Cəmilə Kərimova (tam adı: Cəmilə Rüstəm qızı Kərimova; 30 oktyabr 1991-ci il, Bakı şəhəri) — Azərbaycan balerinası, pedaqoq, Adı Azərbaycanın gənc istedadlarının “Qızıl kitabı”na yazılmış və Azərbaycan Respublikası Prezidentinin xüsusi təqaüdünə layiq görülüb (2007),“Humay” Milli Mükafatına layiq görülmüşdür (2019), Azərbaycan Respublikasının Prezident Təqaüdçüsü (2019, 2020, 2021), Azərbaycan Respublikasının Əməkdar Artisti fəxri adına layiq görülmüşdür (2019), Azərbaycan Teatr Xadimləri İttifaqının "Sənətkar" medalına layiq görülmüşdür (2021), 2019-cu ildən etibarən Bakı Xoreoqrafiya Akademiyasının dissertantıdır. 2009-cu ildən Azərbaycan Dövlət Akademik Opera və Balet teatra balet artisti vəzifəsinə işə qəbul olundu və 2018-ci ildən etibarən aparıcı səhnə ustası vəzifəsində işləyir.
| Cəmilə Kərimova | |
|---|---|
 | |
| Doğum tarixi | |
| Doğum yeri | Bakı, Azərbaycan |
| Vətəndaşlığı |
 Azərbaycan |
| Fəaliyyəti | balerina, pedaqoq |
| Təhsili |
• 160 nömrəli Klassik Gimnaziya (1998-2002) • Bakı Xoreoqrafiya Akademiyası, magistr pilləsi (2018) |
| Teatr | Azərbaycan Dövlət Akademik Opera və Balet Teatrı (2009) |
| Mükafatları |
   |
Cəmilə Kərimova 30 oktyabr 1991-ci ildə Bakı şəhərində anadan olmuşdur. İlk təhsilini 1998-2002-ci illərdə 160 №-li Klassik Gimnaziyada oxuyub. 2002-ci ildə Bakı xoreoqrafiya məktəbinə Azərbaycan Respublikasının Əməkdar müəllim Roza Hacıyevanın sinifinə daxil olmuşdur. 2003-ci ildə "Gənc xoreoqraf" adlı müsabiqədə birinci yerə layiq görülmüşdür. 2005-ci ildə Azərbaycan Respublikasının Xalq artisti, "Şöhrət" ordenli Tamilla Şirəliyeva sinifinə daxil olmuşdur. 2006-ci ildə Azərbaycan Respublikasının Rusiya Federasiyasındakı səfirliyinin Moskvada təşkil etdiyi konsertdə iştirak etmişdir. 2007-ci ildə Sankt-Peterburqda keçirilən "Dance Open" 6-cı Beynəlxalq Balet Festivalında iştirak etmişdir. Həmin ildə Azərbaycan Respublikası Prezidentinin xüsusi təqaüdünə layiq görülmüş və adı Azərbaycanın gənc istedadlarının "Qızıl kitabı"na yazılmışdır. 2009-cu ildə Moskvada keçirilən M.T.Semyonova adına 9-сu balet artistləri və xoreoqrafların Beynəlxalq Müsabiqəsində iştirak etmişdir və eyni ildən Azərbaycan Dövlət Akademik Opera və Balet Teatra balet artisti vəzifəsinə işə qəbul olmuşdur. 2018-ci ildən etibarən orada aparıcı səhnə ustası vəzifəsində işləmişdir. 2010-2011-ci tədris ilində Sankt Pölten Konservatoriyasında təhsil almağa layiq görülmüşdür.[1] 2010-cu ildə Avstriya S-Polten şəhərin Balet Konservatoriyasının rəhbəri cənab M.Fixtenbaumun dəvəti ilə xüsusi konsert proqramında iştirak etmişdir. Həmin ildə Bakı xoreoqrafiya məktəbini fərqlənmə diplomu ilə bitirmiş, Azərbaycan Respublikasının Mədəniyyət və Turizm Nazirliyin dəstəyi ilə Moskva Dövlət Xoreoqrafiya Akademiyasına birillik ixtisasartırma kursuna daxil olmuş və 2011-ci ildə həmin kursu fərqlənmə sertifikatı ilə bitirmişdir. 2012-ci ildə truppanın tərkibində Belarus Respublikasına (Minsk şəhəri) qastrol səfərində iştirak etmişdir. 2015-ci ildə Azərbaycan Dövlət Mədəniyyət və İncəsənət universitetin "Aktyor sənəti" fakültəsi "Xoreoqrafiya ixtisası" üzrə fərqlənmə diplomu ilə bitirmişdir. 2016-cı ildə Qəmər Almas-zadə adına Birinci Beynəlxalq Klassik və Milli Rəqs Müsabiqəsinin Qran-Pri mükafatına layiq görülmüşdür. 2016-cı ildə Astanada (Qazaxıstan) keçirilən 3-cü Beynəlxalq Balet Müsabiqəsində iştirak etmişdir. 2018-ci ildə Bakı Xoreoqrafiya Akademiyasının magistr pilləsini “Xoreoqrafiya sənətinin tarixi və nəzəriyyəsi” ixtisası üzrə fərqlənmə diplomu ilə bitirmişdir. 2019-cu ildən etibarən Bakı Xoreoqrafiya Akademiyasının dissertantıdır.
Evlidir. Bir övladı var.
- 2011-ci ildə — J.Bize "Arlezianka" – Vivetta (birinci ifaçısı)
- 2012-ci ildə — P.Çaykovski “Qu gölü” - Odetta-Odiliya
- 2012-ci ildə — D.Şostakoviç "Xanım və Xuliqan" – Xanım [2]
- 2014-cü ildə — L.Minkus “Paxita” - Paxita [3]
- 2014-cü ildə Fransada “UNESCO” da və Avstriyanın Strasburq şəhərində F.Qarayevin “Qobustan kölgələri” baletin nümayişində iştirak etdi.
- 2015-ci ildə — O.Zülfüqarov "Sehirli alma" – Qız (birinci ifaçısı)
- 2015-ci ildə — F.Əmirov “Min bir gecə” – Şəhrizad
- 2015-ci ildə — F.Qarayev “Qobustan kölgələri” – Rəssam
- 2016-cı ildə — Q.Qarayev “Yeddi gözəl” – Bizans qözəli
- 2016-cı ildə — Ə.Abbasov "Qaraca qız" – Qaraca qız (birinci ifaçısı)
- 2016-cı ildə — İ.Ştraus "Düyməcik" – Şahzadə Düyməcik
- 2016-cı ildə — Q.Qarayev “Don Kixot” - Dulsineya
- 2016-cı ildə — A.Pyatsolla "Məhəbbət tanqosu" – Laura
- 2017-ci ildə “Bir əsgər hekayəsi” tamaşasında “Şəhzadə” obrazda çıxış etdi.
- 2017-ci ildə Feansada “UNESCO”da F.Əlizadənin “"Nəsimiyə ithaf" – vokal-xoreoqrafik tamaşada “Mələk” obrazını canlandırmışdır.
- 2017-ci ildə — A.Adan “Jizel” – Jizel[4]
- 2017-ci ildə — F.Əmirov “Min bir gecə” – Nuridə
- 2017-ci ildə — J.Bize-R.Şedrin “Karmen-süita” – Karmen
- 2017-ci ildə — A.Əlizadə “Ümid valsı” – Səlminaz
- 2017-ci ildə — N. Əliverdibəyov “Muğam” – solist
- 2018-ci ildə — P.Çaykovski “Şelkunçik” - Maşa
- 2018-ci ildə — Q.Qarayev “Leyli və Məcnun” – Leyli
- 2018-ci ildə — T.Bakıxanov “Xəzər balladası” - Qağayı
- 2018-ci ildə — Ə.Bədəlbəyli “Qız qalası” - Gülyanaq
- 2018-ci ildə — L.Minkus “Dox Kixot” – Kitri
- 2018-ci ildə — Q.Qarayev, F.Qarayev "Qoyya" – Kaetana Alba
- 2018-ci ildə — M.Ravel “Bolero” - Solist
- 2019-cu ildə — F.Şubert "Dahi hekayəçi" – Düyməcik (birinci ifaçısı)
- 2019-cu ildə — P.Bülbüloğlu “Eşq və ölüm” – Baycan
- 2019-cu ildə — F.Əmirov “Nəsimi” – Od (birinci ifaçısı)
- 2019-cu il oktyabrın 12-də Azərbaycan Dövlət Akademik Opera və Balet Teatrında görkəmli rus bəstəkarı Nikolay Rimski-Korsakovun musiqisi əsasında səhnələşdirilmiş "Şəhrizad" baletinin tamaşası baş tutmuş və Zübeydə rolunu ilk dəfə balet truppasının aparıcı solisti, Əməkdar artist Cəmilə Kərimova ifa etmişdir.[5]
- 2021-ci ildə — F.Əmirov “Nizami” – Nuşabə (birinci ifaçısı)
- 2021-ci ildə — T.Bakıxanov “Xeyir və Şər” - Xeyir
- 2022-ci ildə — A.Əlizadə “Babək” – Alnisə (birinci ifaçısı)
- 2016-cı ildə Qəmər Almas-zadə adına Birinci Beynəlxalq Klassik və Milli Rəqs Müsabiqəsinin Qran-Pri mükafatına layiq görülmüşdür.
- 2018-ci il və 2019-cu ildə uğurlu fəaliyyətinə qörə gənclər mükafatına layiq görülmüşdür.
- 2019-cu ildə “Humay” Milli Mükafatına layiq görülmüşdür.
- 2019, 2020 və 2021-ci illərdə Azərbaycan Respublikasının Prezident Təqaüdünə layiq görülmüşdür.
- 2019-ci ildə “Azərbaycan Respublikasının Əməkdar Artisti” fəxri adına layiq görülmüşdür.[6]
- 2021-ci ildə Azərbaycan Teatr Xadimləri İttifaqının "Sənətkar" medalına layiq görülmüşdür.[7]
- ↑ Elgün Niftəliyev. "AZƏRBAYCANLI BALERİNA AVSTRİYADA TƏHSİL ALACAQDIR". https://azertag.az/ (az.). AZƏRTAC. 11.05.2010. İstifadə tarixi: 14 yan 2026.
- ↑ "Afişa 15-19 iyun (1)". https://medeniyyet.info.az/ (az.). 15-06-2012. 14.01.2026 tarixində arxivləşdirilib. İstifadə tarixi: 14 yan 2026.
- ↑ "Afişa 10-14 oktyabr - 1". https://medeniyyet.info.az (az.). 10-10-2014. 14.01.2026 tarixində arxivləşdirilib. İstifadə tarixi: 14 yan 2026.
- ↑ "Cəmilə Kərimova tamaşaçıları heyran etdi". https://olaylar.az (a). 27 Mart 2017. 14.01.2026 tarixində arxivləşdirilib. İstifadə tarixi: 14 yan 2026.
- ↑ ""Şəhrizad" baletində Zübeydə rolunu Cəmilə Kərimova ifa edəcək". https://apa.az (az.). 02 oktyabr 2019. 14.01.2026 tarixində arxivləşdirilib. İstifadə tarixi: 14 yan 2026.
- ↑ "Azərbaycanın mədəniyyət xadimlərinə fəxri adların verilməsi haqqında Azərbaycan Prezidentinin Sərəncamı". https://e-qanun.az. 2019.07.19 tarixində arxivləşdirilib. İstifadə tarixi: 22.08.2022.
- ↑ "Cəmilə Kərimova "Sənətkar" medalına layiq görülüb". https://sia.az. Sia. 31 Mart 2021. 14.01.2026 tarixində arxivləşdirilib. İstifadə tarixi: 14 yanvar 2026.
- Микеладзе Галина Алекперовна. Панорама Азербайджана: Кн.1 (az.). Баку: Адильоглы. 2015. səh. 778. ISBN 978-9967-32-125-0.
- Газета «Каспий» (26 мая 2016) Возрождение «Чернушки» Рая Аббасова.
- Газета «Каспий» (16 февраля 2019) Торжество жизни. Рая Аббасова.
- Рая Аббасова. "Тохфа Бабаева & Джамиля Керимова: откровенный разговор". https://kaspiy.az (az.). 16 февраля 2019. 14.01.2026 tarixində arxivləşdirilib. İstifadə tarixi: 14 yan 2026.
- «Балет Азербайджана» Галина Микеладзе.
- Гусейнова А.Б. Азербайджанский балетный спектакль: генезис и синтез искусств. Баку: Европа. 2020.
- "Bütün günü, hər yerdə Leyliyəm" (PDF). Kaspi (Mədəniyyət): səhifə 15.