Cabir Qorxmaz oğlu İmanov (22 iyun 1976, Bakı – 29 sentyabr 2025[2], Səbail rayonu[2]) — Azərbaycan aktyoru, "Parni iz Baku" KVN komandasının üzvü, Azərbaycan Respublikasının əməkdar artisti (2015).
| Cabir İmanov | |
|---|---|
| Cabir Qorxmaz oğlu İmanov | |
![Azərbaycanın mədəniyyət və incəsənət xadimlərinin bir qrupunun Prezident İlham Əliyev və birinci xanım Mehriban Əliyeva ilə görüşü zamanı (1 mart 2019-cu il)[1]](/?q=Fayl:Cabir_İmanov_01.03.2019.jpg) Azərbaycanın mədəniyyət və incəsənət xadimlərinin bir qrupunun Prezident İlham Əliyev və birinci xanım Mehriban Əliyeva ilə görüşü zamanı (1 mart 2019-cu il)[1] | |
| Doğum tarixi | 22 iyun 1976 |
| Doğum yeri | |
| Vəfat tarixi | 29 sentyabr 2025[2] (49 yaşında) |
| Vəfat yeri | |
| Vəfat səbəbi | ürək tutması |
| Dəfn yeri | |
| Milliyyəti | azərbaycanlı |
| Vətəndaşlığı |
 SSRİ→ Azərbaycan |
| Atası | Qorxmaz İmanov |
| Fəaliyyəti | televiziya aktyoru, kino aktyoru, kinorejissor, film prodüseri, bəstəkar, rejissor |
| Təhsili |
|
| Mükafatları |
          |
| IMDb | ID3108085 |
 Vikianbarda əlaqəli mediafayllar | |
Cabir İmanov 22 iyun 1976-cı ildə Bakı şəhərində anadan olub. 1983–1993-cü illərdə Bakı şəhəri 189 saylı məktəbdə oxuyub. 1993-cü ildə Azərbaycan Dövlət İqtisad İnstitutuna qəbul olub və 1997-ci ildə həmin institutu bitirib. 1997–1998-ci illərdə Azərbaycan Respublikası Daxili İşlər Nazirliyinin Daxili Qoşunlarında həqiqi hərbi xidmət keçib. 1999-cu ildə Bakı Dövlət Universitetinin hüquq fakültəsinə qəbul olub və 2003-cü ildə həmin universiteti bitirib. İxtisasları: İqtisadçı, hüquqşünas. 1999–2018-ci illərdə Daxili İşlər Nazirliyində müxtəlif vəzifələrdə işləyərək, polis polkovnik-leytenantı rütbəsinə qədər yüksəlmişdir. DTX Mədəniyyət mərkəzinin rəisi olub.
1992–2001-ci illərdə "Parni iz Baku" KVN komandasının üzvü olub 1992-ci ildə KVN çempionu, 1995-ci ildə KVN Yay Kubokunun sahibi və 2000-ci ildə KVN "Əsrin Çempionu" olmuşdur.
2001-ci ildən "Planet Parni iz Baku" KVN Teatrının aktyorudur. 14 sentyabr 2015-ci il tarixdə Azərbaycanın əməkdar artisti fəxri adına layiq görülmüşdür.[3] 16 oktyabr 2021-ci il tarixdə Azərbaycan mədəniyyətinin inkişafında xidmətlərinə görə "Tərəqqi" medalı ilə təltif olunmuşdur.[4]
2020-ci ildə "BYJABA Handmade in Azerbaijan" brendini yaratmışdır. Brend xüsüsən əl işlərindən ibarət milli üslubda məhsulların istehsalı və satışı ilə məşğul olur.
29 sentyabr 2025-ci ildə vəfat etmişdir. Aktyor Səbail rayonu Üzeyir Hacıbəyli küçəsində yerləşən idman zalında infarkt keçirmişdir. Hadisə yerinə təcili tibbi yardım briqadası çağırılsa da, 49 yaşlı aktyor vəfat etmişdir.[5] Yasamal qəbiristanlığında dəfn edilib.[6]
İki dəfə evlənib, dörd övladı var. İkinci dəfə Zara İmanova ilə evlənib. O, iqtisad elmləri doktoru Qorxmaz İmanovun oğlu, aktyor Tahir İmanovun qardaşı və bəstəkar Süleyman Ələsgərovun nəvəsidir.[7][8][9][10]
- Azərbaycan Respublikasının əməkdar artisti
- "Tərəqqi" medalı
- "Daxili işlər orqanlarında qüsursuz xidmətə görə" 2-ci dərəcəli medalı
- "Daxili işlər orqanlarında qüsursuz xidmətə görə" 3-cü dərəcəli medalı
- "Azərbaycan Respublikası dövlət təhlükəsizliyi və xarici kəşfiyyat orqanlarının 100 illiyi" yubiley medalı
- "Azərbaycan Respublikasının xüsusi rabitə və informasiya təhlükəsizliyi orqanlarının 30 illiyi (1993–2023)" yubiley medalı
- "Qüsursuz xidmətə görə" 1-ci dərəcəli medalı
- "Azərbaycan Polisinin 95 illiyi" yubiley medalı
- "Azərbaycan Polisinin 100 illiyi" yubiley medalı
- "Hərbi xidmətlərə görə" medalı
- Etimad telefonu (film, 2001) — Tahir
- Bir anın həqiqəti (film, 2003) — Əkbər Usubov
- Məhəllə (film, 2003) — Elşən (Eliş)
- Məhəllə 2 Moskvada (film, 2004) — Elşən (Eliş)
- Tam məxfi (film, 2004) — İsrafil
- Məşədi İbad-94 (film, 2005)—Qoçu
- Qorxma, mən səninləyəm! 1919 (film, 2013)
- Bir kəndin sevinci (serial 2012)-serjant
- Ölülər XXI əsr (film, 2016)
- Ağanatiq (film, 2017) — Ağanatiq
- Bəxt üzüyü 2 (film, 2017)
- Məhəllə 3 (film, 2019) — Elşən (Eliş)
- Ağanatiq 2 (film, 2021) — Ağanatiq
- ↑ İlham Əliyev və birinci xanım Mehriban Əliyeva mədəniyyət və incəsənət xadimlərinin bir qrupu ilə görüşüblər Arxivləşdirilib 2023-06-28 at the Wayback Machine. president.az, 01.03.2019
- ↑ 1 2 3 4 Əməkdar artist Cabir İmanov vəfat etdi.
- ↑ "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı". 17 sentyabr 2015 tarixində arxivləşdirilib. İstifadə tarixi: 14 sentyabr 2015.
- ↑ Hüquqi Aktların Dövlət Reyestri. "Azərbaycan Respublikasının mədəniyyət xadimlərinin təltif edilməsi haqqında" 16 oktyabr 2021-ci il tarixli 2964 №-li Prezident Sərəncamı". e-qanun.az. İstifadə tarixi: 30 sentyabr 2025.
- ↑ "Cabir İmanov vəfat etdi". Axar.Az. 29 sentyabr 2025.
- ↑ Əməkdar artist Cabir İmanov dəfn edildi
- ↑ 49 yaşında qəfil vəfat edən polkovnik, Əməkdar artist Cabir İmanovun HƏYAT HEKAYƏSİ
- ↑ Tahir və Cabir İmanovlar mərhum babalarının sözündən niyə çıxdılar?
- ↑ Cabir İmanov KİMDİR? — Polkovnik-leytenant, "KVN"çi…
- ↑ Cabir İmanovun həyat yoldaşı görün kim imiş
- "İqbal Ağazadə Cabir İmanovla bağlı çıxışına aydınlıq gətirdi". Axar.Az. 30 sentyabr 2025. İstifadə tarixi: 1 oktyabr 2025.