CS50 (ing. Computer Science 50, azərb. Kompüter Elmləri 50) — Harvard Universiteti və Yel Universitetində tədris olunan kompüter elmləri üzrə kampus əsaslı onlayn giriş kursu. 2016-cı ildə CS50 ali məktəb tələbələri üçün TY Kompüter Elmləri kursu kimi təqdim olundu. Kursun əyani forması 800 tələbə, 102 əməkdaş və müntəzəm hakatonlarında 2200-ə qədər iştirakçı ilə Harvardın ən böyük sinfini təşkil edir.[1][2]
Kurs materialı EdX platformasında ödənişsiz onlayn formatda əlçatandır, lakin sertifikatlaşdırma ödənişli əsaslarla həyata keçirilir. 2022-ci ildən etibarən CS50x kimi adlandırılan bu onlayn versiya, C, Python, SQL, HTML, CSS və JavaScript dillərini öyrətməkdədir. O, həmçinin massivlər və verilənlər strukturları və Flask freymvörkü daxil olmaqla fundamental kompüter elmi anlayışlarını öyrədir.[3] Kurs proqramının 2021-ci il yenilənməsi ilə kiber təhlükəsizlik, süni intellekt və texnologiya etikası olmaqla 3 yeni mühazirə əlavə olundu.[4]
Aparıcı təlimatçı Harvard professoru David Malandır.[5] CS50-nin keçmiş üzvü Brayan Yu[6] mühazirəçilərdən biridir.[7] Facebook-un həmtəsisçisi Mark Zukerberq və Microsoft-un keçmiş baş icraçı direktoru Stiv Balmer qonaq məruzəçi qismində mühazirələrlə çıxış ediblər.[8][9]
Mühazirələr qeyd olunur və iTunes U, EdX və YouTube daxil olmaqla bir neçə xidmətə yüklənir. Professorlar və könüllü tələbələrlə əlavə video əlavələr çəkilir. Problem dəstləri və ya qısaca "psetlər" adlanan kurs sualları həm PDF, həm də HTML formatında mövcuddur. Tələbələr problem dəstinin cavablarını yükləyə bilər və bəzi suallar avtomatlaşdırma ilə qiymətləndirilir. Tələbələr həmçinin buludda kodlarını yoxlamaq üçün xüsusi proqram təminatından istifadə edə bilərlər. 2016-cı ildə CS50 tələbələrə bütün mühazirələri tamamilə virtual reallıqda izləmək imkanı təklif edən ilk universitet kursu oldu.[10] 2022-ci ildə kurs CS50 IDE-dən GitHub kod sahələrinə əsaslanan VS Kod veb əsaslı versiyasına keçdi və indi kurslar 4K HDR və SDR-də mövcuddur.[11]
CS50 aşağıdakılar da daxil olmaqla bir neçə əlavə kurs təqdim edir:
- Veb Proqramlaşdırma üçün CS50 Kompüter Elmləri — HTML, CSS və JavaScript, həmçinin Flask və Django daxil olmaqla freymvörklərə daha dərin baxış.[12]
- CS50-nin Python ilə Süni İntellektə Giriş — axtarış alqoritmləri, maşın öyrənməsi və süni intellekti əhatə edir.[13]
- CS50-nin Oyun İnkişafına Giriş — Unity və Löve 2D oyun mühərriklərini, həmçinin 2D və 3D oyun prinsiplərini öyrədir.[14]
CS50 həmçinin proqramlaşdırmaya yeni başlayan və texnologiya haqqında daha çox öyrənmək istəyən insanlar üçün də kurslar təklif edir.
- CS50-nin Scratch ilə Proqramlaşdırmaya Giriş — Proqramçı namizədlərin qrafik blokları sürükləyib ataraq kod yaza biləcəyi vizual proqramlaşdırma dili olan Scratch istifadə edərək proqramlaşdırmaya giriş.[15]
- CS50-nin Texnologiyanı Anlamaq — aparat təchizatı, internet və multimedia kimi əsas texnologiya anlayışlarını əhatə edir.[16]
- CS50-nin Hüquqşünaslar üçün Kompüter Elmlərinə Giriş[17]
CS50 Azərbaycanda rəsmi olaraq Coders Azerbaijan tərəfindən tədris olunur.[18] Tədris ödənişsiz əsaslarla aparılır.[19] Proqrama Xəzər Universiteti[20] və UNEC[21] cəlb olunub.
- ↑ Pappano, Laura. "10 Courses With a Twist". The New York Times. 26 fevral 2019 tarixində arxivləşdirilib. İstifadə tarixi: 4 may 2014.
- ↑ Farrell, Michael. "Computer science course fills seats, needs at Harvard". The Boston Globe. 29 oktyabr 2018 tarixində arxivləşdirilib. İstifadə tarixi: 21 iyun 2022.
- ↑ "CS50x 2021". cs50.harvard.edu (ingilis). 2 sentyabr 2022 tarixində arxivləşdirilib. İstifadə tarixi: 25 mart 2021.
- ↑ "What's new for 2021? - CS50x 2021". cs50.harvard.edu (ingilis). 7 aprel 2022 tarixində arxivləşdirilib. İstifadə tarixi: 25 mart 2021.
- ↑ Orbey, Eren. "How Harvard's Star Computer-Science Professor Built a Distance-Learning Empire". The New Yorker. 24 fevral 2022 tarixində arxivləşdirilib. İstifadə tarixi: 21 iyun 2022.
- ↑ "Brian Yu's web page". brianyu.me (ingilis). 21 iyun 2022 tarixində arxivləşdirilib. İstifadə tarixi: 21 iyun 2022.
- ↑ Feldt, Brian. "LaunchCode hackathon to feature global computer science educator". St. Louis Business Journal. 11 mart 2014. 14 sentyabr 2017 tarixində arxivləşdirilib. İstifadə tarixi: 4 may 2014.
- ↑ "CS50 Guest Lecture by Mark Zuckerberg". Harvard University. 31 mart 2019 tarixində arxivləşdirilib. İstifadə tarixi: 21 iyun 2022.
- ↑ "CS50 Guest Lecture by Steve Ballmer". Harvard University. 21 iyun 2022 tarixində arxivləşdirilib. İstifadə tarixi: 21 iyun 2022.
- ↑ Fahs, C. Ramsey. "CS50 Moves Away from Traditional Lectures, Toward Virtual Reality". The Crimson. 31 avqust 2016. 31 may 2022 tarixində arxivləşdirilib. İstifadə tarixi: 21 iyun 2022.
- ↑ "What's new for 2022? - CS50x 2022". cs50.harvard.edu (ingilis). 25 iyun 2022 tarixində arxivləşdirilib. İstifadə tarixi: 19 fevral 2022.
- ↑ "Computer Science for Web Programming Professional Certificate". edX (ingilis). 13 iyul 2022 tarixində arxivləşdirilib. İstifadə tarixi: 25 mart 2021.
- ↑ "Computer Science for Artificial Intelligence Professional Certificate". edX (ingilis). 21 iyun 2022 tarixində arxivləşdirilib. İstifadə tarixi: 25 mart 2021.
- ↑ "Computer Science for Game Development Professional Certificate". edX (ingilis). 21 iyun 2022 tarixində arxivləşdirilib. İstifadə tarixi: 25 mart 2021.
- ↑ "CS50's Introduction to Programming with Scratch". cs50.harvard.edu (ingilis). 21 iyun 2022 tarixində arxivləşdirilib. İstifadə tarixi: 21 iyun 2022.
- ↑ "CS50's Understanding Technology". cs50.harvard.edu (ingilis). 27 avqust 2022 tarixində arxivləşdirilib. İstifadə tarixi: 21 iyun 2022.
- ↑ "CS50's Computer Science for Lawyers". cs50.harvard.edu (ingilis). 8 aprel 2022 tarixində arxivləşdirilib. İstifadə tarixi: 19 fevral 2022.
- ↑ Hello, World - CS50x Coders Azerbaijan (ingilis), 1 sentyabr 2022 tarixində arxivləşdirilib, İstifadə tarixi: 21 iyun 2022
- ↑ ""CS50x" tədris proqramı "Coders Azerbaijan" tərəfindən tədris olunacaq". coders.edu.az. 4 iyul 2023 tarixində arxivləşdirilib. İstifadə tarixi: 21 iyun 2022.
- ↑ "CS50x proqramının tədrisinə ilk olaraq Xəzər Universitetində başlanılacaq". coders.edu.az. 21 iyun 2022 tarixində arxivləşdirilib. İstifadə tarixi: 21 iyun 2022.
- ↑ ""CS50x" proqramı Azərbaycan Dövlət İqtisad Universitetində". coders.education. 4 iyul 2023 tarixində arxivləşdirilib. İstifadə tarixi: 21 iyun 2022.