Dadaş Nurulla oğlu Dadaşbəyli (15 iyul 1996, Qobustan rayonu) – Azərbaycanlı ağırlıqqaldıran.[1] Türkiyənin Konya şəhərində keçirilən V İslam Oyunlarının gümüş, Rusiyanın paytaxtı Moskvada keçirilən Avropa çempionatının qızıl (birdən qaldırma), Səudiyyə Ərəbistanının paytaxtı Ər-Riyadda keçirilən dünya çempionatının bürünc medalçısı,[2] Bolqarıstanın paytaxtı Sofiyada keçirilən Avropa çempionatının qalibi, dəfələrlə Azərbaycan çempionu, Azərbaycan rekordçusu, idman ustası.[3] VI İslam Həmrəyliyi Oyunlarında Azərbaycan idman nümayəndə heyətinin bayraqdarıdır. [4]
| Dadaş Dadaşbəyli | ||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Dadaşbəyli Dadaş Nurulla oğlu | ||||||||||||||||||||||||||
.jpg) | ||||||||||||||||||||||||||
| Şəxsi məlumatlar | ||||||||||||||||||||||||||
| Tam adı | Dadaşbəyli Dadaş Nurulla oğlu | |||||||||||||||||||||||||
| Vətəndaşlığı | ||||||||||||||||||||||||||
| Doğum tarixi | ||||||||||||||||||||||||||
| Doğum yeri | ||||||||||||||||||||||||||
| Təhsili | ||||||||||||||||||||||||||
| Çəkisi | 109 kq | |||||||||||||||||||||||||
| İdman növü | Ağırlıqqaldırma | |||||||||||||||||||||||||
| Məşqçisi | Asif Məmmədov | |||||||||||||||||||||||||
|
Medallar
|
||||||||||||||||||||||||||
 Vikianbarda əlaqəli mediafayllar | ||||||||||||||||||||||||||
Dadaş Nurulla oğlu Dadaşbəyli 15 iyul 1996-cı il tarixində Qobustan rayonunda anadan olub. 2003–2014-cü illərdə Qobustan şəhəri Aleksandr Osipovic Çernyayevski adına 1 saylı tam orta məktəbdə oxuyub. 2014–2018-ci illərdə Azərbaycan Dövlət Bədən Tərbiyəsi və İdman akademiyasında ağırlıqqaldırma ixtisası üzrə ali təhsil alıb. Məşqlərə hazırda da şəxsi məşqçisi olan Şəmsi Səfərlinin rəhbərliyi altında başlayıb. İlk yarışına 2007-ci ildə Gəncə şəhərindəki yeniyetmələr arasında Respublika birinciliyi olub. İlk uğurunu isə 2009-cu ildə yeniyetmələr arasında Azərbaycan birinciliyinin qalibi olaraq qazanıb.
2010-cu ildə Zirvə Beynəlxalq İdman Klublarının dünya çempionatının bürünc medalçısı olub. 2012-ci ildə gənclər arasında Respublika birinciliyində gümüş medal qazanaraq milli komandaya dəvət alıb. 2013-cü ilin sentyabrında Litvanın Klaypeda şəhərində keçirilən yeniyetmələr arasında Avropa birinciliyində birdən qaldırma və toplamda gümüş, təkanla qaldırmada qızıl medal qazanıb. 2014-cü ilin noyabrında Kiprin Limassol şəhərində keçirilən gənclər arasında Avropa birinciliyində birdən və təkanla qaldırma, həmçinin toplamda gümüş medal qazanıb. 2015-ci ilin oktyabrında Litvanın Klaypeda şəhərində keçirilən gənclər arasında Avropa birinciliyində birdən və təkanla qaldırma, həmçinin toplamda qızıl medal qazanıb.2014–2015-ci illərdə Zirvə Beynəlxalq İdman Klublarının dünya çempionatlarının qalibi olub. 2021-ci ilin aprelində Rusiyanın paytaxtı Moskvada keçirilən ağır atletika üzrə kişilər və qadınlar arasında Avropa çempionatında birdən qaldırma hərəkətində qızıl, toplamda isə bürünc medal qazanıb. 2022-ci ilin aprelində Ağır Atletika Akademiyasının yarış zalında keçirilən Azərbaycan çempionatında 109 kq çəki dərəcəsində birdən-birə 3 (üç) Azərbaycan rekordunu – həm birdən qaldırma, həm təkanla qaldırma, həm də toplamda — qıraraq tarixi nəticəyə imza atıb.[5] 2022-ci ilin avqustunda Türkiyənin Konya şəhərində keçirilən V İslam Həmrəylik Oyunlarında 102 kq çəki dərəcəsində birdən qaldırma hərəkətində gümüş medal qazanıb. 2023-cü ilin avqustunda Belarusda keçirilən II MDB Oyunlarında 109 kq çəki dərəcəsindən bütün rəqiblərini üstələyərək qızıl medala sahib çıxıb.[6][7] 2023-cü ilin sentyabrında Səudiyyə Ərəbistanının paytaxtı Ər-Riyadda keçirilən ağır atletika üzrə kişilər və qadınlar arasında dünya çempionatında 109 kq çəki dərəcəsində həm birdən, həm təkanla qaldırma hərəkəti, həmçinin toplamda bürünc medalı qazanıb. 2024-cü il Bolqarıstanın paytaxtı Sofiyada keçirilən ağırlıqqaldırma üzrə Avropa çempionatında 109 kiloqram çəki dərəcəsində 3 qızıl medal qazanmışdır.[8]
2015-ci ilin oktyabrında Litvanın Klaypeda şəhərində keçirilən gənclər arasında Avropa birinciliyində çempionatın ən yaxşı idmançısı adına layiq görülüb. 2023-cü ilin sentyabrında Səudiyyə Ərəbistanının paytaxtı Ər-Riyadda keçirilən dünya çempionatında bürünc medal qazanaraq azərbaycanlı idmançıların 18 illik uğursuzluq seriyasına son qoyub.[9][10][11]
Dadaş Dadaşbəyli Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarında gümüş medal qazanıb.[12]
Dadaş Dadaşbəyliyə 2022-ci ildə idmandakı fəaliyyəti yüksək qiymətləndirilərək Azərbaycan Respublikasının prezidenti İlham Əliyev tərəfindən mənzil hədiyyə edilib.
- ↑ Emil Əliyev: Dadaş Dadaşbəyli Azərbaycan ağırlıqqaldıranlarının flaqmanıdır
- ↑ "Atletimiz dünya çempionatında 3 medal qazandı". 20 sentyabr 2023 tarixində arxivləşdirilib. İstifadə tarixi: 1 dekabr 2023.
- ↑ Dadaş Dadaşbəyli Avropa çempionatında bir qızıl və bir bürünc medal qazandı
- ↑ "Azərbaycanın İslamiadanın açılış mərasimindəki bayraqdarları bəlli olub". Oxu.az (az.). İstifadə tarixi: 7 noyabr 2025.
- ↑ Dadaş Dadaşbəyli yenidən zirvədə
- ↑ İdmançımız Dadaş Dadaşbəyli II MDB Oyunlarının qızıl medalçısı olub
- ↑ Ağırlıqqaldıranımız Dadaş Dadaşbəyli MDB oyunlarının qalibi oldu
- ↑ "Polis baş-leytenantı Avropa çempionu oldu - Fotolar". 21 fevral 2024 tarixində arxivləşdirilib. İstifadə tarixi: 21 fevral 2024.
- ↑ "Dadaş Dadaşbəyli: "Bu, Azərbaycan ağır atletikasında son illər görünməyən uğurdur"". 27 sentyabr 2023 tarixində arxivləşdirilib. İstifadə tarixi: 1 dekabr 2023.
- ↑ Ən güclü ağırlıqqaldıranımız Dadaş Dadaşbəyli Ər-Riyadda 3 medal qazanıb
- ↑ Dadaş Dadaşbəyli Dünya Çempionatında 3 bürünc medal QAZANDI - FOTO[ölü keçid]
- ↑ "VI İslam Həmrəyliyi Oyunları: Ağırlıqqaldıranımız gümüş medal qazandı". Oxu.az (az.). İstifadə tarixi: 12 noyabr 2025.
- Dadash Dadashbayli (ing.)