Bordo'da 814-cü ilə aid Karolinqlər dövrünə aid sənədlərdə qeyd edilmişdir. Bu kilsə, ehtimal ki, köhnə kastrum və ya Roma qalalı şəhərində yerləşən Bordo Müqəddəs Severinus bazilikası və Notre-Dame-de-la-Place daxil olmaqla kilsələr qrupunun bir hissəsi idi. 1096-cı ildə Akvitaniya Hersoqu IX Uilyamın kanselyariyasından bir sənəddə daha rəsmi şəkildə görünür. Həmin il Papa II Urban tərəfindən rəsmi olaraq təqdis edilmişdir.[3] XI və XII əsrlərdə Romanesk kilsəsi, Santiaqo-de-Kompostela ziyarətinə qatılan zəvvarları cəlb etmək üçün qonşu kilsəsi olan Bordo Müqəddəs Sevrinus ilə uzun bir rəqabətə girmişdir. Müqəddəs Severinusun Bordo Kafedralında olmayan şeylər var idi: Müqəddəs Jakın yoldaşlarının qalıqları, eləcə də Böyük Karl tərəfindən oraya qoyulmuş Rolandın olifantı və ya ov boynuzu. Lakin, Müqəddəs Andrey tədricən nüfuz qazandı və Akvitaniyanın aparıcı kilsəsi oldu. Bu vaxta qədər Burj kafedralı Arxiyepiskopunun yurisdiksiyası altında idi, lakin Papa IV Klementin dövründə Müqəddəs Andrey birbaşa Roma ilə əlaqə qurmağa başladı. Eyni zamanda Ajen, Perigyo, Anqulem və Sentdəki kilsələr üzərində də yurisdiksiya qazandı.[3]
- ↑ 1 2 base Mérimée (fr.). ministère de la Culture, 1978.
- ↑ 1 2 ArchINFORM (alm.). 1994.
- ↑ 1 2 Araguas, 2001. səh. 7