Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinChainsaw Man[a] – Tatsuki Fucimoto tərəfindən yazılan və illüstrasiya olunan manqa seriyası. Manqanın birinci hekayə arkı 2018-ci ilin dekabrından 2020-ci ilin dekabrına qədər "Shueisha" nəşriyyatının "Weekly Shōnen Jump" jurnalında serializasiya olunmuşdur. Manqa 2022-ci ilin iyulundan "Shueisha" nəşriyyatının "Shōnen Jump+" tətbiqi və saytında serializasiya olunur. 2025-ci ilin sentyabrına qədər 22 tankobon cildi buraxılmışdır.
| Chainsaw Man | |
 | |
| チェンソーマン (Çenso Man) | |
|---|---|
| Janr | döyüş, komediya-qorxu, qaranlıq fentezi |
| Manqa | |
| Manqaka | Tatsuki Fucimoto |
| Nəşriyyat | Shueisha |
| İmprint | Jump Comics |
| Jurnal |
|
| Demoqrafiya | şonen |
| Nəşr tarixi | 3 dekabr 2018 – hazırda |
| Cildlər | 22 (cild siyahısı) |
| Anime serialı | |
| |
| Anime filmi | |
Manqa seriyasında hadisələr insanların kollektiv qorxularından doğan iblisləri ovlamaqla vəzifələndirilmiş iblis ovçularının ətrafında cərəyan edir. Kasıb bir yeniyetmə olan Denci Mişar iblisi Poçita sayəsində onun güclərini əldə edir və bədən üzvlərini mişara çevirə bilir. O, Yaponiya üçün təhlükəli iblisləri ovlamaqla məşğul olan İctimai Təhlükəsizlik Bürosuna qoşulur. İkinci hekayə arkının əsas personajı isə Mişar-adamı ovlamaq istəyən Müharibə iblisi Yoru ilə müqavilə bağlayan Asa Mitaka adlı lisey şagirdidir.
Seriya əsasında "MAPPA" studiyası tərəfindən çəkilmiş anime serialı adaptasiyası 2022-ci ilin payızında yayımlanmışdır. "Mişar Adam. Film: Rezenin hekayəsi" adlı anime filmi adaptasiyasının premyerası 2025-ci ilin sentyabrında baş tutmuşdur. Manqa seriyası bir neçə mükafata layiq görülmüşdür: 2021-ci ildə Shogakukan Mükafatının, 2021–2023-cü illərdə isə ardıcıl üç dəfə Harvi Mükafatının qalibi olmuşdur.
Hadisələr 1990-cı illərdə SSRİ-nin hələ də mövcud olduğu alternativ dünyada baş verir. Bu dünyada insanların kollektiv qorxularından doğulmuş iblislər mövcuddur. İblis ovçularının vəzifəsi təhlükəli iblisləri ortadan qaldırmaqdır və bəzən onların güclərini əldə etmək üçün onlarla müqavilələr bağlayırlar. İnsan bədənini (adətən ölmüş olanların) ələ keçirmiş iblislər ifrit adlanır. Bəzi insanlar isə digər iblislərlə birləşərək hibridə çevrilə bilirlər. İblislər reinkarnasiya qabiliyyətinə malikdirlər, Cənnətlə Yer arasında gedib gəlirlər: bir iblis Yerdə öləndə, Cəhənnəmə qayıdır, Cəhənnəmdə öləndə Yerə qayıdır. Yeganə istisna hal Mişar iblisidir. Mişar iblisi digər bir iblisi udanda onun mövcudiyyəti tamamilə silinir. Bu səbəbdən bu dünyada Holokost, QİÇS və nüvə silahları tamamilə unudulub.
Yoxsulluq içində yaşayan yeniyetmə Denci ölmüş atasının yakuzaya olan borcunu ödəmək üçün iblis ovçusu kimi işləyir. O, Mişar iblisi olan, itəoxşar Poçitanın köməyi ilə iblisləri ovlayır. Yakuza Denciyə xəyanət edib onu Zombi iblisi ilə öldürəndə Poçita Denci ilə birləşib onu hibridə çevirir. Poçita onun sadə, adi həyat yaşamasını arzulayır. Denci sinəsindəki ipi çəkərək Mişar-adama çevrilir və yakuza ilə Zombi iblisini öldürür.
Denci daha sonra hökumətin dəstəyi ilə fəaliyyət göstərən İctimai Təhlükəsizlik Bürosunun üzvü olur. Peşəkar iblis ovçularının olduğu bu büro Makima tərəfindən idarə olunur və əsas məqsədi Silah iblisini ovlamaqdır. Denci təcrübəli iblis ovçusu Aki Hayakava və Qan iblisindən yaranmış ifrit Paver ilə komanda olur.
"Chainsaw Man" manqası Tatsuki Fucimoto tərəfindən yazılır və illüstrasiya olunur. Manqanın "İctimai təhlükəsizlik arkı" (公安編, Koan-hen?) adlı birinci hissəsi 3 dekabr 2018-ci ildən[1] 14 dekabr 2020-ci ilə qədər "Shueisha" nəşriyyatının "Weekly Shōnen Jump" jurnalında serializasiya olunmuşdur.[2] 19 dekabr 2020-ci ildə manqanın "Məktəb arkı" (学校編, Qakko-hen?) adlı, Dencinin məktəbə getdiyi ikinci hissəsi anons edilmişdir.[3] İkinci hissə 13 iyul 2020-ci ildə "Shueisha" nəşriyyatının "Shōnen Jump+" tətbiqi və saytında serializasiya olunmağa başlamışdır.[4] Manqanın ilk tankobon cildi 4 mart 2019-cu ildə buraxılmışdır.[5] 4 sentyabr 2025-ci ilə qədər 22 tankobon cildi buraxılmışdır.[6]
"MAPPA" studiyası tərəfindən istehsal olunan anime serialı adaptasiyası 12 oktyabrdan 28 dekabr 2022-ci ilə qədər yayımlanmışdır.[7][8][9]
"Mişar Adam. Film: Rezenin hekayəsi" adlı anime filmi adaptasiyasının Yaponiya premyerası 19 sentyabr 2025-ci ildə baş tutmuşdur.[10] Film Azərbaycanda 30 oktyabr 2025-ci ildə buraxılmışdır.[11]
"Chainsaw Man" manqası bir sıra mükafatlara lqyi görülmüşdür. Manqa 2021-ci ildən "Ən yaxşı şonen manqası" kateqoriyasında Shogakukan Manqa Mükafatının,[12] 2021–2023-cü illərdə ardıcıl üç dəfə "Ən yaxşı manqa" kateqoriyasında Harvi Mükafatının qalibi olmuşdur.[13][14][15]
- ↑ "Shonen Jump Magazine Launches 3 New Manga in December". Anime News Network (ingiliscə). 25 noyabr 2018. İstifadə tarixi: 1 noyabr 2025.
- ↑ "Chainsaw Man Manga Ends on December 14 With 'Important Announcement'". Anime News Network (ingiliscə). 6 dekabr 2020. İstifadə tarixi: 1 noyabr 2025.
- ↑ "Chainsaw Man Manga's '2nd Part' to Feature 'School Arc'". Anime News Network (ingiliscə). 19 dekabr 2020. İstifadə tarixi: 1 noyabr 2025.
- ↑ "Chainsaw Man Manga's 2nd Part Launches on Shonen Jump+ on July 13". Anime News Network (ingiliscə). 20 iyun 2020. İstifadə tarixi: 1 noyabr 2025.
- ↑ "チェンソーマン 1". S-Manga (yaponca). 27 oktyabr 2020 tarixində arxivləşdirilib. İstifadə tarixi: 1 noyabr 2025.
- ↑ "チェンソーマン 22". Shueisha (yaponca). İstifadə tarixi: 1 noyabr 2025.
- ↑ "アニメ「チェンソーマン」10月放送開始！戸谷菊之介、楠木ともりらキャスト発表". Comic Natalie (ingiliscə). 5 avqust 2022. İstifadə tarixi: 1 noyabr 2025.
- ↑ "アニメ「チェンソーマン」10月11日放送開始、Prime Videoで最速配信も決定". Comic Natalie (yaponca). 8 sentyabr 2022. İstifadə tarixi: 1 noyabr 2025.
- ↑ "チェンソーマン：第12話EDはEve「ファイトソング」 全12話の楽曲を詰め込んだSPムービーも公開". Mantan Web (yaponca). 28 dekabr 2022. İstifadə tarixi: 1 noyabr 2025.
- ↑ "Chainsaw Man – The Movie: Reze Arc Anime Announces September 19 Debut". Anime News Network (ingiliscə). 23 mart 2025. İstifadə tarixi: 1 noyabr 2025.
- ↑ "Chainsaw Man Movie: Reze Arc". Park Cinema. İstifadə tarixi: 1 noyabr 2025.
- ↑ "Chainsaw Man, Teasing Master Takagi-san, Dead Dead Demon's Dededede Destruction, More Win 66th Shogakukan Manga Awards". Anime News Network (ingiliscə). 19 yanvar 2025. İstifadə tarixi: 2 noyabr 2025.
- ↑ "Tatsuki Fujimoto's Chainsaw Man Manga Wins Best Manga at Harvey Awards". Anime News Network (ingiliscə). 8 oktyabr 2021. İstifadə tarixi: 2 noyabr 2025.
- ↑ "Tatsuki Fujimoto's Chainsaw Man Manga Wins Harvey Award for Best Manga for 2nd Straight Year". Anime News Network (ingiliscə). 8 oktyabr 2022. İstifadə tarixi: 2 noyabr 2025.
- ↑ "Chainsaw Man Manga Wins Best Manga Harvey Award for 3rd Straight Year". Anime News Network (ingiliscə). 14 oktyabr 2023. İstifadə tarixi: 2 noyabr 2025.
- shonenjump.com/j/rensai/chainsaw.html — Weekly Shōnen Jump saytında manqanın rəsmi saytı
- shonenjumpplus.com/episode/3270375685341574016 — Shōnen Jump+ saytında manqanın rəsmi saytı
- mangaplus.shueisha.co.jp/titles/100037 — Manga Plus saytında manqanın rəsmi saytı