Cahangir Bağırov və ya Vladimir Bağırov (6 oktyabr 1919, Həştərxan – 5 iyun 1943, Oboyan, Kursk vilayəti) — SSRİ təyyarəçisi, "Lenin" ordeni laureatı.
| Cahangir Bağırov | |
|---|---|
 | |
| Doğum tarixi | 6 oktyabr 1919 |
| Doğum yeri |
|
| Vəfat tarixi | 5 iyun 1943 (23 yaşında) |
| Vəfat yeri |
|
| Dəfn yeri | |
| Atası | Mircəfər Bağırov |
| Təhsili |
|
| Fəaliyyəti | hərbi qulluqçu |
| Mükafatları |
 |
 Vikianbarda əlaqəli mediafayllar | |
Mircəfər Bağırovun böyük oğlu Cahangir, atasının Həştərxanda işlədiyi dövrdə ailə qurduğu zadəgan mənşəli Mariya ilə nikahından 6 oktyabr 1919-cu ildə anadan olmuşdur.[1] 1926-cı ildə anası vəfat etmişdir.
Cahangir 1938-ci ildə Bakı aeroklubundan məzun olub. Eysk hərbi-dəniz məktəbində və Taşkənt hərbi məktəbində oxuyub. İkinci dünya müharibəsində Hərbi Hava Qüvvələrində leytenant rütbəsində qırıcı təyyarəçi olaraq iştirak edib. Moskva ətrafı döyüşlərdə iştirak edib. 1942-ci ildə Serpuxov ətrafındakı döyüşdə yaralanıb.[2] 1 il sonra yaralı halda tərxis olunub. Cahangir müharibəyə yararsız olmasına baxmayaraq, yenidən müharibəyə gedib.[3] 40-cı qırıcı hava qüvvələri qvardiyasında (2-ci Hava Qüvvələri Ordusu, 8-ci qırıcı hava diviziyası, Voronej cəbhəsi) döyüşüb.[2]
5 iyun 1943-cü ildə Obayan aerodromu yaxınlığında[2] qeyri-bərabər döyüşdə 7–8 alman təyyarəsini vurub, sonda yanacağı qurtardığı üçün tarana gedib və təyyarəsini alman təyyarəsinə çırpıb.[4] Cahangirə vəfatından sonra "Lenin" ordeni veriblər.[5] Şəhidin cənazəsi Həzi Aslanovun köməkliyi ilə Bakıya gətirilərək Yasamal qəbiristanlığında dəfn edilib.[4] Kalininlə mübahisə edən atası Mircəfər Bağırov oğlunun Sovet İttifaqı Qəhrəmanı olmamasının tərəfdarı olub. Hazırda Cahangirin qəbri anası Mariya xanımın qəbrinin yanındadır.[3]
SSRİ Ali Sovetinin 11 iyun 1943-cü il tarixli əmri ilə "Lenin" ordeni ilə təltif olunmuşdur.
- ↑ Qurban, 2006. səh. 208
- ↑ 1 2 3 "Багиров Владимир Джафарович - летчик, погиб на фронте". Our Baku (rus). 25 iyun 2022 tarixində arxivləşdirilib. İstifadə tarixi: 25 iyun 2022.
- ↑ 1 2 "Məmmədtağı Bağırov: "1937-ci ildə Mircəfər Bağırovun özünü də həbs ediblər"". 8 dekabr 2009 tarixində orijinalından arxivləşdirilib. İstifadə tarixi: 16 dekabr 2010.
- ↑ 1 2 Qurban, 2006. səh. 209
- ↑ azertag.az. "Rusiya İnformasiya-Mədəniyyət Mərkəzində Böyük Vətən Müharibəsinin qəhrəmanı, qırıcı-təyyarəçi Cahangir Bağırovun xatirə gecəsi keçirilmişdir". AZƏRTAC (az.). 17 may 2012.
- Məmmədtağı Bağırov: "1937-ci ildə Mircəfər Bağırovun özünü də həbs ediblər" Arxivləşdirilib 2009-12-08 at the Wayback Machine
- Qurban, Teyyub. Düşmənlərindən güclü şəxsiyyət (PDF) (az.). Bakı: "Şirvannəşr". 2006. 584. ISBN 978-9952-34-183-6.